【遠在咫尺】我在日本的六十天: 28

28.
//
「買左Asahi，仲未變暖架，快啲飲啦。」我說。
 
我擦一擦眼睛，
把啤酒遞給Chloe，
自己則打開了第二罐。
 
「做咩唔開心？」
「因為筱汶。」


「你同佢表白左？」
「我…」
「發生咩事？」
「……」
「嗯？」
 
我把當天晚上所發生的事，
簡略的說了一次。
 
「然後你同佢表白？」


「無呀咩都無發生，然後佢呢兩日怪怪地，唔太理我咁。」
「但今晚你地一齊食飯？」
「係呀，返去個陣我想拖佢隻手，但佢縮開左。」
 
「嗯…」
「我諗你都知點解架啦？」
 
Chloe先前在Whatsapp提及過的，
應該就是指這件事吧，
的確最後筱汶是跟我說了，


只是一切…都已經開始了。
 
「都知嘅…」她想了一想，
「個陣知道左你同佢咁Close，我有諗過佢會唔會已經同佢男朋友分左手。」
 
「嗯…可惜無。」
「佢之前有同我講過，佢對你有好感，我仲以為佢會識諗。」
「可惜結果係咁，你知唔知佢男朋友嘅野？」
「佢講得唔多，我淨係知道係佢大學同學，都一齊左好耐。」
「嗯…」
 
第二罐一飲而盡，
我準備打開第三罐，
看到Chloe手上的那罐連拉環都未打開。
 


「咁你依家打算點？」
「放棄啦，唔係點？我依家見到佢都想調頭走。」
「好啦。」她拍拍我的肩膀，也陪我喝了幾口。
 
雖然有些微醉意，
但我還是把她送回了住處，
還好她跟朋友合租的單位就在這附近不遠。
 
回到房間後，
我連洗澡都動力也沒有，
躺在床上不久，
我收到來自阿康的Whatsapp。
 
「哄返人未呀？」雖說不知者不罪，但這話就像利針一樣刺進了我的心。
「嗯，無野喇。」我連回想的力氣都沒有了。


 
我戴上耳機，
想要聽一些喜歡的歌，
拾回一些甜美的感覺，
可是卻自虐心作祟，
選擇了「Wherever you are」，
聽著聽著，
我的眼淚已不自覺地流下來了。
//