「突發」打打下丁比人捉左去研究所做實驗品: 聚能
「乜撚野局長呀？」我問完之後佢亦都冇答我，點解呀，因為佢都係黑超男囉，
我一邊跟住黑超男行一邊諗，如果我再勁d呀華又係咪可以唔洗死呢，會唔會成個訓練都會輕鬆D呢，
一諗到呢道我就知道我要搵多次D博士幫我強化身體，因為咁先可以打贏場比賽，
再加上出番黎我仲要毀滅呢一個研究所同埋西共，過左十分鐘左右我見黑超人仲行緊，
我就開口問佢:「黑超大哥呀，你係咪玩鳩我呀？行左咁耐」，一如既往黑超人都係冇出過一句聲，
我心諗邊撚叫佢唔好出聲架，唔通急尿屎都唔比人去咩，我諗左陣野之後，黑超人終於肯出聲，
我都廢事聽佢廢up，我直接行去佢前面，「1989到左啦」，黑超人向住另一個黑超人講，
係我面前嘅係一輛黑色嘅吉普車，門已經打開左，行出黎嘅係一個熟口熟面嘅肥佬，面油多到滴落地啦，
仲戴住副冇框眼鏡，直頭同痴漢一樣嘅肥佬係局長咪玩啦，
肥佬用一把油膩嘅聲音講:「1989做得好呀，頭先見你比人咁打都仲起到身好野呀，
不枉我一開始咁睇好你」，佢一邊講野一邊望清楚佢個樣，仆你個街！呀Ben黎嘅，
講左咁耐完來係呀Ben，咁Ben就Ben啦，所長叫自己做局長，真係叫親呀Ben都唔好得去邊，
我忍唔住問一問佢:「所長呀，叫我黎做咩呢？」，「後生仔我叫得你黎梗係有野搵你啦」，
我再問:「咁搵我做咩呀！」呢個呀Ben呀，
問左佢叫我黎做咩又要我再問搵我做咩，同佢講野真係好唔耐煩，
「見你打得咁好當然要獎一獎你啦，為左你可以係比賽入面幫我打贏阿力奇嗰邊D人，
我再一次請D博士同你改造身體，我係咪對你好好呢，唔好講咁多啦，人黎！同我車佢去一號實驗室」，
我即刻叫停佢:「只係得我一個再改造邊夠佢地打呀，其他人呢，其他人一齊改唔會好D咩？」，
呀Ben面上一黑:「佢地個個都改造過無數次啦，宜家嘅佢地係最強嘅，你咪撚煩啦，人黎即刻帶佢走！」，
話口未完呀兩個黑超佬就捉住我捉左我上直昇機，我都廢事反抗，雖然宜家嘅我一定打得贏佢地，
但係呢個唔係走佬嘅好時機，因為我要D博士再次改造我嘅身體咁先可以變得更強，
我唔想再見到有人係我面前消失啦，我「鏈」實拳頭，
呀華我係唔會唔記得你架.....
直升機過左陣就起飛，呢次係我第一次搭直昇機，估唔到竟然係喺呢個情況下搭，
望住直昇機外嘅景色，呢次係我由比人捉左黎呢道之後第一次望到出面嘅風景，我望到一座座大山，
最奇怪嘅係四面八方都有重兵駐守，想走出去都難啦，等我遲d有足夠力量我一定會帶埋大家走出去，
可能佢地唔係我嘅朋友，但係佢地一定係我嘅同伴，諗到呢度我都係決定望多幾眼出面嘅景色，
因為都唔知再有冇機會望，諗到之後嘅比賽就知道一定唔好受，根本呢道全部人都唔係自願去戰鬥，
但係每一個人都要面對一個一個關乎生命嘅訓練，到底係邊一個仆街話要搞呢D人體實驗架，
完全冇人性，不過我都冇資格講，因為我都只係為左生存而殺害其他人嘅一個人，
根本講唔上係D咩好人，只不過係我仲有良知嘅時候，講番D正常人應該講嘅野，
可能過多一陣我都係一個殺人如麻嘅殺戮機器。
天開始黑啦，證明左我都搭左好耐直昇機奇怪嘅係我連一d想嘔嘅感覺都冇，平時搭車都暈嘅我，
搭直昇機竟然唔暈，可能呢個就係身體改造後嘅處掛，眼見面前係一座非常大嘅建築，全銀色嘅外牆，
正正反映出佢地嘅冷酷無情，直昇機慢慢咁降落地面，地上面企滿曬一個一個嘅黑超男，
見到到咁嘅情景我先發覺原來呀敏姐係我係呢度見到嘅第一個女人，不過呢D都唔係重點，
最重要係我宜家要去強化多次自己，黑超男示意我先行落機，落到機我望一望周圍，
每一個黑超人都緊守崗位冇偷懶嘅情況出現，「1989，跟我黎」
又係黑超男，又係一句亳無感情嘅說話，我一聲不發咁跟住佢，入到呢座建築物入面，
呢道同普通大樓一樣有lift，有大大小小嘅房，當然唔少得一個一個毫無表情嘅黑超男啦，
黑超男帶我行梯隊，我心諗，有lift就搭啦，係要我行，入左五層樓梯終於到左佢嘅目的地，
上到黎五樓好大隻字寫住「實驗室」，我心諗盲到睇到啦，真係On9，佢帶我轉左入去一個直路道，
係門上嘅玻璃見到一個個比人改造嘅人，成身都係金屬嘅有，隻手大到仆街嘅亦有，但最奇怪嘅係，
每一個都係男性，完全見唔到一個女性嘅蹤影，「到左」黑超男打破左我嘅思考 ，門上寫住實驗室01，
我直接推開門入去，迎面而來嘅係一個米七嘅大叔，仲戴住副金絲眼鏡，冇錯，就係佢，D博士，
「Hey，1989，黎左啦，坐呀」D博士率先開口，佢示意我坐上張類似牙醫凳嘅野上面，一上到去呀，
手就即刻比兩舊緊金屬箍住，腳都係，呢個情況我之前已經試過所以冇咩咁特別，
D博士問:「點呀，慣唔慣呀？」，呢個好明顯係箍牙醫生問你嘅問題，係佢口中問有D奇怪，
再加上佢問緊嘅係廢話，我冷淡咁講:「乜有得唔慣咩，唔慣又點呀」，
D博士即刻認真咁講:「你咁認真咁我都唔同你講笑啦，今次你黎係想同你再改造過，
但我諗左好耐點樣改呢，因為你嘅骨骼呀肌肉已經係極限，再加落去都冇用，
咁今次我就諗到個新野同你玩下，我睇番你係洞穴嘅記錄，你竟然可以頂得住1152嘅溶液，
再加上你竟然頂得住0001嘅撞擊，我相信你都知你嘅身體有幾硬啦，
重點係我知你都掌握到點樣控制你嘅肌肉啦，我專明為你諗左個方案，「聚能」」，
我問：「咩「聚能呀，我身體邊一部分可以有能量聚集呀，講你就講啦！」，
D博士立即雙眼發光:「聚能係指一個能量轉換嘅過程，當你比人攻擊，你身體會接受左比人攻擊嘅能量，
然後你再將比人攻擊嘅能量集中嘅身體上面某一部份爆發出黎，呢個就係「聚能」，
但要記住你嘅身體雖然好強壯，但係點都會有極限，到左極限我相信大腦都會提醒你，當然啦，
相對嘅你吸收到極限的話爆發出黎嘅力量當然同痛楚成正比啦」，
我急切咁問:「點先可以用到？」，「我要同你做個小手術，我先要先係你心臟幫你加多一條血管，
係為左要令你體內可以形成一層薄膜，呢層薄膜可以令你感覺到吸引番黎嘅能量，
亦都係儲存能量嘅地方，記住能量最多儲存五分鐘，過左就會隨住血液流走，咁我宜家同你做個手術，
因為要開心嘅，你洗唔洗打麻醉針」，我好果斷咁講左一個字:「要！」，
一瞬間我嘅手手腳腳都感覺到一道液體流入我嘅身體，我知道我又要暈啦......