(無甜)上天給我的一個玩笑 (新增外傳): (18)

「大家注意，我以班會主席嘅身份去詢問你地，本人有意係暑假期間搞一次露營，暑假期間有一段日子會撞正有星座嘅出現，到時就會見到個天好多星星，有無人有興趣，我地女仔已經夠人可以成團架啦，各位男生有無興趣?」啊恩企起老師枱發表佢嘅偉論
 
喜歡親近大自然嘅我真係好興幸可以同啊恩一班，咩活動都唔洗我去計劃，每次佢都舉行呢啲活動
 
可惜班入大部份嘅男生都沉迷係網絡世界或暑假已經有哂計劃，到最後只有我同唔太相熟嘅啊慈去…
 
啊慈佢係觀星發燒友…我對佢嘅認識只有咁多…女仔方面就有四位，啊恩，啊怡，啊珊同…啊螢
 
啊怡同啊珊都係啲外向活潑嘅人，佢地經常孖公仔去行山，所以佢地去都係我嘅意料之內
 




就係暑期前最後嘅上學日…
 
「拿…今次個露營我地係去貝澳，兩個人為一組，一組一個營區，而家分組抽籤睇下邊個同邊個一組啦」啊恩開始搖均罐內嘅籤
 
結果我係啊恩一組…而啊螢就同啊珊一組，啊慈同啊怡一組，不過到時都係自由活動所以抽籤嘅意義其實唔大…不過我有預感啊恩會比個伏我踩…
 
「嘻嘻，每組都要派個人出黎煮!晚!飯!」啊恩露出個奸樣望住我
 
伏已踏中…唔洗講出黎煮飯個個一定係我黎…
 




決定好哂所有野之後我都返屋企去搵返啲封塵已久嘅裝備
 
「媽呀，個大背囊同個帳篷去左邊呀?」搵到一額汗嘅我已經忍唔住要搵老媽求救…
 
「你盲架，今朝拎左出黎抹咪放左係廚房到吹乾佢囉」老媽好肉緊咁睇緊劇
 
我鬼知咩…返到黎都無行過入廚房
 
「拎啲野死去邊呀?」
 




「過幾日去露營啫」我係到檢查緊啲裝備有無損壞
 
「咁得啦，唔洗煮你飯唔洗煩」
 
「…」原來佢係關心呢個問題…
 
呢個時候…啊螢打比我…
 
「喂」
 
「啊風呀…我…」啊螢口窒窒咁
 
「得啦…一定係你比人揀左做煮飯個個啦，我煮埋囉」我以為我好了解佢…
 
「唔止呀…我無咁大個背囊可唔可以借個比我呀」啊螢好似係到忍緊笑




 
Shit 柒左
 
「哦…有嘅…我聽日拎比你啦」柒到把聲都頹埋
 
「頭先好似有人話會煮埋我餐飯WOR」
 
「煮咪煮，怕你麼?」
 
「嘻嘻，唔該哂」收左線…
 
媽呀好柒呀…
 
既然係咁我都唔爭在，成餐晚飯我煮哂…
 




出發當日…
 
我 啊螢 啊珊 啊怡亦都已經到左東涌地鐵站，係爭啊慈同啊恩…過左半個鐘都未到…
 
「搞咩搞咁耐呀…一陣比人霸哂啲營區喎」我已經不耐煩
 
突然聽到遠處嘅跑步聲
 
「Sorry呀，遲左起身，我約左啊慈搞到我地一齊遲」啊恩係咁SAY SORRY
 
啊慈佢就拎齊哂佢啲觀星裝備企係到一句野都唔講…
 
「齊人行得」啊螢好興奮…