《相交的平行線》: 第二十一話
「人生總有許多的巧合，兩條平行線也可能會有交會的一天。」──向左走，向右走
「你仲記得我講過？」 妳望著黃昏，眼眶並充滿了淚水的說。
「當然啦，傻瓜，我會記著妳講過嘅一字一句。」
「嗚，你真係好好呀。」
「拿，送俾妳嫁，仲有對唔住。」 我拿了支玫瑰出來，正了一正，認真的道。
妳突然驚訝看著我手中的花，驚訝的表情慢慢流露出一絲微笑，滾動的淚珠始然落下。
「多謝你，我從來未試過收花嫁。咁我都有唔啱，對唔住呀。」
「妳咁樣就當道歉嫁啦？我都有支花呀。」
「你仲想點喎，我有準備嫁，係你自己搵唔到咋。」 妳打量著我說。
「你係想話呢封信？」 我拿出來時，妳的臉頰立時紅得要緊。
「你幾時搵到嫁？」
「今朝囉。同埋妳點會問呢個問題嫁，難道妳感受唔到我嘅答案咩？」
「你知道我封信真正問你嘅問題？」
「我做得妳嘅福爾摩斯，唔通我會唔知咩？成封信只有一個隱藏問題，信封上面兩個球體（sphere），同一對平行線(parallel line)，只要根據英文字母順序就可以推論出一堆數字。（19 16 8 5 18 5 16 1 18 1 12 12 5 12 12 9 14 5）再Key返落封信到，就係『我愛你，你會永遠愛我、哄我、疼我嗎？』。」
「你又真係知喎，咁你嘅答案呢？」
「我願意。」
「單！我真係愈呢愈鐘意你呀。」 你突然間向海的大叫。
今次我真係當堂嚇一跳，然後得啖笑。
「唔叫傻瓜啦？」
「唔啦，我要同全世界講，我愛嘅人係你，並唔係其他人。」妳氣喘道。
「但係你咁做，周圍啲人都望住你喎。」 我說。
「呀……！」然後妳便拉著我跑了。
我們便牽著手，走過熟悉的街道，回憶一段又一段屬於我倆的回憶，並努力創造更美好的將來。
「妳知道嘛？我媽同我講，如果我唔氹翻妳，就同我斷絕關係呀。」
「下，真嫁？」
「嗯，睇嚟佢已經當左妳係屋企人啦。」
「嘻嘻，咁咪好囉，你唔可以同我分手呀。」
「咁咪好似妳所講，去談一場唔分手嘅戀愛。」
「你真係睇左封信好多次喎。」
「只係細睇左幾次，但係你個謎題真係好淺囉，睇到咁唔通順嘅文筆就知啦。」
「哼，下一次你估唔到唔好喊住求我話你知呀，哼！」
「我期待妳嘅下一次。」
「哼！衰人。」
然後，我們便回家過節了。跟爸媽吃完飯之後，他們便趕我們出去找地方玩，看看月亮，感受一下過節的氣氛，因為這是我們共同度過的第一個節日。突然妳的電話一響，傾了數句後，我們便到校參加餘下的晚會。
「小喬，J me，pinky。」一進校，妳便立刻衝進她們的懷抱裡。
「淇淇，嚇死我地啦，一放學就唔見左人。」 呀喬說。
「嘻嘻，有啲唔開心所以想一個人靜下。」
「係個人渣搵到你嫁。」 J me 向我的一指。
「係呀，嘻，佢仲估到我係邊。」
「咁睇嚟佢都衰唔唒。」呀喬說
「佢其實對我好好嫁。」 此時妳望一望我笑著，這真是個幸福的表情。
我凝視著妳，此刻，所有事都被拒絕出我們的空間內。突然卡嚓一聲，把我們拉回現實。
「做乜鬼野影相呀肥仔你。」我說。
「冇，我見你地咁幸福嘅表情，咪忍唔住手囉。」
「喂，send番俾我呀。」妳說著。
「得，遲啲俾你。」
我們望住八月十五的月亮，很圓，很大。就像宿營時的一樣。當時我們只是漸生情愫，但現在已經擁有對方，雖然有過困難，但我們運氣不錯。
這個中秋，在一片歡笑與感動下完結。
一件大事完結，往往給人休息的念頭。幸好翌日是公眾假期，能讓疲憊的身軀得以休息。但是，現實中往往都未能盡如人意。尤其是當你的一半床被人佔領時，那種想睡也沒法睡的殘酷情況中，我終於明白不能睡眠的實驗有多麼的違反人道了。
我輕輕的一個轉身，便把妳弄醒了。
「早晨。」
「傻瓜早晨 。」
「瞓得好唔好呀？」
「好好呀，尤其係攬住你手臂瞓。」
之後一下的敲門聲打破了我們的甜蜜。
「呀仔呀，你老豆叫你地飲茶呀。」
「係，auntie，我地而家起身嫁啦，等等。」 淇淇說。
「乖，慢慢啦，未有位住。」 母親說罷便出去了。
「快啲起身啦傻瓜。」 妳異常興奮的說。
「佢都話未有位住，瞓多陣啦。」棉被拉扯著我，企圖把我同化。
「唔得呀，再唔起身我推你落床嫁。」
「係係，而家起。」 我身體卻很誠實。
妳一記排雲掌把我推下床，我唯有起身梳洗。果然能跟妳一起起床是件高興的事，我們連梳洗時也在洗手間內吵吵鬧鬧。這樣的時光，能夠一直下去便很滿足。
「係喎，尋日太開心冇問你。你尋日做咩唔番學呀？」
「我…我…我…」
「我…我…我…我咩呀我，講啦。」妳說。
大佬呀，妳想我點答呀，唔通直接講唔想尷尬見到妳咩。
「哦！你係咪唔想見到我呀？你講呀。」
哎呀，妳突然間說中我心中所想，妳叫我情何以堪呢。
「哼，唔出聲，姐係默認啦。哼！」
「唔係呀，我只係唔想我地見面個時尷尬咋。」
「姐係啦，衰人。」
「哎呀，唔好嬲啦。」
「嬲你呀衰人，竟然唔想見我囉。唔理你呀。」
高佬當日贈我的七字真言，在腦海中飄過：膽大，心細，面皮厚！
「呀淇淇公主大人呀，我知妳想見我，想我地好，我亦都知妳好想見我，但咁喎，如果妳唔理我嘅話，我地就冇得嘈嘈閉，咁樣悶死妳點算呢？」 我再點一點妳鼻頭。
「你點解而家變到咁口花嫁，你變左啦。」
大佬呀！妳想點呀，我猜唔透，女人真是個難懂的生物。
「其實我本身都諗住唔番學，因為我都唔知點面對你咁。」 妳續道。
「咁點解妳又返左去嘅？」
「因為willy佢好似唔想我留係屋企咁，而J me同呀喬又話留係屋企驚我自己會亂諗嘢，所以要我出去行下，咁咪返左學囉。」
「又係willy，真係咩都關佢事嫁喎。」
「好啦，唔好再呷醋啦。我知佢對我點，所以我如無必要亦唔會同佢接觸啦，好無？」
「好，就信妳一次啦。」
我們就這樣在我父母面前耍花鎗，弄得父母笑的口也合不著。回想起來，確實有點羞愧，但當時，我們卻樂在其中。
假期往往是過得特別快，翌日我們便回校上課。但是，我們已經是中六學生了，半年後就要迎戰公開試。這段時間以來，我們都沉醉於甜蜜時光當中，像是一點壓力也沒有。這樣的時光，是我所一直憧憬著。
果然，有個伴去溫習遠比自己一個奮鬥來的努力，尤其是跟妳在一起，即使是不同的科目，仍有有競爭的心態。我們一直形影不離，直到那一天，還記得那是星期六，我們如常的溫習。溫書之後，便沿著海濱長廊欣賞屬於我們的晚霞。
當我們回程時，卻遇上了我們暫時不願面對的人。當妳在遠處看到那一對人影，面色變得驚慌。我好奇著，我只是看見兩個陌生人。既驚慌又緊張的妳，把我的手臂抱的很緊，慢慢的躲在我身後，直到我們與他們只有一步之遙。
時間，停下來了。