「突發」打打下丁比人捉左去研究所做實驗品: 風扇(下)

武士刀，哦，係鴉，但我諗我頂唔到幾耐，因為我嘅身體已經比d蟲蠶食到不似人形，

我諗宜家我嘅身體已經不似人形，但冇我想像中咁痛，可能我嘅身體已經冇曬知覺，

鴉係見到我之後咁講「喂，細路醒啦！」「唔洗叫啦，d蟲好大食架，我地快d衝去終點仲好啦，

呢d傻仔去到前面一樣會比人殺」一路比蟲咬嘅我，一路聽住余軒講嘅說話，我係道諗，

我係咪真係冇資格生存落呢，我好多野都未做過，拖未拍過，工未番過，唔好話啪啪啪呀，





根本我就只係識打丁，番學，根本就係個垃圾，細個有女仔同我講過要同我結婚，

人地轉左校，連人地電話都唔知，黎到呢道只係一心想有好嘅隊友，穆林話唔好心軟，你又唔聽，

宜家好啦中曬招，我仲有好多野未做呀！！！我要起番身，走出去，我諗到呢道之後，

我望一望我身上面嘅蟲，點解佢地只係喺道嘅，「我知啦，佢地根本咬唔入我」

原來D博士真係將我成個身體都改造左，咁就好啦，我宜家就要打柒個細路。





「屌你老母！，死仔我信你，你竟然玩鳩我，鴉，你唔洗出手！」

我係佢地講野嘅時候企番起身，鴉聽到後「細路，幾好野呀，咁我番去幫佢地，你自己搞掂佢」，

「點會咁架，我d蟲竟然咬唔死你」細路驚悚嘅表情令我有幾分爽快，「估唔到呀呢」話口未完，

我一個箭步，已經到左余軒嘅前面上，「唔好呀！我知錯啦」，冇左個盒嘅佢，

係我面前根本毫無還擊之力，我借住箭步嘅力向佢嗰肚打出一拳，亳無技巧嘅一拳，





余軒將手打成x字作出防禦，一拳擊係佢手上，佢成個人彈開左，訓左係地下，

我慢慢行過去佢嘅身邊，佢望我嘅眼神好似人對住怪物一樣，只有害怕，我走到佢前面，

「冇左個盒，你咩都唔係呀！」我一腳踏係佢個肚上，佢大叫左一聲，我冇理，我只係要打柒佢，

出番一口氣，「唔好呀....我知錯啦，唔好收殺我呀」佢喊住咁講，我終於停低我隻腳，

你估我好想殺你咩，但我冇得揀！

「霸天，落手啦，留住佢對我地都冇好處，我地宜家有五個人，已經夠多啦，唔好再留手啦！」

呀鋒係我後面咁講，

我好奇咁問「咩五個人呀？我地組得四個人，點會有五個人呀？」，





「口個邊口個口個細路投左降，佢冇反抗咁咪唔殺佢囉，但呢個細路根本就係要玩鳩你，

你又中佢計，你..唉，唔好講咁多，快d殺左佢」呀鋒咁講，「細路你叫余軒哦可，我會記住記你，

再見」，余軒:「唔好呀!」我正當想一腳踏係佢頭上嘅時候，「呯」我隻腳非常痛，

我大叫:「邊撚個射我！」，

「1989，冷靜d，呢道啱啱好六個人，一個都不能少，全部都要係大賽時為我出戰嘅人」

我一轉身見到一個身形肥大嘅男，呀鋒即刻大聲咁問「你邊位呀!我地殺人關你咩事呀!」，

「冷靜d，我相信你應該係Ben所長，係咪呢?」一向機智過人嘅穆林向肥佬問，





「好野，好野，不愧係我嘅人，果然好野，我就係所長呀Ben，你地個個都要幫我打贏阿力奇呢條仆街，

贏左的話你地個個都可以出番去，仲可以為西共軍隊出一分力，人黎，帶佢地去休息室，一陣再訓練過」，

「Ben乜撚野呀，死肥佬，又要叫我地打又要叫停我地，屌!」呀鋒聽到佢嘅說話後極度不滿，

「唉，唔緊要啦，殺少一個好過」我因為呀Ben嘅出現而唔洗打死余軒，

「你唔好咁諗，呢d情況唔會再出現，下次唔好再留手，如果唔係冇人幫到你」穆林回應我心底話，

我笑住咁點頭。

「跟住我」一如既往都係黑超人講出呢人句，到底呢道有以多個黑超人呢？