「突發」打打下丁比人捉左去研究所做實驗品: 重遇！？

「詩詩」

冇錯一定係佢，嗰嗰髮夾我冇可能會認錯，細個錯失左左嘅機會竟然再一次出現喺我面前，

今次我一定要把握呢個機會，我即刻跑去詩詩身邊捉住隻手，「啪！」，清脆俐落，

「唔好掂佢」長腿姐姐態度一百八十度轉變，話口未完，兩個黑超男即刻跑過黎捉走我，

我大叫:「喂！詩詩，我呀，呀天呀！」，好可惜嗰嗰女仔望都冇望過我一眼，





我好肯定我冇睇錯但係點解佢好似完全唔識我咁嘅，我完全睇唔透.....

長腿姐姐:「妹妹，你識唔識佢架？冇啦啦走過黎搞你，呢d人唔打唔得架，

你真係呀，成日傻下傻下咁，比人食左都唔知咩事呀」

「唔識.....」少女迷迷糊糊咁講

「喂，放手啦」，黑超男依舊一聲不發咁向前行，比五個黑超男抬起嘅我只好等佢停低，





我聽到一聲開門聲，黑超男將我放低，之後我即刻起身，見到自已身處於一間平平無其嘅房間，

「呀天」一把熟悉嘅聲音係房入面響起，「穆林，你地冇事呀嘛」，穆林同大家都坐又係入面，

大家嘅傷都好得七七八八，每個都換左套新衫，套衫同平時醫院病人嘅衫幾乎一樣，不過係灰色，

每個件衫都印左各自嘅編號，呀吉第一時間衝入黎，我同佢玩左一陣就，比穆林叫我過去坐，

我見到呀鴉就問:「呀鴉，冇事呀嘛？」，呀鴉淡淡咁答:「冇事，唔洗擔心」，咁我都放心D，





見到余軒自願自咁同D蟲玩我就行過去問一問佢，「軒仔，冇事呀嘛」，

余軒好精神咁答我:「冇事，你睇我D蟲幾得意～」佢D蟲我就唔識欣賞啦，我摸一摸佢過頭就坐番埋位，

我肯定個髮夾係我送比會嗰嗰但點會出現係呢度架，唔通詩詩有個呀妹？唔會呀，

明明佢都冇兄弟姐妹，佢完全冇理過我，唔通佢真係唔係詩詩，

宜家我個腦入面有幾百個問題等緊我解決，係wo，呀鋒呢？

「呀鋒去左做多次身體檢查，係呢，邊個詩詩呀？」，「咔嚓」門再一次被開啟，

「我聽到有人叫我wo」，原來係呀鋒，見佢咁精神，我當場鬆一口氣，呀鋒再講一句

「呀天，你又講咩詩詩呀，之前你發夢都叫住佢個名wo，你條女呀？」，





我當場尷尬起黎:「邊係呀，我細個D朋友黎，頭先見到個女仔好似佢我先咁講啫...」，

穆林奸笑住咁話:「係咁簡單咩？」，坐係一邊嘅呀鴉終於出聲:「兒女私情阻礙戰鬥呀，細路」

我點點頭，其他人都靜左起黎，如果佢真係詩詩的話，佢又係呢道出現，

係呢度出現即係代表佢都係實驗品之一，一諗到詩詩都受左咁多苦，我個心就有D唔舒服，

係呢一刻我真係希望佢唔係詩詩，就算我再見唔到佢都好，我都唔想見到佢咁，

一諗到呢度我記番起細個，佢突然消失係我嘅生活之中。

再冇出現過....亦冇留下任何比我追查嘅線索.....