如果你既人生好似打機一樣……: 3.3, 雖然直率係好事，但偶然都想港女修飾下自己既愛惡

 
「行開。」因為係囡囡面前，呀方想型想扮有性格既狗公格即刻出晒你，佢開始想用武力推開我，但係我唔會比佢得逞，於事我地兩個就係勁狹既M記角落開始爭持不下。
 
「你唔好咁麻煩啦！」「我對食有要求都唔岩咩！」你係咁撚有要求就唔好黎M記啦，人地收你三十蚊你仲想點呀，啲M記姐姐做成粒鐘一個餐都未必買到呀！
 
佢開始將聲線放大，M記入面既其他食客都開始食住花生睇我地依套馬嬲戲。
唔好睇呀，係M記入面唔可以進食M記以外既食物架……包括花生。
 
我同佢已經好似係到相搏咁，個造型非常難睇，而個別既女同學都開始面有難色咁望住我地。
「行開！」呀方竟然出到咁既力？




 
我一失平衡，跳左落去後面……
然後坐左係女同學既大脾上面。
 
「嘩，乜波仔你咁猴禽呀？」呀飯單手托住個頭咁係到抽水，依個時侯你仲落井下石！
無喇，今次真係跳入印度洋都洗唔清……
 
見到咁既情況既呀方即刻講左句：「最衰都係你，唔阻住我咪無事囉！」
我錯喇，我錯左！決定利用呀方挽救自己型像既果一刻我一定係醉撚左，點解我會咁樣做？
 




我即刻起番身然後向女同學道歉，佢剩係低住頭咁無望到我，然後佢隔離既女同學問佢：「你無事丫麻？」屌你仲遞埋紙巾添！
 
頭先果下應該唔會坐爆左佢個處女膜下話？坐下姐，你除左痛下之外應該無乜損失掛？
 
我用好無奈既眼神望住呀飯同水牛，呀飯一個小惡魔既笑容令到我覺得今眼要靠佢係無可能。
水牛，你要救我呀！
 
水牛將手上既筆丟落張枱到。
你唔係嬲下話？你知到我係冤枉架！
 




「你叫我幫你佢換咪得囉。」水牛既語氣有小小重，佢係呀方手上拎左盤食左一半既薯條，然後再行開左。
又一輪死寂，其他女仔都唔出聲，而呀飯就玩緊手上既生活態度。
 
仆街喇，點解依個讀書會完全無討論氣氛既？
 
「啦～啦喇喇～啦喇喇……」
毒撚既電話響起，播既係初音歌。
 
「喂？」夠竟邊個會搵依條毒撚呢？
 
「哦，係，係。」呀方忽然非常之正經。
咁正經既？唔通死左人？
 
收線之後，呀方就企起身話：「各位唔好意思，我要走喇。」
 




Hi Auntie呀方條Hi Hi仔自己玩完喇爽夠喇搞到我仆街喇就拍拍囉友走左去又唔向左走向-右走知人地遲早會因為你條Hi Hige討論而周身蟻……
 
依家既我好矛盾，如果我自己一個留低係到的話，我真係唔知點面對；但另一方面如果佢留低，佢又唔知會出乜招搞死我……
 
換完薯條番黎既水牛見到呀方個勢似係想走，佢一句都無講只係將個托盤放番係呀方面前。
 
「有薯條食！」玩緊生活態度既呀飯即刻伸手拎薯條，亦都無人阻止。
「唔係溫書就唔應該坐係到。」水牛用沉重既語氣講。
 
HiHi了，我唔止得罪左班女同學，仲連水牛都激嬲埋？
 
「梳li囉！」呀飯即係搵紙巾抹抹手，然後收埋部生活態度，再打開番d notes。
雖然呀飯接左依一句，但究竟依句係唔係真係對呀飯講……
 
「呀方你要走？」水牛今次矛頭直指呀方條戇尻。




「係呀，反正我都食完咯。」人地水牛幫你拎你果食剩半盤既薯條去換，依家換完番黎你唔食就走左去？
 
「究竟乜事要走得咁急？」水牛已經坐番低。
「哦，我朋友搵到人頂波仔打副本姐。」
 
嘩，你個理據好充份喎！
 
「咁你有事就走先啦。」無人留佢。
「哦……」我唔知呀方個腦乜野構造，依家水牛塊面雖然無燶到，但係聽佢既語氣就知佢心情差……
 
我同兩個女同學要特登行開，讓條路比毒撚走。
與此同時，其中一條女話：「算啦，我都走喇。」
 
「你走拿？咁我都陪你丫。」七點十五分。
溫書會開始左十五分鐘，已經走左三件。




 
咁既情況其實我都好想走，但係我唔係呀方條仆街，係咁既情況走左去我分分鐘無左水牛依個朋友。
 
「走啦走啦，聽日考試仆街啦你。」我好晦氣咁同呀方道別，但係果兩條女聽到之後有反應，唔通以為我講緊佢地？
 
但係依個Moment，我關心既只係水牛，要點樣氹番佢先好呢