我去左間 Cafe 打工 , 想溝入面個 Mk 妹女同事: 仆街，多左個o靚妹出黎攪局！
如是各人又回到自己的崗位，劉妹子沒趣的走到休息室，
見裡頭佈置精巧，先是一喜，可隨即又悶悶不樂的，
「做咩啊？你唔開心啊？」我問她。
「無人要你關心，」她伸伸舌頭不理我，
我看著好笑，她的性子還真古怪得很，
「我有咩得罪你啊？我同你賠個不是就係啦，」我說，怨家宜解不宜結。
「我 …… 你理得我姐 …… 總之 …… 唉 …… 我最怕悶啊 …… 」
她托著頭，就趴在床上，兩隻腳向後曲起，左右擺著，
我看著她那熱褲下的一雙小腳，盡想到些不好的去，
「人地一個十幾歲小妹妹，竹生你諗埋D咁既野，抵打，抵打，真係抵打啊，」
我心裡暗道，一邊伸手打了自己兩個巴掌。
可我正自摑著，又看到她那淺藍牛仔褲上翹翹的小屁股，不其然又多看了幾眼。
「唔得唔得，唔可以咁架，」我暗罵自己是人渣，還是先離開此地再算，
於是又回到廚房與Jude聊天。
也不知過了多久，我忽爾看到休息室門微微打開了來，
劉妹子探頭探腦的往我和Jude張望著，
「做咩啊？你搵我地啊？」我問她，
「無 …… 無人要搵你喎，我 …… 我望下咋嘛，」她似又在做甚麼虧心事。
「妹妹，你肚唔肚餓啊，我整d野你食？」Jude問她，待她也是甚好。
「我 …… 」我看那妹子倒咽一口口水，原來她出來是想要找點甚麼吃的
倒是Jude心思細密，Jude給她弄了個蛋包飯，她吃的津津有味，
「好食啊，」她一副饞相，我看著好笑，
「你鍾意我每日都可以整比你食啊，」Jude笑說，「不過唔好同阿Mark講就得，
Haha，」劉妹子聽著點頭謝過，吃飽以後整個人神采飛揚，
在咖啡店中四處參觀著，
「點解咖啡店會有張大床既？」
「咦，呢個手袋好貴架喎，講緊係幾萬蚊一個，」
「係喎，如果Jude姐姐係煮飯，咁你係廚房有咩做啊？」
「咖啡店有好多人咩，點解有咁多個Locker啊？」
「呢個打左個『X』字貼紙係上面又係咩意思啊？」
那妹子問題極多，似是對身邊一切也很感興趣，
Jude也不厭其煩，逐一向她解釋，
說那是Mark哥的工作室，手袋是糖果的，而我是負責洗碗，
但說到更衣室的儲物櫃時，則只是支吾以對，輕輕帶過，
我見劉妹子神色間略過一絲懷疑，然後又裝得若無其事，嘻嘻笑起來，
就不知她心裡又盤算著甚麼主意，
到得晚上，Jude忙著做飯，她卻突然拉了我到休息室，然後把門鎖上，
「你 …… 你想點啊 ….. ？」我想自己近來被女人強姦可多了，
我可不想再失身於一個小女孩。
「你唔覺得好得意咩？」她似是興致勃勃的，
「咩 …… 咩好得意啊 …… ？」我看一看自己下身，「你 ……
你咁都留意到 …… ？」
「大叔啊，好心你幾十歲人唔好咁多幻想啦，」她笑說，「我係講啊，
你唔覺得呢間咖啡店好多地方都好唔合情理咩？」
「好 …… 好唔合情理咩？」我想想也是，
只是我只管每天做好自己的工作，定時定候領薪水就好了啊，
其餘的，又與我何干？
「喂，你覺唔覺得好刺激啊？」她興奮的道。
「好刺激？」我聽著倒沒甚麼感覺，不要惹麻煩就好，
單是小草失蹤，牛奶妹匿藏我家，已夠煩心了。
「係啊，就係出面個Jude姐姐，都好似好多野隱瞞住我地咁啊，
你唔覺得咩？」她問。
「你叫我入黎就係講呢D？」我反問。
「係啊，你唔想冒險咩？」她說來一派天真，
「冒 …… 冒險 …… ？」我聽著一驚，
「係啊，你唔想知道佢地有咩瞞住你咩？」她笑嘻嘻的道。
「咁 …… 咁人地既秘密，我地都唔好亂咁問既 …… 」我說。
「邊個要你問佢，我地係自己搵真相啊？」她說。
「啊？」我仍是不明其意，
「你個人咁蠢既，」她嘆一口氣，「唉，不過唔緊要啦，
得你陪我玩，嗯，總之我地就要去查出個儲物櫃要黎做咩，
同埋點解一個咁有錢買手袋既女人，仲要黎呢度返工，
你覺唔覺得好興奮啊？」
我聽著無奈，但她姊姊要我好好看顧著她，我也只得點了點頭，
「好啦，我地去睇下個儲物櫃先啦，」她高高興興的就把我拉進更衣室。
Jude正自忙著，也沒理會我們二人在搞些甚麼名堂，
劉妹子把我拉到更衣室處，
「你睇下，呢度成幾十個Locker啊，你無諗過入面擺左咩架咩？」她問我，
「應該都係擺衫啊，扮手套圍裙啊，同埋擺下酒囉，」我答，
我說著她已經忘形的不斷試著打開儲物櫃，可沒有鑰匙，又那能弄得開來？
「喂，你無見過其他人打開佢地咩？」她問我，
「呢 ….. 呢度係女更衣室黎啊 …… 我見過鬼仲唔怕 …… 怕黑咩 ……
如果唔係你拉我，我真係唔敢入黎啊 …… 」我怕又沾上採花大盜的污名。
「都唔知你講乜，你講野一舊舊咁既，」她笑說，一邊又拉了兩拉，
任她花盡力氣，鐵門卻移不開半點，她正要放棄，
卻又走到那「X」字標貼一格之前，
「你睇呢個，好地地點解要貼張野上去，等我拆左佢落黎先，」她笑道，
我聽著一驚，她們貼上去自有深義，那容她亂來？
「唔好啊，」我喊道，她被我一喝，立時停下手來，
「好叻咩，下次你唔係度我自己拆黎睇，」她笑道，然後又找了糖果的手袋來看，
「貴野喎，個袋邊個架，佢好有錢架？」她問我，一邊把玩著那個手袋。
「個手袋係糖果架，」我說，
「糖果？」她問。
「嗯，即係頭先出面個頭五顏六色個個姐姐，」我說。
「佢啊 …… 」她拿著手袋左右參詳著，「佢唔似咁有錢喎 …… 」
「我 …… 其實我同佢都唔係好熟 …… 不過人地D野你就唔好搞啦 …… 」我說。
「嘻，你理得我姐，最多比人發現左我唔拉你落水就係啦，」她笑道，
「咁又唔係呢個問題 …… 」我答，「不過佢平時行蹤都好神秘既，
就係同我地講多兩句野都唔會，咁嘛，我諗佢應該唔係好鍾意我地，
所以 …… 所以 …… 都係唔好亂搞啦 …… 」
「哦 …… 」她似又想到甚麼鬼點子，「好啦，你話唔搞就唔搞啦，
我去訓晏覺啦，你唔好過黎嘈我啊，」
如此好不容易，她才停了下來，我落得自在，也不到休息室裡打擾她，
只是和Jude在外邊聊著，她說起那姊妹們二人，怕替Kay媽安慰，
說是終於有人幫忙，也不用聽Kay媽她每天嘮嘮叨叨的，抱怨個沒完，
如此一直到晚，Kay媽突然走了進來，
「我地今晚慶祝請到人，一齊去玩返晚啦，」她說，
其實自文靜和小草兩個愛吃愛玩之人走了，我們恆常的聚會也就取消了，
「有咩玩啊有咩玩啊？」Kay媽才把話說完，
那劉姓的妹子即高興得從休息室裡跳了出來，
我看著好笑，也不知她剛才是真睡還是假睡，但小孩子愛騙大話，也怪她不得，
「你咁細個唔去得喎 …… 」Kay媽總把她當成是個小女孩，
「我同我家姐一樣大架，」她撅起嘴，很不服氣，「成日都話人細個細個 ……
細個就咩都唔做得既 …… 」
我卻想她姊姊比她可要長得高多了，看來也成熟得多，
「Haha，唔怕啦，最多去到叫橙汁比佢，我諗無問題既，」Jude說，
「咁啊 …… 咁好啦 …… 」Kay媽算是答應了，「咁我去訂檯啦，
加埋 …… 六個人 …… 係咪 …… ？」
我數學不靈，但數數指頭，
我、小月、Jude、Kay媽、糖果、劉妹子、馬姊姊，
「應該係七個啊，」我心裡算過幾次，確保不錯後道。
「唔洗計糖果啊，佢唔去架，」Jude說。
「係囉，人地要十一點收工，點敢阻佢姐，」Kay媽一提起糖果就是滿腔牢騷，
「啊？」小妹妹聽著微感驚訝，我卻不意外，反正糖果本就離群得很，
「咁我同竹生都唔去啦，」她說，
「嗯嗯，」我初點了點頭，可隨即就是一驚，「我唔去？」
她怎麼擅自替我拿起主意來？
「嗯，竹生哥哥話放工之後帶我去睇金魚，我地唔得閒啦，
Kay Auntie，Jude姐姐，你地玩得開心d啦，」
她說起話來乖巧，半點不像是謊話，Kay媽見她言語中可愛，點了點頭，
「咁你幫我睇住佢啦竹生，」Kay媽道，
我想要開口反對，可還未想出一套說辭，Kay媽便又回到店外去了。
「喂喂，我幾時話要同你去邊啊？」Kay媽走後我忙問。
「睇金魚啊，你唔想同我睇咩？」她說，
Jude聽著微微一笑，也不理我們，自個忙著。