為左慶祝, 暴發戶係夜總會包左一間大房去招待殺手, 同時, 亦想聽下佢所講既發財大計

「話時話, 你點解咁岩會知道果間公司做假數?」暴發戶問

「我並不知道, 正確黎講, 我連果間公司做咩生意都唔係好清楚」 殺手好淡淡然咁回應

暴發戶表現出驚訝神色「!? 咁究竟頭先發生咩事?」

殺手無直接回應, 而且反問道: 「你識唔識玩德州話事啤?」



暴發戶點頭

殺手繼續問:「咁你覺得, 贏牌既關鍵係咩野? 係要有好牌在手?」

暴發戶A:「咁仲洗講, 梗係啦」

殺手:「錯!  你手上有什麼牌, 根本唔重要, 你要令人地覺得你手上有咩牌, 先至係最重要!」

暴發戶思考緊依番說話



殺手: 「係一個全無誠信既國度, 任何真話都會被理解成為謊言, 同樣地, 只要我反過來利用, 我就可以將所有謊言都變成真話!」