2013-12-15
15:30 九龍玫瑰教堂
ISO 800

 外面落住雨, 天黑黑實在唔高興
雖然今次行教堂係室內,但今朝一直落住雨,就算無乜點映戶外,難免出入同上落車都會濕,無陽光攪到D相要靠打燈, 人又濕, 揸車又麻煩...... 

「Hi, 你好」當我仍在埋怨天氣的錯時,聽到有把女聲叫我
「呀,你好,要映相?」下意識地搵附近等候映相的對象
「喔,唔係,想問你之係咪有玩打鼓?」我定神回望女聲的來源,係曾經見過的面孔,身高1米6,身材均勻,樣貌標緻,梳起髮髻,身穿輕便裝束,腰間有2個腰包,唔似係賓客,應該係化妝 



「你係?」知我打鼓的,應該係stage見過先係,但一時諗唔起
「我係呀婷,上個星期六去stage到唱過歌架!」該化妝師道
「呃!!呀,把我灌醉個one piece!!!」
婷:「咩one piece呀, 乜你地興咁講人架咩?」

「仲有囉, 個晚我無灌醉你囉, 個晚好似係你地向D妹妹仔灌迷湯先真喎.....」

「邊有呀?」努力回想當晚的情況, 不過個個星期都去玩live, 都recall唔到

婷:「喔......原來你地D B係咁的, 周圍向人放生電, 咁一定好多女啦~」佢語氣帶點flirt人的味道 


「呀, 攝影哥哥可以幫我地映張相嘛?」遠處遠來男家親戚的叫喊
婷:「喂, 唔阻你做野先, 再傾呀, "哥哥"」隨即笑住地走遠

我比較喜歡映教堂的原因, 除左因為行教堂無係酒店個D咁忙之外, 主要的原因係覺得教堂俾人一種好舒服的感覺, 我更喜歡無人而寂靜的教堂
 新人在神父的見証下, 走到祭台前的位置, 接受親朋的祝福全場都在滿溢的甜蜜氣氛下, 看著一對新人, 而新人的面上都一副幸福的傻相 

這一刻令我想起同S的將來.....正確來講, 還有將來嘛??
隨住佢成為護士長, 工作開始順利後, 佢為左兼顧佢的工作形象, 將我地段感情轉為地下
開頭會覺得佢事業剛起步, 好似情有可原漸漸, 佢工作越忙, 見面減少, 聯絡只淨低whatsapp一句起兩句止的msg
雖然我地仍然一齊住, 但已經有年幾無親熱, 每次佢都推卻話返工好攰, 第二日要返早等等還要求我要明白佢的情況, 要我懂得佢的心情..... 



呢D, 我一直都無向RO透露.....自己一直悶在心中在人前, 我地都仲係一對模範情侶, 我對佢百般千就, 佢都好樂意接受我的付出
有唔少人都問我有無打算同S去外國結婚的打算....一齊左咁多年..... 

「KIN~~」我趕緊收拾思緒
「係, 新娘同新郎你地拎住個花球映幾張相先」由於外面仍在落雨, 一般的拋花球同埋係教堂外的合照都留在教堂內進行 
「等等先, 各位姊妹你地唔洗咁心急要去搶花球住, 有無邊個指定要拎架??」一班如狼似虎的姊妹等左呢一刻好耐
新娘:「呀邊個, 你唔係未拍拖咩, 咁快恨嫁?」
新娘對朋友毫不客氣,係咪每一個女仔都咁恨嫁??

「喂你, 同你條仔一齊咁耐, 係時候要嫁啦!!!」一齊得耐就要結婚咩??又再引起我對同S將來去向的諗法

大班人終於夾定由邊個去接花球, 在你推我擁的情況下, 新娘的花球終於拋出 
出乎意料的係, 花球沒有跌入預設的人手中, 反而落在遠處圍觀的人們, 化妝師呀婷的腳邊

婷尷尬地將花球拾起, 望向我來 


「哎呀, 新娘咁大力叫人點接」我即道, 並示意婷將花球拋俾我, 好讓新娘重新來過佢的拋花球遊戲
 婷大叫:「我未拍拖架, 邊有得嫁呀」婷向著我大叫
我接過花球後, 向佢笑了笑, 向佢做口形道「我有貨!!」
婷笑容變得燦爛, 並向我走過黎

婚禮最後在一輪擾嚷下完結, 我同婷交換了聯絡我下定決心, 要將佢呢個人, 介紹俾我老死RO
已有 0 人追稿