【真人真事】【微甜】我係自修室識到個女仔: 十六 食飯篇

到底Rebecca的朋友是個怎樣的人？是男，還是女呢？
始終我與Rebecca本身並不同校，又不認識，對對方的生活也不了解，或者與她的朋友見面可以令我對Rebecca了解更多。

時間是黃昏6點半，接到Rebecca的來電。
接通電話，傳來的卻不是Rebecca的聲音，而是一把女仔的聲音說：「Hi Calvin!」
接著Rebecca才繼續說：「我地差唔多行完街喇!」
我：「咁我依家出門口啦!」
Rebecca：「咁我地去和民等你啦!」
我：「係咪雅蘭果間呀?」
Rebecca：「嗯」


接著又是那個女仔說：「快d出黎啦，你女朋友肚餓喇!」

這個女仔的聲音似是曾經聽過的，卻又想不到是誰。

當我走進旺角和民，正在四處尋找Rebecca，但卻見到阿欣，而她對面就是Rebecca，叫我有點錯愕。
原來Rebecca與阿欣早已認識?
但時間卻不容許我再思考下去。

Rebecca：「我同你介紹，佢係我個好朋友，阿欣」
我：「Hello，阿欣」


阿欣：「Hi」
我：「其實我同阿欣已經見過面，不過估唔到原來佢都識你!」
阿欣：「果晚喺公園見到佢一個人飲啤酒，好似有心事咁，咪撩佢傾下計囉」
阿欣繼續說：「點知原來佢係為左你而煩惱」
我：「唉，唔好再講喇!」
阿欣：「唔得，一定要講下既!佢呢個傻仔鍾意你，又唔敢同你表白，仲要我去push佢」
我：「難怪果次你咁留意Rebecca張icon啦!」
阿欣：「算係咁啦，依家總算冇令我失望!」
我也兜一兜：「如果唔係果晚遇到阿欣，可能我都冇勇氣主動約你出黎同你表白，講起上黎要多謝阿欣」
Rebecca：「傻豬黎咖，鍾意我咪講囉!」



之後整餐飯的話題就變成兩個女仔的話題，但偶爾也總會問我這個局外人的意見。

Rebecca：「不如下次試下整雪糕upcake」
阿欣：「邊有cupcake裡面有雪糕咖?」
Rebecca：「係你見識少啫!」
阿欣：「點樣擺雪糕入焗爐焗呀?d雪糕會溶咖!」
Rebecca：「bb，我俾人蝦呀：（ 你快d講有冇食過雪糕cupcake啦!」

其實我對煮食並沒有研究的，所以也不知道怎樣回應，但卻不想得失任何一個，唯有說：「其實我未食過cupcake」
阿欣：「你真係好得意!」

吓，阿欣話我好得意???

之後我一言不發，接住阿欣也知道出現了問題，所以尷尬到面紅紅，不過佢咁樣更加誘人。


當我們都尷尬地靜了下來，Rebecca唯有開口為自己辯護：
「我得閑整俾你地試下啦!」
阿欣：「聽住先啦!」


不知不覺間，她們兩個又在講其他話題。
阿欣：「Rebecca，你岩岩咪話想買果件衫既......」
Rebecca：「係呀，有乜好推介呀?」
阿欣：「不如你問下Calvin啦!」

Rebecca在手提電話開了一張圖片，是一條短裙。
Rebecca問我：「好唔好睇呀?」
我：「其實我唔識咖!」
Rebecca伸手搣一搣我的耳仔，帶黠不滿地說：「你乜都話唔識咖!」
我：「其實...好似阿欣咁著T-shirt短褲都幾吸引呀!」


阿欣：「咪吸左你個咸濕佬囉!」
Rebecca開始怒睥我。

我：「我都係舉個例啫!」
Rebecca：「唔洗兜喇，個個都知阿欣係公認的女神，你去入伍啦!」
我：「下，我去當兵你唔擔心咩?」
Rebecca：「唔擔心，我會幫你買重保險，之後你盡情去打仗啦!」

之後我笑住說：「阿欣你聽到啦，我要填form入伍呀!」
阿欣：「唔洗啦，你可以優先取錄」
我：「咁睇得起我?」
阿欣：「你要照顧我一日三餐，幫我做家務同買零食!」
我：「幫你沖埋涼好唔好?」
Rebecca：「你試下，睇下到時我拆唔拆埋你祠堂?」
我：「唔好呀bb，我唔去喇!」


阿欣一副冇眼睇的表情說：「你都係去填form啦!」