「Jude …… 」我輕輕喚她的名字,
 
這時候我已經能看清楚身邊的事物,只見自己置身於一間睡房裡頭,
 
周圍佈置得像童話故事裡公主的臥室一般。
 
「嗯?你好返D未啊?」她坐在我身旁,伸手摸摸我的額頭。
 
「發生緊咩事啊 …… ?」我問,「我係咪發緊夢啊 …… ?」
 


「你做咩啊?」Jude一臉著緊,「係咪有咩唔舒服啊?」
 
「唔 …… 唔係啊 …… 」我搖了搖頭,看著Jude那著緊的模樣,
 
不知怎的,我竟有點歡喜,就是再被文靜打昏數十次也是願意。
 
「咁你做咩事啊?」Jude輕撫著我的短髮。
 
「我 …… 我係邊啊 …… ?」我問。
 


「你咪係公司囉,你比文靜扑到失左憶啊?」她又伸手探探我的額。
 
「唔 …… 」我搖了搖頭,「點解我會訓左係間睡房既 …… ?」
 
「哦,原來係咁咋,嚇死人咩,」Jude笑道,有點釋然。
 
「唔係啊,我諗起自己會無啦啦訓左係一間咁靚既睡房,
 
我諗緊我自己係咪已經死左啦,你知啦 …… 我明明係間女僕Café架嘛,
 


嚇死我就真啊 …... 」我答道。
 
「邊有咁易死啊,」Jude淡淡一笑,「做人有排你捱啊,想死都無咁易架,」
 
Jude說起來有點淒然,不知她背後是否有甚麼不為人知的故事。
 
「呢度係阿Mark間房,即係我地平時拎黎做休息室既地方,估唔到呢?」
 
Jude又撐起一副笑臉,似是要把剛才的愁緒都埋藏到心底裡頭去。
 
 
 
「Mark哥又幾識嘆世界喎,」
 
我有點驚訝,實在沒想過可以把辦公室佈置成這個樣子。


 
「係架,佢係一個幾有品味既二世祖黎架,」Jude笑說,「不過呢,
 
你叫返佢做阿Mark得啦,Mark哥係小月先會咁叫架咋,」
 
對,小月確是把文靜、Jude都稱為姐姐,想也是這個緣故才稱他為Mark哥。
 
「唔係架,Mark哥佢頭先都叫我做『細佬』,佢係當左我係兄弟啦,
 
我點可以辜負佢對我既情義呢?」我說道。
 
「Haha,你個人都幾可愛,咁樣你鍾意啦,」Jude笑道。
 
我此時才留意得到,她哈哈笑起來時,總是帶著一點西洋腔調的。
 


「嗯,我都係時候出去做野啦,」我說著想要下床,Jude卻把我按住。
 
「唔洗啦,你休息啦,D碗碟我已經幫你洗晒啦。」Jude說。
 
「幫我洗晒?!」我有點意外,卻又很感激,「咁點得架 ……?」
 
「咁你頭先暈左未醒,我點知你會唔會一路都唔醒架,
 
我洗左先,點都穩陣D嘛,」Jude說起來也不當一回事,想她為人是極好的。
 
「但係 …… 唉 …… 你真係好人啊 …… 我要點報答你先係 …… ?」
 
我問,總覺得自己太不爭氣,這麼容易就昏倒過去。
 
「傻啦,咁小事,」Jude笑說。


 
「唔係架,咁樣我會好過意唔去架 …… 」我說道,心裡實在有點不好過。
 
「咁啊,如果你真係覺得好唔好意思既,
 
咁你請我食雪條啦,我鍾意食雪條,」
 
Jude似是見我悶悶不樂,所以才提出這個要求。
 
「嗯,就咁話啦,一言為定,」我伸出尾指要與她打勾。
 
「你個人真係幾特別,」Jude說著已經跟我打了個勾,「咁係架啦,
 
應承左就無得抵賴啦,」
 


其實從她的語氣,我知道她並不把這個約定當成甚麼一回事,
 
但想Jude這個人好像對身邊一切也渾不在意的,應該是她比我更特別才對。
 
不過也沒關係啊,只要我把這個約定放在心裡就好,她只管張口吃就是了。
 
已有 0 人追稿