【真人真事】【微甜】我係自修室識到個女仔: 二十 我和阿欣(三)

原來阿欣仲未有男朋友的......算啦，ff下好喇!

小巴在九龍灣工業區裡塞了一會，終於到了Megabox。
出面三十幾度，一行入商場，果陣涼意真係好舒服。
「乞痴...乞痴...」我走進去不久就連續左兩個乞痴。
(聽聞連續打兩個乞痴係有人掛住自己咁解喎，不過算啦)

其實我是陪阿欣賣衫的，所以，我一直都跟住她......

--------H&M--------


阿欣：「你睇下衫先，揀好左搵你俾下意見!」
我：「收呀收呀收到呀!」

於是我就走到男裝那邊，隨便看看衫褲，其實H&M的T-shirt都幾靚......不過平時見到旺角H&M咁多人先唔想入去。
當我看得頗入神之時，
阿欣：「你過黎睇下!」

我便立即以小明走路的速度，撲向阿欣身邊。
當時阿欣手上拿著幾十件衫，和一條短裙，對住我微笑。



我：「點呀，大小姐!」
阿欣：「你快d幫我揀啦，邊件靚呀?」
我：「其實呢，你想我點幫你揀呀?」

我見到佢手上堆衫，已經知道咩野叫混亂

她把衫放在自己身上。
阿欣：「咁樣啦，你逐件放上去睇下襯唔襯!」

於是我把T-shirt逐件拿起，放在她的上身，再給予一些所謂的「意見」。


當時我留意到她的雙眼，凝望著我。不過應該是擔心我雙手亂來......

我：「呢件幾好睇......」
我：「呢件一般啦!」
我：「好襯你喎呢件」
我：「呢件好襯你個style呀!」

如是者講了幾十次，我口也乾了。
最終揀剩十幾件，她便拿了這堆衫和一條短裙進去試身。
逐件試，試完便會問我「好唔好睇?」
我每次都說：「好靚呀!」

直到她試穿那條短裙.......wow，好吸引呀喂，我就黎頂唔順喇!
她開口講了一句，令我嘩然。
阿欣：「喂你好似扯左喎，係咪好吸引呢?」



我立刻變得面紅耳赤，已經不知道怎樣給反應

阿欣：「講下笑姐，唔洗咁的!」
我苦笑了。

到最後，她換回校服，買了這條裙和十幾件衫(我唔記得左準確個數)。
收銀：「多謝小姐，總數$xxxx」

阿欣在H&M掃完貨之後，我地上左去宜家傢俬。

--------宜家傢俬--------
入到宜家傢俬，佢見到個門口波波池，童真即刻翻晒黎，阿欣差d跳左落波波池玩......
個職員捉住左佢，跟住同我講左句：「睇實你女朋友好喎!」



我心諗：唉，我都想佢係，不過這些機會呢......
當時我和阿欣都聽到這句話，對住ikea職員笑了一笑，再互望了一會，就繼續行。

阿欣在裡面就像個小女孩般，四處跳跳扎，周圍的人都望著我們，我也不知道是好嬲定好笑。
走近一張梳化時......有個女仔做了個起跑姿態，以小明的速度飛撲過去。
跟住，有個穿住校服的女仔，笑住咁，趴左落去張梳化度。
果個就係阿欣，好得意，個笑容真係殺死人。

我慢慢走過去，拉起她。
之後我為免她會再做出驚人的動作，所以我趁機拖住佢繼續行。

就在Megabox的門口，我和阿欣見到一個女仔，呆了。
這個女仔望住我們，同時我們也望住她。

她是Rebecca。