《相交的平行線》: 第三十二話
「天下只有兩種人。比如一串葡萄到手，一種人挑最好的先吃，另一種人把最好的留到最後吃。照例第一種人應該樂觀，因為他每吃一顆都是吃剩的葡萄裡最好的；第二種人應該悲觀，因為他每吃一顆都是吃剩的葡萄裡最壞的。不過事實卻適得其反，緣故是第二種人還有希望，第一種人只有回憶。」──圍城
旅行的第四天，我們約好了九時在房門外集合，而由於濋濋跟呀汰的和好，所以大房那邊只變了三個人。鑑於中間雙人房的J me跟肥仔精力比較旺盛，每晚不辭勞苦默默耕耘，令到餘下眾人尷尬非常。最後，我跟高佬實在忍不著，便決定錄音！
今早醒來，又有十多分鐘的演出時間，我立即用電話剪輯，準備給肥仔自己聽聽雙劍合壁的大師級作品。
幸好九時正，我們還是能順利的在房門集合，九人一起向十分出發。我們先乘搭捷運，然後再轉乘台鐵到平溪線。未知是否指揮的工作太過勞累，還是聽眾覺得太過擾民，又也許pillow talk 得太興奮，在這程長途車中，眾人都睡了，妳亦在我肩上睡著。幸好，還有呀汰陪著我。
「昨晚好嘛？」他問。
「還好。」
「其實怎麼樣，我看你還在煩惱什麼？」
「你知我同淇淇嘅事嗎？」
「略懂一二。」
「咁你都知我同淇淇父母有個協議，我想知道佢地有冇可能反口。」
「呢個正係你現在所擔憂？」
「嗯。」
「認真講，亦唔瞞你，因為冇意思，以我所認識嘅佢地，確係有可能。因為佢地睇淇淇比任何嘢都要重。約誓，協議，whatever its call, 對於佢地嚟講都唔重要，重要嘅係淇淇嘅前途。」
「多謝你對我坦白。」
「我相信你自己亦知道，只係想有人肯定你嘅想法。」
「沒錯。」
「依我睇，好好享受最後嘅旅行，一定會發生嘅事，你係到煩惱亦無補於事，投入寫意旅行，創造更多嘅回憶，乜唔係你旅行之道咩？」
「係呀，都係嘅，原來係淇淇話你知叫你過黎追返濋濋。」
「唉，最後都被你知道，對著你真係應該慎言甚至止言。」
「的確禍從口出，但即使發生，我又能夠點做？Long D 並唔容易。」
「亦無道理，問題固然要解決，眼下要處理嘅，係佢同呢個旅行。我欣賞你未雨綢繆，但事有緩急之分，解決左眼下先啦。」呀汰指一指妳說。
「嘻，又係，有啲杞人憂天啦。」
看著妳睡著的樣子，不自覺地攬著你的腰，抱緊了你，並在妳的額上親了一下。
「做咩呀傻瓜，係咪到左啦。」睡眼惺忪的妳說。
「冇，未到呀。」
「你啱先係咪偷錫左我一啖？」妳指著我問。
「有咩？冇呀。你係咪發夢呀。」
「冇，你偷錫我，我知。」
「睇嚟妳太攰，瞓多陣啦。」
「唔係？你好講啦喎，仲要攬得我咁實添，係咪驚我走左去先？」
「唉，A lady's imagination is very rapid; it jumps from admiration to love, from love to matrimony in a moment.」
「嘻嘻，呢個的確係真嘅。」呀汰說。
「唔好扯到去Jane Austen 度，快啲講呀。」
「係啦係啦，我係偷錫妳，係攬得妳好實，係驚妳走左去。」
妳突然呆了，眼眶帶了點淚水，但很快的就不見了。
「算你啦，我瞓多陣啦。」妳滿足的笑著。
「好好。」
很快便到了十分，也許是因為天氣太熱，到埗之後便立刻找喝的。滿足基本需要後，我們便去放天燈了。
「識揀一定揀粉紅色啦，代表愛情呀。」Pinky說。
「咁一個天燈都有四面嘛，除左愛情，仲有未來呢？」妳說。
「仲有仲有錢呀，黃色一定要呀。」J me說。
「有，我地嘅學業。DSE同Jupas 一定要得呀。」濋濋說。
「咦，真係有代表未來喎，咁揀呢四面啦好冇呀。」妳向我們四人問。
「好吧。」
「真係女權當道。」呀汰笑說。
「哈，細聲啲啦，小心白色恐怖。」我說。
「也是。」
「但佢地有主見，亦是我們所喜，我們所選。」
「天作孽，猶可違；自作孽，不可活。哈哈！」
「哈哈，孟子講中了我地嘅心境啦。」
然而，我們便在每一面寫上我們的願望，各人在四個方向的願望亦有不少，而我卻沒有那麼多，只在愛情那一頁寫下“concur”與“overcome”兩個字。
「征服，跨過，有趣有趣。將所有都交俾天嗎？」呀汰問。
「算係啦，我都唔知道，此時此地此刻，我只係諗到呢兩個字。」
「但願成功。」
寫完之後，眾人跟天燈拍照留念。而我跟妳，拿著我那二字，讓那刻變成了永恆。之後，工作人員便點起火來，天燈徐徐升起，不消一會，便飛出視線了。
「唔知會飛去邊呢？」妳看著那天燈的問。
「飛到天道那裡吧。」
「但願夢想成真。」
「沒錯。」
放完天燈之後，我們便在了附近的紀念品商店街逛逛，並且找點吃的。但人太多的關係，我們走失了。我左望望右望望，找了一會才找到妳的身影，而其他人就找不到了。我們不斷的向前行，直到吊橋的位置。
「呀單呀，點解啱先你會寫個兩個字嘅？」
「天燈個兩個？」
「嗯。」
「因為無論世界點變，任人點講，我地每時每刻也會遇到難關，而我地都要跨過去，直到我地能夠征服任何嘅困難。」
「都係呀，其實我有嘢想同你講好耐。」
「不如番到香港先再講啦，反正妳都等左咁耐，不過無論點都好，我地輕鬆啲，拋開一切，享受我地寫意嘅旅行好嗎？縱使事情可能不如意，至少，我地仲有完美嘅回憶。」
「你都有道理，都好。」
我們便牽著手，在吊橋，在瀑布留下我們的足跡，製造只屬於我們的回憶。即使如錢鍾書先生所說，只有回憶，沒有希望。但在我看來，我們還有回憶，不是嗎？
「我要你揹我。」妳突然在回程時說。
「做咩突然要我揹妳呀？」
「快啲快啲呀。」
妳便跳上了我的背上，妳的體重，其實很輕，就像是毫不費力便能抱起似的，也許正因為兩個人互相扶持，兩個人有了愛，才能夠背得起妳吧。我背著妳一直行，一直行……
「重唔重呀？」妳問。
我搖頭示意。
「如果我一直都唔落嚟，你又攰，你會唔會掉低我係條街到嫁？」
「如果妳一直都唔落嚟，我會揹著妳，走過世界各地，看透世上所有日出日落，仲有月色。」
「但你會攰喎。」
「點都唔及得上放低妳嘅個種痛心疾首。」
「你真係好傻呀，邊有啲咁嘅人嫁。」
「雖然妳讀經濟，知到其中一個assumption 係所有人都係理性嘅。但並唔係所有嘢都係要理性解決嫁嘛。」
「都係……」妳沒再說話。
慢慢走著，我們便回到火車站了，原來他們在火車站等著我們。我們回程時在平溪走了會才回台北，回到酒店之後，我們先梳洗，最後在大房裡集合。
最後一晚，眾人亦把握最後的機會，放縱一晚。
經過3小時的拼酒，全部人都醉倒睡在大房中，包括呀汰。最後只淨下我倆。
「終於到左最後一晚啦。」妳說。
「嗯。」
「傻瓜，我都仲係唔知點算呀。」
「冇事嘅，放心啦。」
「我真係好唔捨得你。」
「我都係。」
然後，我便帶妳到我的雙人房，緊緊抱著妳，深深的吻著，倒下去大床上。