（適量甜）是咁的，我竟然響公園執到本Sex note: 101

我考慮左陣，估唔到自己竟然會遇上屌還是唔屌既處境。
 
屌可以即刻解決獸慾，但一個唔覺意射個三家姐，就可能毀左嘉欣一生…
 
我就係個無前途既死矮仔姐，但嘉欣美貌與智慧並重，第二時失業都可以選港姐啊嘛。
 
咪住，美貌與智慧並重又點會失業呢？
 
正當我諗到條J又凍又軟既時候，突然諗起樣好重要既野。
 


文叔比左個救命condom我，好似係。
 
仆街你個街！點解我會蠢到連d咁簡單既線索都遺漏埋，真係枉費我當年追足二百幾集柯南…
 
我一個轉身，屎忽落地，連爬帶跑咁衝左出客廳。
 
褲呢？比觀音借左啊？
 
我望去張sofa，平時順手拋響上面既衫褲宜家竟然唔見曬…
 


我冷靜落黎，三隻手指gum住塊面，靜心思考。
 
如果我無估錯既話，一定係莉莉絲將d衫褲dum曬落洗衣機。於是，我一個健步就跳左入廚房。
 
果然無估錯，莉莉絲正哼住歌，將d衫一件件咁check清楚入面有無野再擺落洗衣機。
 
「浩仔？」莉莉絲一個飛撲攬埋黎，係咁錫我下巴，我用手推住佢塊面。
 
「你有無見過我袋入邊個套？」
 


「咩套？」
 
「好安全個d呢。」
 
「嘻嘻，係咪呢隻？」佢一邊笑，一邊舉高阿妹個melody鎖匙扣。
 
「係套，唔係兔…」
 
我兜過佢，半個身塞入個洗衣機到搵翻自己岩先出街着個條褲出黎。
 
「無既？」我翻開兩邊褲袋，兩邊空白。
 
「喔…個包唔係香…香…」莉莉絲托住下巴，好努力咁諗個字。
 
「你唔好同我講你當左香口膠…」


 
「啊，係啦。佢叫香口膠！差d唔記得左tim…」佢有d尷尬咁R頭傻笑。
 
我：「唔緊要，咁佢宜家響邊？」
 
佢：「嗯…響我個肚到。」
 
我：「what the fuck，咁你都食得落肚子？」
 
佢：「佢個包裝寫朱古力味……莉莉絲鍾意朱古力….所以….」
 
「唉...」我不禁拍左下頭，乜文叔鍾意埋d咁既野架。
 
幾十歲人仲學人玩味道，仲要朱古力，你唔好叫條女一邊咬繽紛樂一邊幫你含….
 


莉莉絲：「浩仔，隻兔對你好重要架？」
 
我：「唔重要，一切都唔重要啦。」
 
我挽住碌不冷不熱既賓州，死死氣咁入翻房幫嘉欣着衫，佢依舊訓得好霖，睇黎對岩先既事一無所知。
 
打完個飛機之後，我響度諗，或者有d野真係整定。
 
可能連穌哥都屌左聲，有邊個估到去到最後關頭竟然比朱古力troll game。
 
又或者，呢一切都係的士佬既計算之中…

個次生日之後，MK琳好刻意咁同我保持距離。
 
「屌，死開。」


 
「掂下隻手都唔得？」
 
「你隻手濕呀。」
 
我拖佢，佢會主動甩開我。連拖都無得拖，更加唔好提其他親密行為啦。
 
不要太近，也不要太遠，最好彼此保持一定的距離。
 
我諗呢個dse中文卷既作文題目就最適合用黎形容我地之間既關係。
 
我地知道太接近彼此會為對方帶黎傷害，但又唔可以完全分開，總之就好似刺猬咁。
 
去翻正題。
 


聽日我地學校同格離校隊波搞友賽，教練話要襯christmas之前打多幾場友賽拎經驗。
 
翻屋企既路上，嘉欣鬼咁興奮，一路翹住我隻手係咁講野。MK琳就跟響我側邊玩電話，得閒串我兩句。
 
嘉欣：「浩仔，聽日比賽加油呀。」
 
我攤攤手：「友賽姐，why so serious。何況上場的機會不是屬於我的。」
 
「屌！比d自信啦矮仔，我睇好你架。」MK琳咬住唇，一掌拍落我後腦。
 
嘉欣：「計我話，只要你盡力就得。」
 
MK琳：「點解呀，有得贏就梗係要贏啦！」
 
「嗯…因為盡力做一樣野既浩仔係最man最型既。」嘉欣瞇起對眼，笑住咁meet左下我鼻翼。
 
我即刻得戚起黎：「聽唔聽到呀？」
 
「收皮啦！」MK琳一腳踩落我皮鞋