唔怪得三葉話唔可以用火系打佢,原來係咁既意思!但係佢個龍位既兩個名詞會唔會有啲矛盾?

「咁Conversion同Conservation又係咩意思?」對唔住教英文既Miss Cheung,我無好好上堂溫書!
「複雜既講法就係改變物質最基本既排序及結構,從而令到件物質變成另一種物質,比喻黎講就係將一舊原本好鬆散既積木拆開再重新砌過,至於要砌成點,就係都鐸自己話事。」

「你地個世界都有積木?」咦,我既著眼點係咪錯左?

「至於簡單既講法就係『點石成金』。」

「你覺唔覺得一開始就用呢個成語黎形容會慳好多時間?」




就係我地一路講野既時侯,咕孖依然一路捱打,方舟守護既護罩亦都面臨崩潰邊緣。
「若果我唔解釋運作既原理,好難會解釋到佢究竟有咩弱點。」

「點解你咁清楚佢?而且點解你咁清楚佢之餘你又唔親自對付佢?」
我既問題被三葉徹底地無視,但係依家咁既情況似乎由佢繼續解釋比較有利。
「佢既轉換能力有兩大弱點,第一、佢只可以改變塊積木既構造,最多都只係減少多餘既積木,點都唔可以憑空製造新既積木,改變始終並唔係創造,呢個係conservation既限制。」

呢個算係結晶柱體積比起本身條樹幹大縮水既解釋?
「第二,就係用呢個能力需要大量既能源去支持,即使都鐸身為能源之龍,係進行轉換之後能源輸出點都會大受影響……亦即係佢既吐炎威力亦都下降左。」





的確都鐸由頭先轉換左支結晶柱之後就無再噴過火,係雨天及能源消耗過多既情況之下,似乎吐炎攻擊已再無意義。
「鏘---」玻璃碎裂既聲音。

結晶柱已經刺穿保護罩,此時大熊乘機衝入都鐸懷中以作最後掙扎。
但係咁樣反而令到都鐸難以用結晶柱攻擊咕孖,佢只可以蠻力嘗試推開巨熊,但係二人體力不相伯仲。
「係機會喇!用頭先錄低既魔法!」

此時我果斷地禁制!
Wild hear my call, I am a part of the nature yet the nature is a part of me. Water is my blood, root is my bone and soil is my skin. In the name of Wrathwood, let the plant grow fast, grow big and grow strong.
無數根莖瞬速破土而出,然後快速生長,纏住巨龍既身軀。





係都鐸雙腳已經被緊緊纏住既時侯,咕孖立即後退,然後根莖繼續生長,漸漸覆蓋都鐸整個軀體。
若果三葉無施展嶽砶重壓的話,都鐸大概都可以靠飛上天避開呢招,但係係雙重壓力之下,無吐炎既都鐸根本擺脫唔到!
「吼------」

都鐸既咆哮依然嚇人,但係由當初宣示自己地位既聲音變成猛獸走上末路既聲音。
「呢個就係我既答案,森之觸。手!」

「等等……點解啲樹藤既形狀好似咁猥瑣?」
到最後,我都係靠平時睇動畫(表番及裡番)累積返黎既經驗想像左呢棵植物。

一般黎講慘遭呢類植物毒手既都係妙齡美女,但係今次情況危急我唯有將就啲。
如是者,都鐸已經被無數生得好似陰莖一樣既樹藤緊緊纏住,動彈不得。

其中一條蔓藤仲因為其本性而想伸入都鐸口裡面,但係瞬間就被咬斷,睇到我兩腿之間都非常之痛。




三葉打個指響,暴雨立即停止,意味住戰鬥既結束。

好喇,成功制伏左條龍喇,跟住點?用精靈球收伏佢?
「滿意未?」

一把壯年男士帶住半點不爽發出既聲音。
聲音來源並唔係我,亦唔係三葉,更加唔係咕孖。
都鐸開口。

「你滿意未?塞洛(Triknot)。」
「你打傷咕孖果筆姑且叫算清,仲有,依家我個名係三葉。」

「咦?????乜條龍識講野既????」
「原本打算同你單獨傾下……竟然被你迫到呢個地步。」





難怪都鐸追住我黎打,原來我做左電燈膽!
「過獎,我都部署左好耐。」

「既然如此我都要認真……吼-----」各位,中二病常用句第一位 - 我要認真喇!
都鐸咆哮一起,一團巨大既火球立即從商道兩邊既叢林射出!
「弊!計漏左!」三葉暗道,但係佢仲未黎得切施法之前,火球已經直擊都鐸。
都鐸身上黯黑色既鱗片再次燃燒,轉成紅鐵既顏色。

「我倆之間既帳都係時侯算清……Inner Flame!」
熱水爐開著既聲音從都鐸身上傳出,不久後蔓藤開始燃燒,數秒之後都鐸已經重獲自由。
「嘉穎!叢林中有都鐸既幫手,你幫我阻止佢!」三葉既語氣不再游刃有餘。

「吓?我點夠打……」

「對方只係人類,你唔可以打輸!」




頭先粒火球既威力,比我既Magma Spear更強,我仲以為對方一定係怪物或者其他龍,若果對方係人類的話,我都有返少少信心。
就只有少少,我電話既電類得返35%,用晒之後我就要靠肉搏黎打!

如是者,我往剛才火球發出既方向前進………
進入叢林之後,由於天色黑暗,我只能依靠對方逃走造成既樹木遙擺聲追蹤。

對方身穿黑袍,連係男係女我都唔清楚。
一般情況下被追蹤既一方至少係逃走時會放火球術拖延下,但係佢無咁做。

亦因為咁,我地已比較快既速度離開三葉同都鐸所在既大商路……
莫非呢個就係佢既目的?

一段路程之後,對方終於開火。
「熊----」





屌!點解唔使唱技既!
已有 0 人追稿