【遠在咫尺】我在日本的六十天: 7

7.
//
父母很擔心我在日本生活得不好，
所以我花了不少功夫來說明我過得很好，
我沒有跟他們提起過筱汶，
所以我只是說今晚我跟旅舍認識的新朋友出去玩。

除了父母之外，對我這次旅程最感興趣的就是阿康。
阿康是我的中學同學，
是最清楚我跟筱汶的事情的一個，


由我開始跟她聊天的那天開始，
我便跟阿康說了。

「點呀？今晚係咪同咗佢出去？」阿康在一小時前傳來了一則錄音。
「係呀，啱啱先返到Hostel。」
「今晚做左啲咩？」他很快回覆了。
「出左去食燒肉，傾左成晚計咁啦。」
「哦哦，覺得點呀？」
「覺得同佢一齊幾舒服呀。」
「唔係呀，我問佢個樣點呀，係咪同Profile pic一樣架？」


「頂，咁緊係一樣啦！好似之前咁講，有啲似Payuyu。」
抱歉我只懂以AKB48的成員來形容女生。

「咁唔錯喎，有無諗住做啲咩？」
「慢慢睇下點啦，咁我又唔會一直都留係度...」
「係嘅...如果一齊咗都幾辛苦，成日都分開。」
「係呀，其實做朋友都幾好啦？」
「但係如果有感覺嘅話，你就唔會咁理性咁諗。」
「有先算啦，我嚟呢度係旅行架嘛。」



聊了大約一小時後便感到有點睡意，
洗澡後很快就睡了。

第二天沒有筱汶的陪伴，
我獨自去了淺草那邊。

說起淺草，
便不得不提這裡的淺草寺。
淺草寺大門具有標誌性的「雷門」燈籠，
成為了港人熱門的影相打卡地點。

在門口為雷門拍照後，
我沿著入面的市集大街「仲見世通」一直走到參拜的地方，
為自己求了一支簽後，
我買了第一份手信給家中兩老，


是一對身體健康的御守。

我另外多買了兩個，
一個給自己，
一個給筱汶。

接下來還有不少時間，
吃了午飯後，
我朝著晴空塔Sky Tree走過去。

晴空塔是東京新的標誌性建築，
很多人曾經討論過這新的巨塔會否取代東京鐵塔的地位，
但我還是覺得東京鐵塔比較有味道，
是因為看了日劇「東京鐵塔」的關係嗎？



走著走著，
不自覺又很想見到筱汶，
於是我拿出了電話找她。
//