千禧港女神探（一）春風化雨殺人事件: 第七話　旗鼓相當

第七話　旗鼓相當

週末過後，3D班上完體育堂就剛好放學，女學生繼續穿着體育服在露天操場打排球。

葉雨晴跳高扣殺，孫葡萄反應不及，雙手一托，球向後飛去，打中在有蓋操場的黃傳聲。

這一球力度強勁，剛好打中鼻樑，黃傳聲即刻流下鼻血，在旁邊的古偉達勃然大怒。

孫葡萄連忙上前道歉說：「對唔住呀！你無事丫嘛！」





古偉達說：「無事？爆曬缸喇！呢鑊點計先？」

古偉達二話不說，就一巴掌摑過去。

葉雨晴立刻上前阻止，可是手不夠長，唯有起右腳踢向古偉達的右手。

葉雨晴說：「人哋咪講咗對唔住囉！你仲想點呀？」

古偉達說：「搞到我個friend咁傷，梗係要教訓吓先得。」





葉雨晴說：「佢都係我個friend，我唔可以俾你傷害佢。」

古偉達說：「喺學校入面，講個friend字就要負責。」

葉雨晴說：「咁你想點丫？」

古偉達說：「我知妳係Rainbow個細妹，傳聞妳係學界泰拳金腰帶，我都想見識一吓。」

黃傳聲說：「Victor算把啦！話曬人哋都係女仔，仲要細過你。大蝦細，俾屎餵。」





古偉達說：「咁又係！不如咁啦！我讓你雙腳，我只用雙手，妳手腳都可以用。」

孫葡萄說：「Solar唔好打啦！佢咁大隻，妳唔會夠佢打。」

葉雨晴說：「話曬我都係學界泰拳金腰帶，人哋讓我雙腳都唔肯打，咪即係認輸。」

由於葉雨晴穿着體育服，因此可以不需要顧忌地盡情踢腿，隨即進入「格鬥模式」。

古偉達比葉雨晴高出一個頭，可是她踢腿能夠高過自己的頭，直踢去他頭部兩側。

古偉達只守不攻，試探着葉雨晴的實力，防守得密不透風。

葉雨晴見腿攻上路攻不入，改為用拳攻中下路，主攻胸腹位置。

葉雨晴的套路逐漸被看清楚，古偉達開始轉守為攻。





兩人拳來腿往，葉雨晴手腳並用，古偉達始終保持雙腳不守不攻，果然言出必行。

兩人精彩的打鬥場面，吸引了不少同學圍觀，特別是5A班和3D班的同學。

黃傳聲用紙巾抹完鼻血後說：「我開個盤口，Victor贏1倍1.5，條?妹贏1倍2。買定離手！」

徐梓俊說：「我買100蚊Victor贏，記住數先。」

張宇傑說：「咁我買100蚊條?妹贏，記住數先。」

古偉達說：「仲以為學界泰拳金腰帶有幾犀利，估唔到只係花拳繡腿。」

葉雨晴說：「你同我收聲，你嗰啲先至係花拳繡腿。」





古偉達說：「妳嘅套路已經俾我睇通曬！妳中拳啦！」

古偉達這右拳力道剛猛，葉雨晴唯有撤回攻擊，雙手擋着臉龐。

身輕如燕的葉雨晴被迫得雙手撞向臉龐，再往後退幾步，方才停下站穩。

古偉達想：「Newton's second law of motion果然無錯，F = ma，力量果然係同質量成正比。」

葉雨晴想：「我係蠅量級，睇佢身形至少有沉量級，力量真係相差太遠。」

古偉達說：「好啦！?妹！妳輸咗喇！學界泰拳金腰帶都係麻麻地姐！」

葉雨晴說：「我仲企喺度，邊個話我輸。泰拳贏你唔到，唔代表我無其他招數。」

古偉達說：「咁我就真係要見識一吓喇！即管放馬過來！」





葉雨晴雙手由拳變成掌，由放在頭部兩側，變成左前右後放在胸前。

古偉達亦不甘示弱，以右鈎拳瞄準下巴，突然感到左臉旁邊刮起一陣勁風。

就在兩人的招數即將打中對方的一殺那，有一人閃到兩人中間。

此人左手緊握古偉達的右腕，右手緊握葉雨晴的右腕，正是體育科老師朱展明。

朱展明說：「你哋兩個當我死㗎！竟然夠膽喺我個場度打交！」

古偉達和葉雨晴說：「你話CFY係你個場？」

朱展明說：「我係體育科老師，有蓋操場同露天操場，都係我嘅主場。」





古偉達和葉雨晴說：「朱Sir我知道喇！」

徐梓俊和張宇傑說：「咁即係當邊個贏呀？」

黃傳聲說：「咁樣當係打和，莊家通殺，你哋每人爭我100蚊。」

徐梓俊和張宇傑說：「咩話？咁都得？」

某人看到兩人的打鬥過程後想：「原來Victor佢咁打得，睇來計劃要改變一吓。」