《與一見鍾情的女孩成為鄰居》: 第二章--彩色的回憶(下)

「咇咇咇咇,咇咇咇咇….」
 
我張開眼睛,望向房間的天花板
 
原來….啱啱只係喺夢境
 
不過這段事情的確曾經發生過
 
「…. 一見鍾情…」
 




當時的一面一缘,令我久久不能忘記
 
因為她,我在中三至中五這二年來,竟不能喜歡上别人.不知為何,除了那一次心跳的感覺外,任誰也不能令我心動.
 
那一刹那的感覺,至今仍未能抹去
 
學校附近的快餐店內….
 
我和陸靈坐在快餐店的卡位,而我正在品嘗喱個『免費早餐』
 




「喂, 樂臣.有內幕消息!」
 
「…..唔?.....」正在進食的我難以發出聲音
 
「聽隔離班個P君講,佢地班個阿雪幾霖你喎.」佢用嫉妒的眼神望向我
 
「吓??????」我驚訝得把口中的食物嘔出
 
「妖!好噁心呀!」他看見我的嘔吐物後立刻停止進食
 




「我毒撚一個渣喎,咪玩喇你.」我扮似一面責備
 
「P君啲情報一向準確,信不信由你!而且你個樣都幾青靚白淨呀.定係你……」
 
「我咩?」喱個陸靈又賣關子
 
「中途轉基!」他說後立刻避我三分
 
「基,基你老尾!」我給予他一隻中指
 
「哈哈,認真喇.」然後換了一幅認真臉
 
「你,係咪仲對『嗰個人』念念不忘呢,嘿嘿!」佢仲記得件事?!
 
「咩…咩…咩『嗰個人』呀,都唔知你講乜.」唔可以比佢知架!!!!!我心想




 
「識左你五年喇,你嘅事我會唔清楚?」佢反問我,再道
 
「從二年前的一次見面,你一個對像都冇呀.相比以前,你一時喱個一時第二個,唔同哂.」他邊說邊擰頭
 
「….你知就早講喇,等我仲以為我收得好埋……」原來佢一早知道….
 
「不過都過左二年,你連人地姓咩名咩,讀咩學校都唔知,估唔到你幾長情喎.」
 
「我…..我都唔知點解,不過之後任誰都再沒有嗰種心動嘅感覺.」既然佢知道左,同佢訴說下都無妨,而且我倆不時都一起傾訴心事,所以都唔怕佢向班同學『爆料』.
 
「咁都冇辨法架.難道等成……屌!大檸樂!!!!」佢瞬間收拾書包
 
「做咩呀?.....」我反射性望向快餐店的大鐘
 




時間係5:55,仲有五分鐘就要同BBQ報到呀!!!!
 
我倆以前所未有的速度飛奔向學校,幸好我倆間中也有練習跑步
 
「仆街….蝦…蝦…蝦….」陸靈氣喘地道
 
「差少少….會比BBQ….鬧獲金…」我上氣不接下氣地說
 
我倆喺5:59分到達學校並在六點正向BBQ報到
 
「你兩個真係好準時喎,做左喱張工作紙佢,放學親自交比我」佢將兩張工作紙遁給我們
 
「喺…..」我們一人一手拿走工作紙
 
今日星期四,高年級早會,正好太陽猛烈,正因如此我也因早會得到一身黑銅色膚色




 
早會完結後,各班步行至自己的班房
 
正當我經過校務處時穩弱有一陣薫衣草香味從校務處內傳出,再深深一吸,味道卻隨之消失
 
難道我因太想念她而成病,才有幻覺出現?
 
而回到班房後,班主任宣報明天有一位插班生入學,不過對我來說卻沒有大反應,五年中學生涯有什麼風波未見過
 
又一天灰沉沉的上學日,回到家,新鄰居已搬入了.老媽子更想與鄰居打好鄰里關系,帶了一些生果恭喜他們新居入伙,卻無人回應,可能出外進食了吧.
 
一家食完晚餐後,我馬上打開電腦進入召喚峽谷和陸靈狂歡
 
狂歡後,我帶着疲勞身體入睡,繼續在夢鄕尋找和她見面的回憶
 




…………………………………………………………………………………………