「突發」打打下丁比人捉左去研究所做實驗品: 風扇(上)

「嘩，咁大坐風扇，一定好涼」，我為左令自己冇咁驚，我竟然當住咁多人面前講d完全唔好笑嘅笑話，

我諗我真係變左，但係宜家已經冇時間比我思考人生了，係我面前嘅係一坐好巨型嘅風扇，

風扇前面係一塊空地，係一個正方形黎，同穆林諗嘅一樣果然係同正常風扇一樣，係有空隙，

空隙又啱啱好係四個，每一組四人，只有兩組可以留低，咁我估一定唔係每個空隙都可以比人通過，

正當我想同大家講出我嘅諗法嘅時候,穆林已經開左口「開始嘅時候，我地先跟從計劃而做，





呀鋒保護我，而鴉同霸天就向正面而黎嘅敵人作出攻擊，霸天，記住唔好留手，呢道冇人會可憐你。」

我點頭示意我明白，其實我聽到琴日鴉嘅說話「呢道係戰場，唔係遊戲」

我就知道我已經冇任何時間去做一個好人，唔打倒面前嘅敵人，我就冇辦法繼續向前行，

「訓練開始」，已經冇人在意黑超人嘅語氣。

一開始全級人都係道等，等咩？五個空隙，冇人知邊兩個，呀唔係一個係真正嘅出口，時間過左五分鐘，





佛地文嗰組首先打破悶局，佢地分別衝向第二組，因為第二組係分開兩組人黎坐嘅，

正當第一組諗住向第二組嘅人發動攻擊嘅時候，唔知點解佢地身上都出現左一條條長度不一嘅繩索，將佢

地本來迅速嘅步伐，減慢，有兩個人仲因為解唔開繩索，就咁死左，當然第二組分隊二馬上乘勝追擊，

一擁而上，佢地手持大小不一嘅刀，手起刀落，完全沒有憐憫，就咁第一組就係五分鐘被解決。

「咩事呀？」我望住我眼前嘅情景，我情不自禁咁大叫左出黎，我望一望穆林同其他人嘅表情，





除左鴉之外，冇一個唔係同我一樣「唔撚係掛」，我見到嘅就係第二組正想向第三組落手嘅時候，

一堆唔知咩蟲由地面一擁面上，將面前嘅敵人第二組每一個人嘅身體蠶食，睇到呢道，

我第一時間嘅目標當然唔係瀨尿啦，我即刻搵出施法者，我好清楚咁見到嗰嗰叫余軒嘅男仔，

打開左個盒，盒內嘅野我睇唔清楚，只係知道係第二組身上嘅蟲消失曬，佢就將個盒「山」番，

「各位，我肯定係嗰嗰叫余軒嘅男仔做嘅，佢嗰盒就係佢嘅武器。」

「如果唔係要我保護穆林的話我應該可以用飛刀殺左佢，但可惜我唔得，咁就得番你同鴉可以去，

「鴉可以閃現，但要係十米之內我地同佢嘅距離只少有三十米。」呀鋒將宜家嘅情況講左出黎，

呢個情況下就得番我一個人可以做到，「咁我去打爆個盒咪得囉，睇嗰嗰人應該近身戰嘛嘛」。





「好，咁就交比你，但記住必要時你一定要殺左佢。」穆林再次提醒我唔好手下留情。

正當我地準備行動嘅時候，係我地面前出現左一隻非常巨型嘅貓，成隻都係黃色同白色，

頭頂仲有個細路仔，「唔洗諗住走啦，你地嘅對手係我呀！」鴉聽到後笑了一聲，

手已經放在刀柄上，準備作戰。

「細路，呢道交比我，你做好你要做嘅野」鴉隨即動身，我聽到後都不敢抬慢，馬上跑向余軒嘅所在地。

我知道如果我唔解決佢，就算生存上限係兩組佢地都唔會比我地通過，因為係呢道多一個人，

就係一個敵人，所以我一定要先下手為強，我唔想辜負大家對我的期望，所以我一定要成功！