第一話 新插班生

春風化雨中學(Cheer For You Secondary School簡稱CFY)是大埔區內的Band 1中學。

區內很多家長都期望子女可以入讀,而勤奮的小學生亦以CFY作為升中目標。

2010年,葉雨虹憑着優異的小六成績順利入讀,妹妹葉雨晴在「一條龍」教育政策下獲得加分。

2000年是千禧年,也是龍年,出生率特別高,令2012年小學升中的競爭尤其激烈。





2000年出世的葉雨晴,即使小六成績不算突出,亦比成績更好的同學有優勢而順利入讀。

2014年9月開學,葉雨晴升讀3D班,學校來了一名插班生,被班主任安排坐在她旁邊。

這名插班生短直髮,有點黑眼圈,不太着重打扮,跟其他女同學有很大分別。

葉雨晴長髮及肩,束了馬尾,主動向這位新同學打招呼。

葉雨晴說:「妳好!我叫葉雨晴,妳可以叫我Solar。點稱呼妳呀?」





這位新同學有點害羞,慢慢抬起頭來說:「我叫孫葡萄,Pluto。」

葉雨晴說:「Pluto?即係冥王星?」

孫葡萄說:「咁妳叫Solar即係太陽?」

葉雨晴說:「係呀!我嘅出現就好似太陽一樣咁晴朗!」

孫葡萄說:「咁睇來我兩個都有共通點,應該可以做吓friend。」





這時,葉雨晴發現孫葡萄雙手放在櫃桶內,似乎是拿着甚麼書看。

於是,葉雨晴二話不說,就把孫葡萄的手拉出來,一看之下原來是日本漫畫《山賊王》。

葉雨晴說:「呢啲書係違禁品,唔可拎出來睇。快啲收起佢啦!」

孫葡萄知道自己初來報道,當然樂意聽取原校學生的意見,立即將漫畫書收在書包內。

孫葡萄說:「妳鍾意睇日本漫畫嘛?」

葉雨晴說:「一般般啦!我比較鍾意煲劇,港、台、日、韓都鍾意。」

孫葡萄說:「哦……等我仲以為遇到知音添!」

葉雨晴說:「咁點都有睇些少嘅,我最鍾意睇《懶之練精學生》。」





孫葡萄說:「仲有《幻影騎士》、《死亡劇本》、《米田共少年之事件簿》都好好睇。」

葉雨晴說:「咁妳有無煲劇呀?唔會睇來睇去都係三色台掛!」

孫葡萄說:「咁又唔會!我都有睇《來治猩猩的你》、《沼澤喬木》、《海派東甩》。」

葉雨晴說:「我最鍾意《律政狗熊》入面,狗脷伸公平托腮諗嘢嗰陣真係超型。」

孫葡萄說:「狗脷伸公平?未聽過呢個演員喎!」

葉雨晴說:「呢個係角色,嗰個演員係木村托腮。」

孫葡萄說:「原來妳鍾意70後大叔,我就比較鍾意80後靚仔金敏鎬。」





葉雨晴說:「咁妳一定好鍾意睇《敗家者們》啦!」

孫葡萄說:「部戲講富三代亂咁使錢,終於敗曬阿爺所有家產,印證『富不過三代』呢個道理。」

葉雨晴說:「無錯!金敏鎬飾演嘅主角李歎,真係使錢都使得有型過人。」

孫葡萄說:「搵男朋友就可以揀富三代,搵老公都係富二代比較穩陣,至少唔會亂咁使錢。」

葉雨晴說:「梗係啦!富二代睇到阿爸點樣白手興家賺錢,咬開有血有汗。」

孫葡萄說:「富三代只見到阿爸點下面班伙記做嘢,飯來張口,衣來伸手。」

葉雨晴說:「至於白手興家嘅富一代工作太忙,根本無時間拍拖,使錢又唔會鬆手。」

孫葡萄說:「其他打工仔就更加唔使講,等佢儲夠首期買樓,我都已經人老珠黃。」





葉雨晴說:「估唔到妳年紀輕輕就已經咁識諗,真係英雄所見略同。」

就在兩人談得興起時,葉雨晴隱約聽到課室外有腳步聲,輕聲說:「唔好傾偈喇!禽獸返來喇!」

一名年約三十,短髮戴眼鏡,身穿棕色連身裙的陳秀琴老師步入課室。

陳秀琴說:「Good morning, I am your head teacher Chan Sau Kam. Here is my Chinese name.」

她就在黑板上用粉筆寫了大得很誇張的三個字「陳秀琴」,每個字至少有A3紙的大小。

3D全班起立鞠躬說:「Good morning, Miss Chan Chan.」

陳秀琴不怒自威,霸氣外露,各同學如臨大敵般,精神異常集中地上英文堂。





下課後,孫葡萄說:「『秀琴』調轉來讀係『禽獸』呢個我明,但係點解叫Miss Chan Chan呢?」

葉雨晴說:「咁佢姓陳,佢老公又係姓陳,咪叫Miss Chan Chan囉!」

孫葡萄說:「連人哋老公姓乜都知道咁勁?妳都幾八卦㗎喎!」

葉雨晴說:「我係雙子座嘛!一向消息好靈通㗎啦!」

孫葡萄說:「係咩?我係天蠍座,鍾意玩神秘。」