弗羅里達: 第二場 (街上)

第二場 (街上)
人物: 程若真, 阿堅, 大文
 
阿堅: 咦~ 又係頭先果個男仔。
 
程若真: 真係通街都係大陸人。
 
阿堅: 睇佢個樣好似唔舒服咁喎。
 
程若真: 乜你無聽過咩? 做戲要做全套嘛。




 
阿堅: 好似落左車好耐架啦喎，唔洗仲扮卦。
 
(大文暈低)
 
阿堅: 喂，佢真係暈左喎。
 
程若真: 乜堅架?
 
阿堅: 喂，喂，你無事嘛?




 
大文: 我個頭有d暈。
 
阿堅: 洗唔洗幫你call 白車?
 
大文: 唔洗，我唔想阿媽聽到我入左醫院而擔心。
 
程若真: 扶佢一邊，等佢自己坐下先啦。
 
(二人合力扶大文坐椅上)




 
程若真: 攪掂，走得。
 
阿堅: 下…你由佢坐係度就走?
 
程若真: 唔係點呀? 白車佢又話唔 call。咪由佢坐一陣自己抖下囉。
 
阿堅: 你點可以咁架?
 
程若真: 唔係點呀?
 
阿堅: 起碼都幫佢截架的士返屋企。
 
程若真: 真係麻鬼煩。
 




阿堅: 你好d未呀? 不如我地幫你截架的士，好無?
 
大文: 唔洗啦，我屋企係附近。
 
阿堅: 咁不如我地送你返去，你住邊?
 
程若真: 唔係化…….
 
大文: 弗羅里達。
 
程若真: 弗羅里達? 你唔洗擔心架，我地會送到你返屋企。