(無甜)上天給我的一個玩笑 (新增外傳): (35)

雖則啊螢黎到寄宿嘅日子只有短短兩日，但係已經令到我屋企嘅氣氛改變不少，當中最開心個個緊係我老媽啦，佢就好似多左個女咁陪佢玩，所以係往後嘅日子老媽都經常邀請啊螢過黎我地屋企寄宿，就係咁我同啊螢嘅感就更進一步
 
時間亦不知不覺去到中六了，我同啊螢嘅感情亦都無減退過，可能當我呢一陣風遇上呢一點「螢」火，愛情之火越燒越旺盛，不過當然我地都有試過一些小爭執，但係當你愛一個人嘅時候你就會對她包容同忍耐
 
有啊螢陪伴嘅公開試過得特別快，係呢後公開試期間我地嘅日子都只係去自修室溫書同操卷，有時亦會同啊螢睇電影行街，不過係呢段期間能夠帶比佢嘅歡笑實在太少啦…所以我同老豆老媽亦都決定一家人去台灣旅行，當然包括埋啊螢啦
 
「出發嚕」老媽同啊螢好似兩姊妹咁
 
「哈哈哈哈，唔講唔知人地以為你地係兩姊妹呀」老豆繼續傻笑
 




「洗乜講，我咁年輕」自從有啊螢陪左老媽之後，老媽又真係容光煥發左…
 
飛去台灣嘅時間唔長，眨眼間就去到，一去到嘅時候，我地就已經去到酒店，我同啊螢一間房，老豆老媽一間房，安放好行李先至出去玩
 
第一站我地去左六福村嘅主題樂園周圍玩
 
「呀!!!!!!好驚呀」啊螢係過山車上面尖叫
 
「哈，呢個已經唔激架啦，陣間我仲要去玩跳樓機」我將啊螢個頭擰向跳樓機方向
 




「唔要呀唔要呀」啊螢係咁擰頭「我頂唔順架」
 
「衰仔你咪嚇人啦，你要玩你同你老豆去玩」老媽都比個過山車嚇親「我同啊螢四圍去行下」
 
「哦，好呀，咁一陣打電話比我啦喎」老豆已經四圍望物色緊邊啲機動遊戲夠激
 
結果我同老豆幾乎咩都玩齊哂，就係爭個摩天輪
 
呢個時候都差唔多一點鐘啦，又係時候去食飯，我同老豆搵埋老媽同啊螢之後就係樂園入面嘅餐廳食一餐普普通通就返去樂園行埋未行嘅地方
 




去到黃昏左右，我地出發去左台灣既夜市掃街，食左好多唔同既小食，柯仔煎、七里香實際上係雞屁股、豪大大雞排、海鮮麵…好多好多
 
由於係第一晚，我地亦都入鄉隨俗，只係玩到十點左右就已經返酒店休息
 
第二日，我地去左十分放天燈，做一啲一般情侶會去做嘅事，之後就落返九分四圍買買買，食食食，睇睇睇，係九分入面，啊螢買左好多小食，蒟蒻呀，鐵蛋呀等等，我諗應該係買比盈盈掛
 
而我亦都走左去入面一間賣木製產品嘅店鋪，買左兩個刻有我地名又可以拼埋嘅鎖匙扣，同啊螢一人一個，用作留念
 
隨後嘅日子，我地都係去左唔同嘅地方不斷食食食，又去左西門町四圍參觀，直至最後兩日，我地由台北南下走左去台南，去感受一下台灣嘅大自然氣息，先黎去左遊國家公園，最後就去左陽光充足嘅海灘
 
經過呢幾日嘅台灣之旅，雖然講唔上充實，但我就填補左係考試期間同啊螢少左嘅甜蜜時刻