呢個問題看似好難解決,但身處數碼年代,只要響一些網上討論區隨便開個post,標題「燒書大賽」約戰,咁照計幾日之後就會有一兩個人主動私信你,傾多兩句就可以約出來決鬥了。

於是我亦乾脆開post約戰,等待對手找上門。

開post既同時俾我發現當日我同果條港女街頭對罵既片段原來俾人影低左,然而網上主要言論全部都係針對果條女!

網民一致批評佢係個死港女!

哈哈哈哈哈!





今次真係抵佢死!

接下黎不足一日,已經有三個人私信我要求對戰。

佢地三個聲稱自己持有既角色分別係雲中鶴、郭靖同王語嫣。

根據小說敘述,三個角色中武功最厲害既係郭靖,最弱既係王語嫣。

但呢個「燒書大賽」既規則係只要你煮到果樣餸咁你就可以得到對應既招式,如果王語嫣既操控者係個廚藝了得既高手,完成到好似九陰白骨爪呢d高級技既菜餚,咁王語嫣咪變左武林高手。





我諗左諗,決定揀中間果個,雲中鶴。

我地相約禮拜日晚上十一點響維多利亞公園對決。

趁呢幾日我再煮多幾個相對容易既餸,為韋一笑增添多幾款招式。

因為忙於煮餸,導致我呢幾日都唔得閒做功課,被學校記左個缺點又被訓導罵左一餐,仲要求我下個禮拜開始一個月入面硬性規定留堂做好曬功課先俾走。

「阿sir,唔係咁下話,我今年Form5啦喔,仲我留堂?放我一馬啦。」我求訓導黃sir格外開恩。





「Kyle,我都係為你好姐,你下年就DSE啦,唔可以再懶散,要積極認真d。今次無情講。」

「阿sir.....」

「就咁話啦!下個禮拜開始放學之後過黎留堂室。」

「留堂室?唔係掛! 你當我中一中二咩?仲去留堂室?阿sir,留係班房得唔得呀?」

「唔得!」黃sir一口拒絕,「要講既係咁多,下星期記得準時到場。」

「哦,知道。」我無奈接受。

翻到屋企,我暫時拋開學校既煩惱,專心同韋一笑練習出招迎接後日既比試。

目前我既蝠王韋一笑已習得寒冰綿掌、草上飛、截手九式、伏虎拳同五羅輕煙掌。





雲中鶴,儘管放馬過黎啦! 
已有 0 人追稿