超級中二病之我師傅用軒轅劍斬淫西: 2

如果你問我, 師父似邊個. 我會答你佢似浪客行入面既宮本武藏. 
當然唔係講個樣啦, 係講氣場. 個種眉宇之間所散發出黎既氣息. 
樣就似吳孟達後生個時咁, 或者吳孟達老左咁. 反正達叔後生同老左都差唔多咁feel. 
不過你都冇問到我. 

Anyway, 講返廁所單野先. 
個晚佢搞掂完條女就卜暈左我, 而由於我嚇到發軟蹄, 我係望住佢卜暈我既. 
之後佢點運走我個人我就唔清楚, 事後問返佢, 佢話佢識瞬間轉移. 
當然我唔會信啦, 瞬間轉移喎大佬, 拍戲咩. 
總之佢挾左我去一間天台鐵皮屋入面. 




醒返既時候我坐左係張梳化上面. 宮本武藏就坐係隔離, 飲藍妹, 睇架妹. 

其實幾十歲人仲睇AV係咩心態, 我都唔清楚. 我當時冇問到佢. 問黎把托咩. 
「醒喇?」佢對眼依然係投放係眼前既架妹身上, 名我up唔出. 不過波就幾大. 
「我問你一個問題.」 
我冇應佢. 
「點解女人要做愛?」 
下? 
乜9? 
「男人要做愛好簡單, 要射精. 要繁衍. 盡可能多數咁將D精液射係唔同女人既西窿入面. 繁衍出更多屬於自己血脈既後代.」 




睇下睇下條架妹又有D面善啵. 
「但係女人唔同男人, 男人有億萬億子日日射, 女人得粒卵, 受左精就等十個月. 女人, 係唔應該享受做愛, 佢地應該驚做愛! 要盡量避免做愛! 只有咁樣, 先可以保證最適合自己既精液射入自己西窿入面……」 
之後佢講既野我已經冇聽到, 因為我岩岩醒起條架女叫咩名. 
佢之後又up左一大堆有關自我救贖既論述, 當然我唔會理啦, 佢痴線架嘛, 屌. 

「你想唔想加入我門下同我一齊斬殺淫西?」最後一句, 佢問我. 
「唔想.」 
「冇得唔想!」 
佢勁嬲, 又唔知係邊(真係睇唔到)一野蚊左把武士刀出黎「行」住我碌鳩. 
話說都係去到呢到我先發現自己係赤條條冇著衫. 




「呢把係軒轅劍, 係當年我師父既遺物…」 
「呢把刀黎架喎...」雖然我生命懸於一線, 但我份人就係咁, 有西一定要屌, 有位一定要入. 
「你要加入我門下, 唔係唔得. 不過你先要經得過試煉.」 
佢完全ignore左我串佢, 同埋我由頭到尾都冇say過yes. 
於是乎, 我係佢威逼我say no就即場切我咕咕之下, 接受左佢既試煉. 
同埋, 條女叫黑木亞里沙.