肥宅 點溝女神啊: 第八章 第一節 你真係走？
「唉，啊鉻，聖誕啦，你有咩搞作？」我托住個頭
「我就同思行出去，你ＩＯＮＥ之旅唔洗預我。」佢個樣同語氣好撚溜打再望望隔黎位，啊軒都係保持住佢沉默既樣，係到托頭上堂。
「啊銘，搞搞佢好啵，條友頹左咁多日。」
「點搞啊，條友家下成個失智老人咁，番到去就爬ＲＡＮＫ。」我同啊銘對啊軒搞到咁都不禁有啲失望，呢個ＭＫ既衝擊對啊軒有幾深，我諗得啊軒自己一個先知，做朋友既唯為帶動一下佢。
連續日，我同啊銘係放左學嘗試開解啊軒，但係每次放學佢都會一支箭咁走左番去，咩都無做過。
「啊銘，你睇下啊軒個戰績！」我一路用耳同肩夾住個電話
「咩啊......我屌你，發生咩事啊？」
「鑽......鑽五！」啊銘都被啊軒咁神奇既戰績嚇到
「條友...我睇佢都真係痴撚左線。」
「咁點搞啊！啊雞，點都要搞搞佢，唔係條友真係連菁英都上到。」
「但係...」我極之擔心我地有無可能去救佢
「但你老豆咩，條友就黎傻撚左啦，佢咁搞發，都唔知升唔升到級！」
第二日番到去，我同啊銘早早就番到學校等啊軒番黎諗住關心佢改變佢，點知換來係一個殘酷既結果。我地係校門等佢，等左兩個字，終於見到佢，但係佢著緊既竟然唔係校服。我同啊銘馬上衝前問個清楚。「喂，你搞咩啊！」我問
「咪係囉，唔撚洗做啊！」啊銘附和係我地問侯啊軒既同時，係啊軒後面傳黎一陣陣可恥既ＭＫ笑聲。
「搞咩啊！條友都痴撚線，番學唔著校服既屌！」個個ｍｋ正是啊軒前女友，我當時真係好想一巴一巴車落去個死ｍｋ到，我都唔明呢家啲ｍｋ點解咁撚無人性。
啊軒回頭一望，見到個死ｍｋ，佢無咩反應，只係苦笑一下就行左入學校。我同啊銘追前問佢咩事，佢就同我地講左一句，「我有條新路行，係兄弟就唔好阻我。」佢目無表情，我同啊銘一齊跟住佢，見佢行左入書記室，我地就係書記室個窗口睇下佢搞咩。個書記姐姐遞張黃色既表比啊軒，佢係張野到簽左個名。
「屌，唔撚係啊！」啊銘突然大叫
「做咩啊？」「你唔係唔知啊？藍色一缺，綠色小過，紅色大過，黃色退學啊！」諗番起之前有個讀唔成書既男同學，佢係書記室簽個張正正係黃色退學。
「做咩啊，佢搞咩撚野啊？」
「係啵，我連同條女傾計既機會都無我都未驚過，佢都算有條女同佢啪啪啪，有咩咁睇唔開啊！」佢出黎見到我地兩個，佢用左手拍我膊頭，右手拍啊銘，「我走啦仆街們！」呢句看似好形既告別，只係會令我地徒添悲傷。我地無奈企係原地，望住同我渡過左兩年既好兄弟離去，一諗起快到既聖誕，我就不禁諗起上年佢同個ｍｋ妹相識，佢個淫樣，初初以為佢哄係玩玩下，點知就咁搞出真感情，唉，啊軒啊！同學們對啊軒既離去都感到失望同遺憾，因為大家都見住啊軒既轉變。
聖誕聯歡日，呢日都係幾凍，我著左件白Ｔ同毛樓就出左去，我都係無咩打扮，路上都見到唔少有打扮下既型仔型女，只見我校既黑絲肥婆湧入我校，令人不禁慨嘆。同樣時間，我早早就番到課室，今年既裝飾比起上年重手，我指係格錢。今年份外唔同，啊軒既離去，同埋唔少得同女神渡過，我一直望住門口，期待佢既出現。啊言，你在哪？今年既坐法特別唔同，兩張由方檯拼成既長檯，男一邊女一邊，令我班不少厹士氣大降。我坐左係靠邊既位置，一路望住門口，就好睇港姐進場咁，不過結果就好似睇緊亞姐。第一個入黎既係黑絲肥媽，一個字，好撚肥，比起我仲撚肥。第二個都係豬排，跟住落黎唔洗講，我諗亞姐都唔能夠形容佢地，南非小姐較為適合。不過就算幾離譜既選舉都會有合適既人選。