假如世界只留下小部分人，你還有勇氣生存嗎？: 外傳(二)

呀！

蕉：咩事？冇野呀嘛？喂，喂！！呀文？

係呢個時候呀文部電話已經跌左落地，正正因為唔係nokia機，所以跌到熄左機


（一直係角落個個宅男，忽然指住課室門口大叫）強：呀！鬼呀！我唔想死呀！






我地一齊望向門口個邊，發現有一隻屍係出面經過。


呀權即刻就用手封住呀強個口

權：咪嘈！


欣：太遲啦！





只見隻屍望住我地，雖然佢個樣冇變，但我已經feel到佢因為見到野食而感到開心，佢不斷係到撞道門，好彩佢唔識開門，但道門已經唔頂得幾耐，再者！出面腳步聲越嚟越多。


柔：呢家點算？


傑：不如沖出去同佢地死過啦？我地咁多人！


文：唔得，你聽唔到腳步聲咩？分明就有其他嚟緊。







傑：咁呢家點呀？我都唔想死住呀！！！


權：我諗到個方法，呢到有兩道門，啲屍就係哂一道門到，但我地只要係另外道門一出，佢地就會發覺，所以我地要揾一個人負責引開啲屍，而我就決定做引個個。


文：唔得丫，咁你會好危險架。


權：我決定左啦！






文：但係.....


權：唔好但係啦，一陣我一跑出去，你地見我引走唒，你地就快啲走啦，幫我睇住我啲朋友啊！


話都未講完，呀權就沖左出門！


權：死怪物！我係到呀！


隻屍一聽到呀權吧聲，就九秒九，狗沖過去，眼看門後不停有屍跑過。呀文佢地只可以慢慢等。






文：到底有幾多屍係到！


等左一分鍾左右，大約有五至六隻經過，幸好佢地都掛住追呀權，而冇理到呀文佢地。


文：等我睇睇門口先！

文：係時候啦，快啲行！

柔：呀文:-(你隻腳冇事啦咩？？

文：好左好多啦，快啲行啦，我地只要去呀蕉表弟屋企就安全架啦






話講完，就行了，呀文.呀柔，呀傑，呀欣，同呀強五個人就開始去呀蕉表弟家路程。


沿途嘅屍都因為呀權嘅關係而引走哂。


到底佢地可唔可以安全到達目的地呢？呀蕉佢地又點呢？