《人生不設限--我是尼克,我是鋼臂俠》: 意義不明

先驅會新的總部再沒有藍房,反而是一間白房。 

白的牆,白的桌,白的地板,白的燈。一切一切,都是如此白。 

「秘書長又話今日講返邊個會接替神探個位,點知自己就遲到,有冇搞錯呀!」 

G主席說:「尼克,你俾D耐性,佢一早講左會遲架啦。」 

我無聊地把轉椅轉一圈,然後差點掃中了背後那人。 





「邊個!你點會...」 

「係度」還沒說出,我的粒子炮便放下來。 

「Hi~」他來個噁心的齒笑,「你好嗎~」 

「喂..點解..」 

「尼克你識佢架..」 





秘書長走進來道:「無錯,平安夜去過梵蒂岡既都知佢係邊個,為大家介紹,佢係姜尚望,我地先驅會既最新成員。」 

「你..你好。」 

各成員都向他打招呼,醫生警察秘書長更和他寒暄了起來,經過了30分鐘,這個新人歡迎派對才結束。 

白房中,只剩下我和姜尚望。 

因為他說有事和我說,死活不讓我走! 





「Hi,你真係好煩,好熟咩同你!」 

「都OK啦。」他還是露著那笑容,「我搵你,自然有我既理由。」 

「講。」 

「過去咁一兩年,世界都發生唔少超常災難,即係指普通人無法子對付既災難,好似之前香港既原形入侵,四川既新人類,梵蒂岡既巨人等.......」 

「呢D野我都有研究,你想點呀?」 

「我正向你發出邀請。」 

「下?」 

他把嘴貼到我耳邊,我幾乎可以感到他口中吐出的氣息:「我正聚集緊一群地球上既精英,但出現大規模既超常災難時,佢地就可以為地球而戰,守護地球。」 





我看著他。 

「點呀,你有冇興趣?」 

我道:「你到底係邊個。」