人神魔戰•撒旦使徒: 訓練

「I miss you感動你這份愛太。。。」一大清早誰這麼犯賤打來給我罵。。。
「喂，邊個呀？」我暴躁地叫道。
「都話你今日要去搵天使長，仲訓到咁遲。」
「仆街，9點都話遲？我平時星期六冇訓到12點都唔會起身，妖廢柴，攰死人。」
那該死的通識科老師聽到後邪惡的笑起來，笑聲令我感到陣陣寒意。
「嗱，10點係和順街間大快活到等，準時呀！嘟。。。嘟。。。」
屌，每一次都是這樣，毫無禮貌可言，如果他不是我長輩和老師，我早就「屌柒佢」啦。
一輪梳洗過後，我穿起一件運動外套和長褲便出門口。走到外面，感覺天氣比昨天異常的寒冷，不知道是什麼原因，我趕緊腳步，盡量在10點前到達大快活。
去到大快活，已見老師在門口等我，他一身紳士造型，令人完全無法想像他是一隻長雙翼的魔頭。
「咁耐架？食左早餐未？」




「喂大佬呀早左成5分鐘你都話遲，我唔同你呀識生對翼出黎飛，我要行架，仲問我食左早餐未。」
「姐係未啦，唉今日我蝕底d請你食餐大快活早餐，將來記住請返我，不過最少都要半島啦。」
我無視他的走進大快活，想不到原來10點的大快活已經很多人，我隨便點了個餐肉通粉配火腿奄列，那個老鬼就點了兩個牛肉三文治配腸仔公仔麵。他夾起腸仔說
「陣間你去到個到唔好咁串咁囂張，即使你宜家有殞落王者嘅力量，但你嘅意志力仲係唔夠，所以對所有半人半神同天神都好難發揮你嘅力量。而且記住，放低自己對呢個世界嘅認知，因為你陣間去到睇到嘅，比你想像中更加冇可能更加難以想像。」
雖然我平時都不是很囂張的人，但聽到他剛才說得這麼認真嚴肅，我都乖乖地當一次好學生聽老師說話。
吃過早餐後，便向著十三街的方向進發尋找天使長的所在地。