弗羅里達: 第六場: (家) 6.8 完

(Samuel/ Ivy入)
 
Ivy: 細文，你咁開心嘅。
 
細文: 緊係啦，阿媽終於肯俾我做MODEL.
 
Ivy: 係? 真係替你開心。
 
阿嫻: 你靜雞雞想走? 你唔好走呀，我未報警。
 




Samuel: 嘩，嫻姐，乜要報警咁大件事呀?
 
阿嫻: 又要我講多次。佢身為一個警察居然將我交俾佢嘅失物居為己有。
 
Samuel: 呢部IPAD咪我唔見左嘅。
 
阿嫻: 係你嘅?
 
Samuel: 係呀，我上兩個星期係公園唔見左，當我記得留左係公園，返去搵果時，已經俾人執左。呢張貼紙係Ivy俾我嘅。
 




Ivy: 係喎，我認得呢張貼字。
 
Samuel: 部機我分期架，宜家仲未供完，我以為無左，宜家又出現番，真好彩。
 
程若真: 真係錯有錯著，物歸原主。
 
文媽: 搵得返唔見左嘅野真係好。
 
Samuel: 咦...個密碼開唔到嘅。
 




阿嫻: 緊係喇，都俾人據為己有，個密碼緊係改左啦，你入面D野都唔好指意仲係度。
 
Samuel: 唔係呀嘛?
 
阿堅: 對唔住，我一時貪心，據為己有。
 
程若真: 阿堅，你...
 
阿嫻; 終於都認啦。
 
阿堅: 一向D失物都好少人認領，我先至會....
 
文媽: 你咁諗就唔啱啦，好少人認領唔代表一定無人認領。
 
Ivy: 你有冇去報失?




 
Samuel: 無呀，我諗住應該搵唔返，費時煩。人地執左都攞去賣喇，邊個會交去警局?
 
阿嫻; 我囉。
 
阿堅: 求你原諒我，唔好告發我，我以後都唔會咁做架啦。
 
程若真: 係啦，求你地唔好舉報佢啦，佢都係一時貪念，佢一向份人好好架。果日送大文返黎，都係佢提出。
 
阿嫻: 部IPAD你嘅，你自己決定。
 
Ivy: 算啦，反正唔DELETE都DELETE左，宜家搵得返部機，咪當錯有錯著，不如就咁算喇。
 
大文: 不如算啦，俾臉我，話哂都相識一場，佢又幫過我。
 




Samuel: 熟就可以算? 同宜家D高官做錯野就咁算有乜分別?
 
Ivy: 當然有，佢地係唔會同你認錯同道歉。
 
小文: 聽落又好似係喎。
 
阿堅: 我真心認錯架。
 
Samuel: 就咁算咪便兒左佢?
 
阿嫻: 我都係咁話。
 
程若真: 咁你想點?
 
Samuel: 放佢上網。




 
程若真: 你放上網咪即係公審佢，仲衰過舉報佢。
 
大文: 乜你有資格出聲咩?
 
程若真: 我知我無，我只係想幫個好朋友。
 
Ivy: 咪玩啦，你咁做咪多一單網上欺凌事件。
 
Samuel: 咁點呀? 唔可以由佢當無事發生架BOR.
 
Ivy: 不如咁啦，反正佢都DELETE哂你d DATA，叫佢買部新嘅俾你，呢部就由佢自己用啦。
 
Samuel: 咁都好，有部新嘅用，你話點就點啦，愛理。
 




阿嫻: 哎呀...好骨脾。
 
小文: Ivy姐真好，成日有人話愛你。
 
Samuel: 我叫佢網名渣，佢係"底登"入面嘅「愛理」。
 
程若真: 咩? 佢就係「愛理」?
 
Samuel: 係，我都係無幾耐之前先知。
 
程若真: 嘩....我好鐘意你架。原來劏房都有猛人。
 
大家: 緊係啦，唔係你估!
 
(門鐘響)
 
大文: 唔知邊個呢?
 
(肥婆入/ 說話帶國語口迫)
 
肥婆: 請問呢度係咪有房租?
 
文媽: 係...係呀，我地仲有一間房出租。
 
阿堅: 咦....呢個....
 
程若真: 呢個咪係果日大文唔讓座俾佢果個大肥婆囉。
 
肥婆: 你講咩? 你唔好以為我唔識聽喎，咩大肚婆? 我仲係黃花閨女黎嫁。
 
程若真: 乜你唔係大肚婆咩?
 
肥婆: 你就大肚婆，我認我係肥左D，但我唔好大肚，你唔好毀我清白。
 
程若真: 真係估你唔到。
 
大家: 我地都估你唔到。
 
<完>