超級中二病之我師傅用軒轅劍斬淫西: 序

話我知, 你條命有咩用?
 
呢個問題我諗好多人都問過你, 或者你自己都問過你自己. 而你又因為問過自己呢條問題覺得自己對哲學有興趣, 與眾不同.
OK, 咁到底個天生你出黎係為左咩?
好細個既昤候, 你有冇覺得呢個世界既人都係為你而存在?
即係當你訓覺個陣, 呢個世界就好似電腦較左去休眠mode咁暫時停止運作, 到你醒返先繼續run落去.
到你死個日, 個世界就會永遠shut down. 然後到你轉世個刻世界又重新run過.
有冇以為過自己係神?
有冇幻想過自己有特異功能? 覺得自己就係被選中既細路. 係上天派你落黎進行特別任務諸如此類.
其實都唔駛問, 100%有, 而且到左而家呢刻你都仲係保持住呢種諗法.




但我可以好肯定話你知, 你諗多左, 事實上你只係一條廢柴.
我唔係針對你, 亦唔係信口開河, 只係好簡單一個陳述句.
 如果我話, 呢個世界有超過八成既人都係廢柴, 生出黎只係拖人後腿. 只有兩成人係有用既精英份子, 好多人都會認同.
咁你憑咩認為你會係個少數兩成?
然後, 其實八成已經係一個保守既說法.
 
可能你係個醫生, 律師, 你溝好撚多女, 破哂佢地處.
但你依然係一條廢柴, 你條命對呢個世界係冇撚用的.
你只係跟住其他人既腳印黎行, 終你一生都只係行緊人地行過既路.
而你更大可能只係個拖住件10分滿分,只值5分既女朋友, 夢想返朝九晚五, 月薪二萬五,  既柒頭.




 
哈, 係時候講下我師傅.