狼人遊戲第九章: 娜姐 

遊戲第二日 8月18日 23:54 

狼人A:「唔知佢追唔追到個小女孩呢?」 

狼人D:「哈哈,好彩我地早有預備,帶定晒啲面具,等佢冇辦法認得我地!!」 

狼人B:「……………」 





此時..掛著多啦A夢面具的狼人E慢慢走回來了…. 

狼人A:「點啊??捉唔捉到個小女孩?」 

狼人E慢慢地回答:「俾佢走甩左…佢著晒雨褸又帶住面具….我睇唔到佢個樣.」 

狼人A:「乜你咁蠢㗎!!」 

狼人E:「不過就俾我喺地下執到呢樣野…」 





狼人B:「耳環?」 

狼人A:「估唔到個小女孩都幾聰明啊…識得帶面具!」 

狼人C:「………………」. 

狼人A:「跟住點算?跟住我地對象就係殺晒啲帶耳環嘅女仔??」 

狼人D:「唔洗諗啦!點都要殺左小女孩先,點知佢睇到啲咩㗎??」 





狼人C:「嘿嘿嘿..」 

狼人A:「你笑咩野啊??」 

狼人C:「或者...我地可以試下咁做...嘿嘿嘿...」

遊戲第三日 8月19日 10:03 

「第三回合投票已結束,死者為17號玩家樂思,其身份為『村民』,玩家有5分鐘時間宣佈遺言. 17號玩家樂思將會受到火灸之刑」 

這時樂思已經開始失控,所有人都為娜姐這個百分百肯定的決擇感到無盡的失望,究竟娜姐昨天晚上看到些甚麼,難道這是狼人的詭計 

樂思激動的哭著說:「你而家開心啦!!我準備去死啦!你啲一姐本色永遠都係唔會相信其他人,永遠都係咁主觀!我覺得你先係直正嘅狼人啊!!」 

娜姐這刻整個人也呆了…看來她還不敢相信自己的決定是錯誤的 





娜姐念念有詞地說:「無….無…無可能….㗎….無…可能..會咁㗎..」 

這時有人突然開口大聲到:「快啲去搵定水先啦!!陣間要救樂思啊!!」這人正是大舊 

此時幾個男生跑到了廁所去找水

樂思:「我準備同我男朋友結婚㗎啦…點解會係咁㗎…」 

這時大舊聽到了好像晴天霹靂一樣…看來他現在才知道樂思已經有男朋友,看來他還喜歡著她. 

樂思的身體開始慢慢發熱…痛苦的表情盡顯臉上..然後兩隻手慢慢開始燃燒起來...難道我們又要眼淨淨地看著樂思要和肥龍的下場一樣嗎?? 

此時大舊拿著個大水桶首先跑過來,整桶水灑在樂思的身上,但樂思的火一點也沒有熄過…我跟阿風接二連三地把水灑左著了火的樂思上,但火勢沒有減弱之餘..反而增加了… 





難道…這就是詛咒的力量嗎….我們跟本救不到樂思…要慢慢地看著她死去嗎?? 

痛苦的樂思不停在地上打滾!她的慘叫聲貫穿了我所有人的耳膜…這種場景,已經不是第一次看到了,慘叫聲慢慢減弱,直至消失在空氣當中,我們再也聽不到樂思活潑的聲音了…

大舊坐在地上…已經哭成一團…口中像是念念有詞著甚麼…忽然站起來衝過去心神還沒定下的娜姐,二話不說就一拳向娜姐打過去 

娜姐沒料到會這樣,中了大舊的一拳便跌在地上…嘴角慢慢流出一點鮮血… 

大舊激動地說:「你呢啲叫咩野百分百肯定啊!!我從來唔打女人!!!我今日就要打死你為樂思報仇!!! 」 

娜姐抱著頭大叫:「唔…唔…好….啊…」 

大舊衝向娜姐想作進一步的攻擊,但阿風和子俊及時制止了他 

大舊一邊哭,一邊激動地叫著:「放開我呀!!你地放開我啊!!」 





我連忙說度:「大舊…你冷靜啲先啦!你咁樣打死娜姐,你都會死㗎,因為規則已經講明,玩家之間係唔可以互相殺害㗎!!」 

大舊看來沒有把我的說話聽進去,依然很激動 

我:「娜姐…點解你咁肯定樂思係狼人,你尋晚究竟發生咩事??打電話俾你又唔通!!」 

驚魂未定的娜姐慢慢說到:「我….我….尋…晚……」 

我:「你快啲講出黎啦!究竟發生咩事??」 

娜姐:「尋晚好多人打電話俾我…跟住…」

遊戲第二日晚 8月18日 23:09 





娜姐的手機又響了,這已經是第三個人打來向娜姐說關於明天投票的事,娜姐不厭其煩地接了電話. 

娜姐:「喂!點啊巫婆!係咪又想講明天嘅事啊!!」 

巫婆:「娜姐果然聰明,睇黎已經有唔少人搵過你啦!!」 

娜姐:「巫婆,我同你唔係咁熟,你有野就講,有屁就放啦!!我要訓覺喇!」 

巫婆:「你唔洗咁早訓,睇黎仲會有好多人要煩你,今晚我做左個占卜,我已經占到邊一個係狼人啦!!我特登打黎同你講!!」 

娜姐:「我對你果啲占卜一啲興趣都無!!唔好阻我時間!!」 

巫婆:「你聽埋先啦…我占到嘅狼人,就係最咸濕嘅人.. 排骨!!」 

娜姐:「排骨??」 

巫婆:「無錯!!佢份人咁衰格,加上我嘅占卜,我肯定佢係!!」 

娜姐:「哦…好啊….我聽日睇下點先算啦!!」

娜姐已經對今晚的電話感到很不耐煩和很惆悵…在她心中此一刻,真的是想投排骨的一票…過了一會電話又響了.原來是天佑打來. 

天佑:「娜姐!!真開心,終於打通你電話啦…睇黎你今晚應該好忙啦!」 

娜姐:「唉…我都唔知要點做…明天訓醒覺先再算啦….等等…我又有電話入」 

娜姐看一看手機,竟然是一個暱名的電話. 

娜姐:「喂,你係邊位?」 

神秘人:「喂…你係咪娜姐…」 

此時娜姐有一點驚訝…一個暱名的電話竟然知道她的名字….而此人的聲音明顯用變聲器處理過

娜姐:「你究竟係邊個?做咩知我個名!!」 

神秘人:「我係小女孩,我已經知道狼人係邊一度集合,今晚我想帶你去一齊睇穿佢地既真面目!!」 

甚麼…小女孩??這電話究竟是甚麼回事…. 

娜姐答到:「我點解要信你?」 

神秘女子:「你一定要信我!今晚1:30,所有狼人會係粉嶺既XXX公園旁邊嘅噴水池度集合!!到時我都會係果度等你!!」 

娜姐:「你…你真係小女孩??」 

神秘女子:「係啊娜姐,到時你去到就會見到我,所有謎底都會解開,遊戲將會好快完結!!」 

娜姐:「好…我信你…我真係唔想再玩落去…日日都有人死…好恐怖…」 

神秘女子:「咁好啦,到時見!!」 

嘟.. 嘟…. 嘟…嘟… 

娜姐此時心情很凌亂…雖然外面正下著大雨,但她覺得無論如何也要出去,便掛了天佑的電話,連夜換衣服出去了

8月19日 01:25 

娜姐終於到達了公園旁側的一個噴水池….但她怎樣也找不到小女孩….就在此時…她發現遠處正有5個人影在對話…. 

娜姐再仔細竟然一看,原來是5個帶著面具的人.分別都是馬利奧兄弟,多啦A夢,超人奧特曼和高登小丑神!!!! 

娜姐再試試慢慢步近…看看能不能聽到他們的對話…終於被她找到了一個很合適的位置了 

此時娜姐心想:果個小女孩果然無講大話….呢5個應該就係狼人…不過佢地帶晒面具…唯有聽下佢地究竟係咩野對話,等我明天擊破佢地嘅真面目! 

馬莉奧說道:「落雨都要出黎投票…真係好麻煩」 

多啦A夢回應:「咪係…要快啲殺晒啲人,等個遊戲快啲完結…我地就可以得到個願望喇…」 

咸蛋超人對馬莉奧說:「你今日隻手無事啊麻!!」 

馬莉奧說道:「我而家好憎娜姐!!今日竟然將我推跌係地上…果個正一死八婆!!!下次到我決定殺邊個嘅時候一定要殺左佢先得!!!」 

娜姐這時聽到這裡…整個身已經冒出了汗…狼人明天要準備殺她…..但此時…娜姐好像想到一樣東西...在她腦海忽然出現了今日早上的一個畫面…

《這時…樂思對著娜姐說:娜姐…唔好咁啦…咁激動解決唔到問題…. 

激動的娜姐繼續說道:我而家好冷靜!!!!跟本阿誠就一定係狼人!!!!! 

說擺娜姐一手把樂思推在地上,樂思摔了一交,手好像弄傷了….》 

娜姐此時想到….難到這人….就是樂思?樂思是女狼人???? 

小丑神說到:「咁又唔洗急於殺娜姐嘅,始終我地仲有第2個人要殺先!!」 

馬莉奧答到:「咁係邊個??」 

小丑神慢慢的頭轉向娜姐的方向:「好似我覺得果邊有人偷睇更我地咁啵」 

多啦A夢:「係咩??等我過去睇下先」 

娜姐此時知道狼人們已經發現她的存在.心想不可以被她們發現,一定要逃跑!正好旁邊有條小路,於是她便立刻轉身向小路拔足狂奔了… 

狼人們看見有動靜,也一起追過來,好在娜姐是跑步高手,所有狼人也不是她的對手…

就這樣…娜姐把她昨晚的故事完完全全說了給我們聽…. 

娜姐:「就係咁啦尋晚….果時我真係以為係樂思…點知…我都唔知點解會係咁…」 

大舊氣憤地答到:「你呢個死蠢!!好明顯呢個係狼人嘅陷阱啦!!你呢啲死蠢生存係呢個世界都係害人害物啦,地球唔需要你啊!去死啦你!!」 

我:「果個暱名電話…好明顯都係狼人扮小女孩打黎…」. 

娜姐哭道:「我唔想㗎…我錯…我真係知錯啦…我平時係好自大…又唔聽人意見…成日以為自己見識好多…對唔住樂思…對唔住呀大舊…我更對唔住咁多位…」 

大舊大吼:「你而家講咩都無用啦!!!!人都死左啦!!!!對唔住大晒呀!!!!對唔住樂思就會返生咩!!!」 

想不到今天這一個指令,竟令娜姐中了狼人的奸計,再把我們互相殘殺…好一招借刀殺人…在狼人之中,一定有一個智力很高的人在操控著..把我們所有人都玩弄在他掌心之中…..

西九龍警署 

一警員為一個少女落完了口供,把口供交給了另一位警員… 

警員: 「冼SIR,啱啱幫完個靚妹落完口供,又係人口失蹤啵」 

冼SIR一邊看口供一邊說道:「呢兩日咁多人黎報人口失蹤…張SIR,有無留意咁佢地有咩特別??」 

張SIR:「好奇怪…佢地都係讀過同一間中學…」 

冼SIR:「咁奇怪….咁仲有咩共通點?」 

張SIR:「佢地好似都係去完佢地嘅中學聚會之後開始慢慢失蹤…呢班人好有古怪…」 

冼SIR:「呢幾個失蹤案件唔可以忽視,將佢地去旅行果班人嘅資料通通搵俾我.係呢??果間中學叫咩名?」 

張SIR:「好似叫…九記中學…」 

此時洗SIR聽完了張SIR的回答,好像面容惚了一下. 

張SIR:「冼SIR..你無事啊嘛…」. 

冼SIR慢慢回答:「無…無…無…事…」 

冼SIR心想:『九記中學?咪係我以前間中學…呢班人..唔通我會認識??』