隔多少個年代也密密守護你-四年斷續既愛情: 第三章：愛的危機

我同丫c終於開始左，第一次約佢去街。仲記得第一次去街，我著左一件白色既恤衫同牛仔褲。個頭gel到好高先出去，到依家諗反原來當初既型，只係依家既mk 。

佢約左我係地鐵站等，仲記得我果日我好准時，但原來佢仲比我早到。佢果日著住白色既裙，咩住地圖手袋，好吸引真係好吸引。飄逸既長髮散發住迷人既香氣，微微細風令香味迎面而來。有人話男仔係要大膽d,進取d，但好可惜我係一個不折不扣既怕羞仔。果時我地坐地鐵去老銅睇戲，我同佢並肩而坐。但始終都係唔夠膽拖佢隻手，直到睇戲即使我個心浮起好多個念頭，諗點樣借d咦唉過去，點借d咦拖佢隻手，但最後始終都係得個諗字。

果日銅鑼灣落好大雨，禁岩我有帶傘，我撐住傘同佢係雨中慢步。好多人係雨中狼狽逃竄，而我地則享受雨既洗禮顯得有點格格不入。即使有環境既成就，但都冇為我增加半點既勇氣。我地果日影左好多貼紙相，睇左場戲，雨中慢步，之後就各自反左屋企。

由於我同佢讀同一間中學，所以有好多機會見到。果時十二月，就快聖誕節同埋我生日。果日我反到學校，我照常去地下既locker拎書上堂，一打開locker，我見到一樣包得好靚既野，包得好實，我睇唔到係咩泥。我拆開左佢泥睇，原來係一個quicksxxxx既銀包，對於當年既我地，一個禁既銀包其實都幾貴。收到哩個銀包，感覺好窩心，因為我從來都唔會哂錢買銀包，d錢就禁袋落褲袋，周圍擺，可能我地上次出街，留意到我冇銀包，所以就送到個俾我。

但原來銀包為我們的關係埋下了伏線。。。