妳的名。我的字: THREE

回到課層，
他剛進自己課室。

「喂啊死人頭！做咩同寶兒講你成日約我都請你食檸檬啊！」我恨不得將家強碎屍萬段。

「拿。你咁講就唔岩喇。首先你冇講過我唔比提，再者我講既都係事實。Right?」

「咁..咁..」我已經不知怎跟他說下去。

「唔洗咁喇。唔講都講左，你仲想我點喎。不過講開又講，你仲記唔記得寶兒呀。」



「...」我已經不懂回答。

難道承認？那為什麽不跟他說？家強就會這樣問。
難道否認？那跟他忘了我有何分別。

「唔明。」我要多一點時間去想這個問題，而且不能給陳家強看出端倪。只因他跟寶兒太熟絡，也是我不願意給他聽真話的原因。

「咩啊小四果時喎。我地三個同班架你唔記得啦？」他似乎真的以為我不明白他在問什麽。



「鈴一鈴鈴。」上課鐘響。

「shit。大鑊，科學堂要上Lap。快啲拎野上去啦，唔係就遲到喇。」家強看似對這條問題的答案沒多大的興趣，還好。

只怕家強不會在寶兒面前再說些什麽..寶兒問起上來我真的不懂回應..

勉強打起精神下過了下午的課。

「喂，寶兒。你一陣都留低做埋個project架可?」原來是組另一個成員。



「唔啦，今日呀媽叫我早啲番去有野要整。」多麼牽強的藉口。我不去只因怕又會碰到家強問回中午問的問題。

我到現在也還沒答案。

「下..咁姐係要聽日先可以開始做啦..」

「點解既?」

「家強今日都唔得閒嘛..」嗄..難道他去了找寶兒?

「咁就唯有聽日先啦..」我猜一晚應該足夠我去想。

拖着疲累的身體回到家中，很快就睡着了...

「鈴一鈴鈴。」



訊息?我被吵醒了。

一看...

「嘩。八點架喇?」先入目的是現在的時間。

然後一看。

「番左屋企喇?」是寶兒找我..