我好鍾意星期一。
 
因為佢係平凡生活既開始,代表住新一週既輪迴。
 
咁講好似太官腔..
 
其實應該話,我鍾意一種有慣性,固定規律既生活,亦即係一式一樣既生活。
 
對於我呢種回家社社員黎講, 翻學,放學,LOL,三個字就可以形容曬我一至五既編排。
 


當然,食飯,柯屎,拍拖呢d另計啦。
 
就係因為每日既生活都一樣。如果要我永遠生活響同一日裡面既話,我諗問題不大。
 
但最千奇唔好係星期日,因為我唔想翻教會。
 
然而,今日發生既事卻違反左我嚮往既慣性。
 
放學。
 


卡比獸chok住把gay佬聲講:「梁永浩,今日放學就麻煩曬你啦。記得幫我搬好盤水仙呀,知唔知道?」
 
我:「喔。」
 
「唔該曬你啊下。年尾記得提阿sir幫你記個優點。」佢懶係好人咁拍下我膊頭,然後揚長離去。
 
仆你個街啊..死肥仔。
 
肥輝:「快手啦浩J,七點我老母就翻屋企啦。」
 


「王雅琳今日無翻,上面又得我自己一個,無六點我都唔洗翻屋企啦。」我死死氣咁孭起個空無一物既geography背囊。
 
肥輝:「屌咩,我趕住上金啊,淋花呢d等阿信幫你做咪得lo!」

「我ok啊,反正今日又唔洗練波。」阿信攤攤手,展示自己老好人既一面。
 
「唔洗啦,你尋日練完體能,翻屋企透下先啦。」 我轉身離開。
 
「咁點啊,之前又話陪我上金,是咪翻口先?」 肥輝含淚咁捉住我手腕,真係好gay。
 
「十一點玩唔玩得?」我順勢甩開肥輝隻gay佬手。
 
「我老母訓着左..應該得既..」
 
「OK,十一點召喚峽谷見。」


 
「屌你咪再放我飛機啊!」
 
「一言為定。」
 
Xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx
 
由於王雅琳今日無翻學,所以要由我一個快樂小園丁打理曬成個天台,大概百幾盤既花花草草。
 
你都咪話唔爽。
 
所以我連花都未開始淋就首先踩兩腳個死肥仔棵水仙黎出下氣。
 
王雅琳無翻固然係增加左我既工作量,但換個角度諗都係一件好事,最起碼我唔洗成日對住佢,繼而諗起佢喊到屎忽鬼個個樣。
 


當我同阿信熱烈咁討論緊佢無翻學既原因到底係佢左援交定響公園hea既時候,肥輝用一句就終結左我地既話題。
 
「呢d mk妹,鍾意翻就翻,唔鍾意翻咪去蒲lo,你理得人咁多姐?」
 
雖則我同王雅琳有一砲之緣,但佢既生活態度同我截然不同,大家注定互不相干。
 
今日我同你天各一方..

你有你既生活 ,我有我既忙碌 。但係假如有一日,我地響街上撞到,我地會點下頭,然後已經發現..
 
呯。
 
仆街,一時沉醉於ff,然後已經發現我兜野踩爛左卡比獸盤水仙..
 
xxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxxx


 
淋完花翻到屋企已經六點有多。
 
「翻黎啦。」我拉開鐵閘。
 
「浩仔!你翻黎啦,我好好好掛住你啊!!」莉莉絲放低手頭上既切菜工作,蹦蹦跳跳咁走過黎攬住我條頸
 
因為唔夠時間同肥輝開場一般,所以我決定響阿妹就翻之前用十五分鐘同莉莉絲響廚房做左次。
 
我一野將佢抱起:「唔講咁多住,執翻劑先。」
 
莉莉絲陰陰嘴笑,然後咁督下我心口講:「阿宜就翻啦wo,你唔驚咩?」
   
我:「拿拿林用四個字搞完咪得lo。」
 


我把握剩餘既時間,未等莉莉絲開口就先發制人,一野咀落去,封住佢既櫻桃小嘴。
 
呢次扑野我只求發洩性慾,倉促了事,毫無姿勢技巧可言,所以甜位亦無乜好講。
 
不過值得一提既係,裸體圍裙做起上黎真係方便又快捷,簡直係性愛史上最既最大發明。
 
除完搞又得,唔除亦得,得左。
 
「哥!」
 
阿宜響五分鐘之後翻黎,早知搞耐少少啦屌。

「終於翻黎鳥。快d刪門,再過黎幫手開飯。」我用報紙鋪好張台。
 
「莉莉絲,講左幾多次要着底衫褲啊!你唔係唔知阿哥有幾鹹濕架啦!」
 
「er..帶落好唔舒服..」
 
「一定要帶!」佢入房擰左個純白色既bra同底底比莉莉絲換
 
「阿哥唔准望過黎!」
 
「OK..」
 
呢種,就係我所嚮往既平淡。
 
 
 
 
 
 
 
然而,呢一刻享受緊平淡生活既我,仲未知道之後幾個鐘頭內發生既事會破壞曬我之後生活既所有規律..
 
 
 
 
 
 
 
 
 
 
已有 0 人追稿