不知不覺愛上你: 16. 疏遠

我唔知點反應, 只係望住個電話唔知可以點, 個腦一片空白唔知點覆 Charlotte 好.

"...點呀? 我真係咁討厭咩? 你成日都唔覆我!..." --- Vivian Lam

"...今晚你嚟我屋企一齊食啦...我而家嚟車你..." 我 whatsapp 同 Vivian 講.

其實我唔知點解會咁答佢, 可能真係太唔開心唔知自己做緊咩.

Vivian 睇得出我唔開心, 食飯時係咁講嘢希望我開心返.  我冇同佢講太多, 只係話我鍾意嘅女仔啱啱話我地冇可能.





"...我八年以來第一次鍾意人, 可惜兩星期就要失戀..." 我唔知係同自己定係同 Vivian 講緊嘢.

"...如果你戀嗰個係我你就唔會失戀啦..." Vivian 去廚房攞雪糕時講.

我冇心情同佢講笑, 敷衍咁同佢笑咗一笑就行出露臺唞吓氣.

今晚個天好清, 個海好靜, 好似想同我一齊嘆息一樣.

"...whenever there is a long lonely night like tonight, I will always recall our memories, my memories, of you..." 我想 send 呢句比 Charlotte 但係最後都冇勇氣.  雖然只係兩星期, 好多嘢都係同佢只係發生過一次, 但係我真係好清楚咁知道我今生"最愛是誰".





之後半個月我都冇搵佢, 希望可以慢慢習慣沒有 Charlotte 嘅日子.  久唔久我會攞返 LuLu 張 receipt 出嚟睇, 又會去佢嘅 Facebook 欣賞佢啲相, 不過始終冇勇氣再聯絡佢.

這次喺我第一次 "疏遠" Charlotte.