「咳咳咳,大家有冇事呀!」呀鋒第一個出聲,我地一個一個點頭示意,

因為我地都比佢地既氣勢所逼迫,就連開口講野都經已係極難之事,但係點解呀鋒仲好地地既,

可以講野,可以郁,呀鋒見到我地既情況,都察覺到不妙,之後做出一個恍然大悟既表情,

好似掌握到啲咩咁,「大家,我諗佢地當中有一個人同我一樣,都係有念力呢個能力,

所以你地先比佢地壓制住」,之後呀鋒係衣袋拎出五把匕首飛出去,匕首一出去好似有意識咁,





四處飛,但係目的地只有一個,就係企左係度果五個人,只見到匕首的速度飛快,

係唔同既角度向個五個怪物襲去,之後我地身上既壓力好似有緩和既情況,五個怪物當中,

刀片人第一個有所行動,佢拎兩隻手肘上面既刀片打落飛緊既匕首度,要知道,要擊中飛行中既匕首度,

係唔容易既事,其餘既匕首完全都係半空中落地,

「哈,果然,你地有個都係用念力,岩岩石頭會爆炸都係你搞鬼啦」,原來呀鋒想用匕首小試牛刀,





睇下佢地既底蘊,二來可以分散佢地念力師既功力,緩和我地既情況,經過時間拖延,我地恢復番,

呀鋒keep住出聲,「如果我冇估錯,你地個頭有角個個,應該係念力師」,「呀鋒好波!」

眾人都讚呀鋒英明,之後我地細細聲討論,穆林第一個開聲,「我讀到佢地既心,

佢地會有三個同我地打,之後果兩個會去拎北極之星,所以我想4個人留係度作戰,

之後呀軒保護我去拎北極之星」眾人點頭,





果然,佢地既電佬仲有釘佬開始行向洞穴更深既地方,而穆林仲有呀軒都開始行動,

我地四個對佢地三個,應該會有少少優勢掛?好可惜,我錯得好交關,我地四人冇一個作出行動,

正所謂敵不動,我不動,仲有以不變應萬變,我地只係知道佢地有個同呀鴉仲有呀鋒一樣,一個用念力,

一個用刀,應該佢地既嘅對手,咁即係代表,我同呀華既敵人,就係光球佬,

希望穆林行快少少拎到粒寶石啦,「吱,吱,吱」,岩岩黑人憎既笑聲再一次出現,

睇嚟應該係角佬發出嚟,「有咩咁好笑呀,屌你」,呀鋒叫嚷,我地沈唔著氣,採取進攻,

我地想使用逐個擊破既方法去打佢地,分開佢地,再一一擊破,聽落可行,

但係唔好唔記得我地既敵人唔係正常人,正當我地一同向光球男進攻,光球男心口突然發白光,





之後射出強烈既光線,光線目標睇嚟唔係我地,佢射左落石牆上面,「哈哈哈,咁渣架你地原來,

睇嚟王牌隊伍都只不過是不外如是既科學怪人姐,哈哈哈」,突然成個洞穴猛烈震動,地震?唔係,

石牆上既石塊開始掉落,落左地下度開始粉碎,我地都忙住護住重要部位,唔比石塊傷到,

但係我地忘記左一樣野,一樣好重要既野,我地同其它隊友既距離愈來愈遠,之後仲有幾塊大石跌落地,

分離左我地,依家得呀華和我一齊,而我地面前既,係光球男,和我一開始諗既野一模一樣,

唔知佢地點呢,不過唔好亂諗野啦,搞掂左前面條友先啦,呀華話我知,

岩岩茂仔仲有吉仔因為幫我地擋左一劫所以受左傷,要少少時間先可以出番嚟幫我手,





以佢地既復元時間,大概要15分鐘到先可以出番嚟,係呢段時間,要我頂住佢,我心諗今次仆街啦,

係缺乏戰爭經驗下,要打得蠃戰爭機器,個或然撚仲低過零,所以我將打贏佢既心態收埋變成保護要害,

降低傷害,等吉仔仲有茂仔幫我手我企左係地下等待佢既進攻,希望可以更清楚了解到佢既實力去到邊,

只係見到佢光球一直閃下閃下,再加上岩岩一役,應該個個光球就係佢既力量來源,

依家只要睇下佢既出招,

就大約估到佢到底有幾強,等左十幾秒,佢終於郁啦!佢既第一個動作係雙手放係光球上面,

光球係呢個時候,有一絲一絲白色漿流係佢手上,唔好亂諗,真係白色漿,之後佢隻手都開始閃閃發光,

之後開始漫延全身,最後佢成個白色板嘅watchman曼哈噸博士咁樣,





唔知咁樣有咩意思呢,唔理啦,頂得幾耐得幾耐,不過就咁睇,睇嚟佢心口個光波除左爆炸光線,

仲可以幫佢做附魔之類既野,應該增加戰爭力之類既野掛,姐係佢同我一樣都係近戰士,

佢走緊過嚟我度,佢既白色野一撻一撻落地,之後地下滋滋聲出煙,睇嚟佢啲白色野唔可以掂,

講到呢度,佢經已一野打落我個肚度,好彩我一早全神灌注落佢既動作度,即使佢動作真係好快,

但係以我既視覺能力,要跟上佢動作唔係問題,只不過我要閃開佢動作,要完全唔比佢掂,

有一定既難度,所以我動作不敢太衝動,直到佢無啦啦收手既時候,我唔明佢用意何在,

佢突然向我後面跑去,佢咁樣做我真係反應唔到,之後我先醒起,我後面係呀華,我先即刻擰轉個人,





但係我一擰轉,光波男回馬一腿,正中我個肚,我因為太緊張關心呀華所以疏於防御,監生食左佢一腳,

我先知道佢啲白色野係灼熱無比,我成個人好似比火燒咁,好似有上千隻蟻係我個人到爬,好辛苦,

我跪左係地下,果然我都係太過缺乏經驗光波男依家先慢慢行去呀華度,我見到呀華雙腳不停咁震,

但係佢依然抱住吉仔仲有茂仔,佢明知自己可能會死係佢手上,但係佢都要保護佢地,我見到咁樣,

心中團火燒起嚟,痛感係呢個時候只不過係我既助燃劑,身上既熱力開始漸減,唔係,

應該話係比我個身食左,我企番度,之後大叫,「光波佬,我屌你老母,夠彊既,唔好搞佢」,

佢聽到好似想徹徹底底咁打低我,我集中氣力,頭先比我食左既岩漿蒸發出嚟,依家我全身出煙,

成個超級撒亞人咁款,之後全力向佢塊面揮出一拳!
 
已有 0 人追稿