Rebecca和她的好姊妹講了幾句之後,我們與她們就在碼頭附近分開。

--------甜品舖--------
Rebecca:「喂,你睇下!呢個好似好好食咁」
Rebecca:「仲有呢個,好似幾特別呀!」
我:「你鍾意食就嗌啦!」
Rebecca:「好呀好呀」

見到甜品,她不斷微笑,睇黎佢真係一個好鍾意食甜品既女仔
其實係咪所有女仔都鍾意食甜品?



我:「其實係咪個個女仔都鍾意食甜品?」
Rebecca:「應該都係......甜品真係好好食」
我:「睇得出,你食得好開心!」
我:「其實你覺唔覺得......我地之間仲有距離?」
Rebecca:「你想做乜呀? 」(佢應該都係諗歪左)
我:「我係指我地兩人之間既關係,點解好似仲有隔膜。其實......你係咪未放得低前度?」
Rebecca:「唔係呀,我已經放低左之前一段感情」
Rebecca:「不過我都覺我地之間有少少距離,其實你覺唔覺我地冷淡左?當初喺自修室大家都好想見對方,為左對方而想返去自修室,但係耐左就慢慢開始冷淡,你寧願陪阿欣都唔陪我......」
當時佢有少少想喊。



我:「其實,我都覺得冷淡左,我都唔想搞成咁!」
\我:「係咪我做得唔夠,仲未令你感受到,彼此之間仲未相信對方?」
Rebecca:「我唔係唔信你,只不過阿欣,佢人又靚,講野又好聽,身材又好,我樣樣都唔及佢,我好驚,好驚有一日會失去左你......」
佢講到流眼淚。

我:「我揀左你,唔係單單因為外表,更重要既係你本身既特質......」
我:「如果我揀阿欣,阿欣都未必揀我啦!」

本來食甜品好地地,最尾搞到佢喊晒口。



我:「唔好喊啦,傻妹!」
Rebecca:「你唔好行差踏錯呀!」

點解連佢都學埋渡假屋阿姐講咖???