千禧港女神探（一）春風化雨殺人事件: 第卅五話　再次出手

第卅五話　再次出手

這天放學，張宇傑又再收到來自68923928的短訊。

68923928留言：「事情突然有變，有新的目標出現，要再請你幫手。(16:16)」

張宇傑回覆：「唔係吓嘛！上次講明係最後一次，估唔到你咁無口齒。(16:17)」

68923928留言：「我原本唔打算對付佢，點知上天竟然俾我大好機會。(16:17)」





張宇傑回覆：「你講嘅佢係指邊個？乜嘢大好機會？(16:18)」

68923928留言；「就係嗰個有份令Tina毀容嘅Miss Man，來緊35週年校慶會返來。(16:18)」

張宇傑回覆：「上次嫁禍Edward又話可以收工，今次之後又會有下次，永遠唔會完。(16:19)」

68923928留言：「我發誓，保證今次之後唔會再煩你。(16:19)」

張宇傑回覆：「我唔會再信你，亦唔會再幫你。(16:20)」





68923928留言：「你唔記得咗仲有犯罪證據喺我手上咩？唔通你想坐監？(16:20)」

張宇傑回覆：「就算要坐監，坐完幾年之後就可以重新做人，總好過成世俾你控制。(16:21)」

68923928留言：「坐監之後你乜嘢前途都無曬，你真係唔會後悔？(16:21)」

張宇傑回覆：「我已經先後害咗三個朋友，我唔想再害第四個，你想點就點。(16:22)」

68923928留言：「咁好！等我解決咗Miss Man之後，就會公開你嘅犯罪證據。(16:22)」





另一方面，徐梓俊亦收到來自68923928的短訊。

68923928留言：「我又要你幫手對付新目標喇！(16:23)」

徐梓俊回覆：「我屌！上次跣完Edward又話係最後一次？(16:24)」

68923928留言：「一個原本我無諗住制裁嘅人將會出現，都係我預計之外。(16:24)」

徐梓俊回覆：「仆街啦你！你預計唔到係你嘅事，咁搞法我咪要成世俾你控制？(16:25)」

68923928留言：「係又點？你奈得我何咩？來緊學校35週年校慶，Miss Man會返來。(16:25)」

徐梓俊回覆：「我話撚知你，我最撚憎人唔講信用同無口齒。(16:26)」

68923928留言：「你唔記得咗仲有犯罪證據係我手上咩？你可以唔聽我話咩？(16:26)」





徐梓俊回覆：「我寧願坐監都唔想俾你條粉腸成世控制呀！(16:27)」

68923928留言：「咁你就洗定個八月十五等住坐花廳啦！(16:27)」

因為事前CFY做的宣傳很充足，所以35週年校慶當日，一如所料有很多家長?臨參觀。

此外，基於CFY在大埔區內頗有名氣的緣故，也吸引了不少學術版的記者前來採訪。

當中包括《暗報》和《香島日報》的學術版記者，搜集資料作為評定區內中學等級之用。

另外，還有葉雨晴聯絡了的趙芷芳和高子峰在埋伏，等待兇手原形畢露。

有些家長在禮堂參觀學校資料，亦有家長在有蓋操場，各學會的攤位中玩樂。





一眾學術版記者，也在與老師或各學會的幹事在攀談，多些瞭解CFY的軟實力。

5A班各人也在禮堂或有蓋操場，協助老師招待賓客和維持秩序。

這時，一名「爆炸髮型」的中年女人出現，此人正是離職的化學科老師文麗卿。

文麗卿徐徐地步入禮堂，跟5A班的學生攀談。

何四悅說：「Miss Man好耐無見妳呀！妳肥咗又瘦咗喎！」

文麗卿說：「妳個Gag好爛呀！有深度些少好無？」

林嘉慧說：「咁好特登返來，掛住邊個呀？」

文麗卿說：「梗係掛住你哋班嘩鬼啦！」





葉雨虹說：「妳教緊嗰間中學嘅學生有無我哋咁精靈呢？」

文麗卿說：「我教緊Band 3中學，學生讀書梗係唔太理想，不過體藝方面幾好。」

謝隆恩說：「聽講唔少Band 3都要縮班殺校喎！妳教緊嗰間無事丫嘛？」

文麗卿說：「暫時仲頂得住，不過收生人數持續下跌，過多幾年就好難講。」

徐梓俊說：「妳有實力同經驗，就算真係殺校，要搵過第二份教職都唔難。」

文麗卿說：「就係資歷深先至危險，好多學校寧願請新人，貪佢人工夠平。」

張宇傑說：「如果真係有咁嘅一日，到時或者考慮一吓去屋邨補習社做囉！」





文麗卿說：「咁都係一條出路，船到橋頭自然直，到時再諗。」

何四悅說：「講咗咁耐，都未一齊影相。妳個『爆炸頭』仍然好有型！」

林嘉慧說：「唔好咁無禮貌啦！應該叫『爆炸髮型』比較好！」

文麗卿說：「無所謂啦！都係一句姐！」

於是，5A班各同學就輪流與文麗卿老師合照。