不知不覺愛上你: 7. 擔心

我即刻唔理咁多打返比佢, 咩設計咩 function 都唔記得哂!  佢無聽.  真係嬲咗?  我啲同事問我係唔係有事要走先, 我話比我去洗手間洗個面就冇事.

五分鐘後佢打返比我, 話啱啱家姐在泰國打電話比佢.  好彩佢無真係嬲, 嚇得我!

佢話佢今日好唔開心, 因為工作壓力太大, 話做極都做唔好, 可能考慮返內地再搵工.

我問佢會唔會考慮在香港搵過份工, 佢話佢好鍾意接觸小朋友所以要再考慮吓.  Charlotte 平時好有正能量, 但係今日感覺到佢真係好唔開心, 我嘗試氹返佢開心, send 咗我十年前勁肥嘅相比佢, 又話如果佢唔介意我可以請佢飲嘢.

"...我從來都唔會請女仔飲嘢...希望你會喺第一個..." --- 我在電話同佢講.





"...我唔信!..." --- Charlotte 好似開心返啲.

"...有一樣嘢我好想在飛機飲但係從來都未見過..." --- 我繼續.

"...飲咩?..." --- Charlotte 問.

"...維他奶...因為維他奶係代表香港嘅飲品..." --- 我覺得我好有道理.

佢笑咗好耐, 然後再話有機會遲啲煮四川嘢送去我公司比我食, 雖然我知佢只喺講笑, 但係我已經開心到好似真喺聽日就可以食到咁.  女仔識煮嘢食的確喺好吸引.  如果有個咁嘅女朋友就好啦!





最後講咗半個鐘佢話返到屋企要收線.  雖然佢好似開心返啲, 但係我都係有啲擔心佢.  可惜我只知佢住上水唔知個 exact 地址, 如果唔係我今晚一定揸車去搵佢.

這次喺我第一次 "擔心" Charlotte.