2013-11-30
23:00
半島酒店宴會廳

ISO1600 


「望住鏡頭, 1, 2,3」咔
我按下一早set好的Nikon D800, 「OK, 仲有無人要映?
新娘:「無啦, 最後呢批啦!」佢面上的笑容早已僵硬「呀Kin, 今日真係唔該晒你呀, 過2日我過埋條數俾你, 麻煩晒你」



「唔洗客氣, 我受薪」我道, 語氣隨住踩足成日, 都忘記左對客的應有禮貌
「你預我2個星期左右執埋D相, 到時攪掂會call你。呀, 恭喜晒!」
隨即拆去部D800的腳架, 開始收拾工作。執完野後, 我揹起所有裝備向一對新人道別, 步出宴會廳

 每次出婚禮job, 都要由朝踩到晚, 貼身為新娘拍一輯完美的沙龍。
無錯, 係新娘而已。
結婚在我來講, 係一場由新郎為左滿足新娘而攪的一場大龍鳳
,
新人們由搵兄弟姊妹, 到搵邊間教堂/酒店, 揀要咩花車, 細到連兄弟西裝上的襟花, 大多係由新娘指定, 根本係一場新娘想要的SHOW.....
還有多數的外母, 都會介意個SHOW只得新娘成為全場焦點, 又會打扮得花枝招展(其實做得外母, 好彩的都有50, 都幾難受), 而我的工作, 就係繼新郎同外父後, 另一位要滿足呢2位女士要求的一名受薪人士, 我的工作係攝影師。  




「今日夠攰啦, 今晚我唔夾啦, 你地自己彈啦....」我向電話內很煩氣的Ro講
Ro: 「Kin呀, 你呢2日都無落來, 今次又甩我!!!你套鼓鋪塵啦....」
Ro係我中學識到而家, 係一位好有愛心的社工, 收工後的佢會繼續佢的驚死你唔夠煩的語氣對住我 

「唔啦, 今朝7點踩到而家無停過, 而家又係尖咀, 我想返去訓」
逢星期六晚, 我地定時去一間叫STAGE的酒吧到彈LIVE

 Ro: 「你個次惹返來班妹妹仔黎左呀, 叫我點應付佢地呀?」
「邊係我惹, 佢地來係想睇你, 或者係呀康佢彈野啦!!咪入晒我數」


康係STAGE的老闆, 係Ro的親哥哥

 Ro:「黎啦, 你套鼓同我好掛住你呢~」耳筒傳來的怨念令我拒絕唔到
「唉......好啦好啦, 我返去擺低D野再落來, 見係你咋.....」
收線後將行裝pack好, 帶好頭盔, 騎上我的全黑偉士向紅隧駛去 
已有 0 人追稿