狼人遊戲 第十八章 塔亞娜 

8月22日 遊戲第六日 10:50 流河鎮 

「真的好吃嗎...?要不要把子彈也吃了」一把聲音從他的後方傳出.... 

「大...大....佬...有啲咩事慢慢講.....」冼Sir口吃地說 

「你究竟是誰人?為甚麼要進來?你是賊嗎?」 





「我...我....唔係賊黎...我係香港警察...」 

「香港警察?那你來幹甚麼?」 

「我....我只係想見下呢間屋嘅主人....想問下一啲情報....」 

「別胡說!甚麼情報!」 

「一個關於十二年前,一宗多重命案嘅情報.....」 





「....................................」 

「我講真架....我真係警察....你信我啦...我唔係賊...」 

「誰人叫你來?」

「有個乞兒阿婆叫我黎呢度...佢話可以問到一啲野....」 

「那老傢伙.....叫了主人不要給她錢....」 





「咁.....咁...你而家相信我未...?」 

「但你來想問甚麼..?」 

「你...你可唔可以收起支槍再講....」 

男子把槍收起了,冼Sir慢慢地轉過身....看到了一名頭髮都已經滄白了的男子在他身後,年紀應該大嘅70歲左右 

老者「那你想問甚麼?」 

冼sir「我只係想知道...十二年前果宗多重命案夠竟係咩回事...因為..而家香港同樣發生更類似你地十二年前一樣嘅事件」 

老者「....................」 

冼sir「求下你啦!你啱啱所講嘅主人...佢應該知道啲野架....求下你帶我去見佢啦....因為...真係人命關天,遲一日,就會多幾個人死!」 





老者「好吧....我去問問主人.....你到大廳等等...」 

冼sir「多謝你!」

冼sir跟著老者,到了大屋的客廳,客廳很寬敞,都是以中國民革時期的建築設計,大廳中間有條長長的樓梯,看來是直通客房 

老者慢慢地走上了樓梯,冼sir獨自坐在沙發上,心呼吸了一啖氣,心想終於鬆了一口氣,從口袋中拿出了火機,慢慢地點了一根煙 

這時候的他在想這麼大件的案件竟然發生在他身上,心想如果真的被他破了,這一次一定升職加薪。再想起與他共度生死的張Sir,回味和他每天行咇的日子,現在的他只有三個目標:破案,升職,為張Sir報仇 

過了十分鐘左右,老者從樓梯慢慢地走下來 

老者「警察先生,請跟我進入主人的房間」 





冼sir慢慢地跟著老者走上樓梯,這屋看來很大,應該有十個客房以上 

冼sir走進了一個大房間,看來是主人房了 

老者「主人...我帶他來了....」

男子聲「叫他過來吧...你先下出去吧」 

「是的主人」老者說完便把門關上 

「你係...........」冼sir問道 

「警察先生....辛苦你啦....山長水遠黎到呢度.....」男子 

冼sir「你識廣東話,真在太好啦!!」 





「你行過黎我床邊啦...我唔方便起身..」 

冼sir慢慢地行到大床邊...看到一個就像沒有血色的中年男子睡在床上. 

「年輕人..你叫咩名.....」男子 

「你叫我阿傑就得」冼sir 

「你好....我叫陳東....你係咪想知道十二年前發生咩事....」男子 

「係啊!!我仲想知道點樣先可以終止呢個死亡遊戲!!大叔...你係咪知道啊!!係就快啲講啦!!」冼sir

「咳咳咳.....十二年前果幾個晚上....我仲歷歷在目....」陳東 





「仲記得果時手機唔係太流行...我地好多人都係用傳呼機....有一日...我地成班朋友一齊係度聚舊....阿發佢拎左個遊戲牌出黎...話係唔知邊個寄俾佢...又話贏左有啲咩心想事成嘅願望...我地咪貪得意...拎黎玩....點知...一玩....個遊戲就無辦法停...仲要每日都要我地自傷殘殺....」陳東 

「咁似我地呢邊嘅....咁最後...你地點脫險??」冼sir 

「咳咳咳.....我地....咪死剩左我同阿華囉......」陳東 

「死...死...剩....即係....你地係....生還者....即係...優勝者??」冼sir 

陳東「咳.....你講得無錯...我同阿華....都係做狼人嘅角色....我地合作....不停咁將自己嘅朋友殺死....再睇住同伴一個一個死.....咳咳....」 

冼sir「你地無報警架咩??」 

陳東「警方係唔會信.....而且...我地班人入邊有人係知道個遊戲真係贏左...係真係有願望成真....我地有啲人...係心甘情願玩個遊戲....」 

冼sir「佢地點知??」 

陳東「因為...呢個遊戲...唔止呢度玩過...仲有好多地方....只係你未查到...」 

冼sir「咁.........即係.....無辦法....停??」

陳東「我同你講....我都係心甘情願玩呢個遊戲.....」 

冼sir「點解???」 

陳東「因為.....我想要好多好多錢.....我以前好窮....成日俾人蝦...成日俾人笑...我要出人頭地...我要錢.....」 

冼sir「咁你就可以殘殺咁多好朋友??」 

陳東「咳咳咳....可能...就係咁......上天懲罰我.....我而家...已經係末期肺癌....真係多多錢都無用...呢件事點解無公開...因為...我地用左好多好多錢....去收買囇呢度啲公安...基本上...佢地而家都係我嘅人....」 

冼sir「................................」 

陳東「個遊戲....我真係唔知點終止...可能...我講個故仔你聽....你會有啲頭緒..」 

冼sir「咩故仔......」 

陳東「所有嘅死亡詛咒....都係你身後果幅畫入邊嘅女仔....佢創造出黎..」 

冼sir轉向身後...望見牆上的竟然是...一個帶著微笑...還帶著星星,月亮,太陽,死神,命運之綸的圖案...如果讀者還記得...正是天佑他們在地下室發現的畫

冼sir「呢....個...女仔???」 

陳東「佢叫塔亞娜....係生於法國一條小村莊入邊嘅女仔.....話說係約一百多年前.....」 

….................................................. 

….............................. 

就在一百多年前,法國的一條小村莊,長著兩位漂亮的姊妹,年紀較大的的塔亞娜。有著長長的金髮,清秀可人,喜歡占卜,把家裡裝飾成占卜館。整天為村民為村民塔羅占萛 

年紀較小的艾朵拉,都是一名美女,是村里很多男士的追求對像 

在一個平平無奇的星期天早上,村里多了一位有遊客,他叫皮爾斯,是一名美男子,善長醫術,還有閒餘是一位畫家. 

皮爾斯是一名流浪醫生,喜歡周遊列國,為當地的村民免費醫治疾病,所以他去到哪裡也也受歡迎 

他在村里待了小段時間,已經幫很多村民醫好了一些疾病,已成為了村里的一時佳話

在一個怡人的下午,皮爾斯坐在河邊的清清草原上,拿起了他的畫筆,準備把這個旅程記載到他的畫簿裡 

就在這個時候,他看見了遠處有一名女子,這名女子清秀可人,她就是塔亞娜。塔亞娜和皮爾斯一見鐘情,彼此已經深愛著對方 

皮爾斯願意為塔亞娜永遠留在這個小村莊,和她白頭到老,還替塔亞娜畫了一幅畫,再加上她喜歡的塔羅牌圖案,這幅畫名叫「塔亞娜的微笑」 

他們過著了一段很快樂的日子......但........ 

在一個圓月之夜的深夜裡,睡著皮爾斯突然聽到有個小女孩在外邊大叫,便從床上走下來,拿起了槍,跑出屋外。他竟然看到難以置信的事.....竟然....他竟然見到一隻狼人...在嘶殺一名紅色頭髮的小女孩.... 

狼人殺了小女孩後...他把目標轉移到皮爾斯身上...正準備向他展開攻擊... 

砰的一聲!!人倒下了....地面滿怖鮮血....驚魂未定的皮爾斯慢慢走近倒在地下的狼人...看看他是否死掉...怎料狼人突然跳起來,咬了皮爾斯一口。皮爾斯拼命爭扎,一腳把狼人跌在地下,再向著狼人的頭部狠狠地開了一槍 

砰!!!!!!!!!!

這件事...很快就傳到整個村莊...皮爾斯雖然救不到小女孩,但做了殺死狼人的英雄 

但事情....還沒有完結..... 

皮爾斯自從被狼人咬了一次之後..每天晚上都要求飲鮮血...否則就會很痛苦..難道...他也會變成狼人...不是...他沒有變了成狼人... 

塔亞娜每天晚上會到農場裡偷一隻雞,再放血,再給皮爾斯喝。皮爾斯跟狼人不一樣需要人血為生....只需要動物的血就可以....看來...像吸血彊屍呢 

但不幸,這件事被村民發現了,村長跟村民開了會,覺得皮爾斯就算現在沒有危險,但難保將來有危險...決定................. 

將皮爾斯活活燒死......... 

當然也有不少受過皮爾斯恩惠的村民反對,但少數服從多數,皮爾斯看來難逃一死... 

即將被處決的皮爾斯被關在地牢裡,塔亞娜在門外痛哭著,她不明白為什麼村民這麼無情,皮爾斯為村做了這多好事,但結果...也要被這些村民處死...

就在皮爾斯被處死的當天,塔亞娜沒有去到刑場,而是在家裡,她痛恨這個世界的人自私。在這段時間,她想出一個遊戲,是來測試人性的遊戲,她把遊戲制作成她喜歡的紙牌形式,再放到一個白色的盒子裡 

滿怖著仇恨的她口中念著咒語.....她拿起了刀子...... 

一刀割開自己手上的大動脈..... 

鮮血不停地流出來,流在那白色的盒子上...盒子慢慢由白色... 

變成深紅色.... 

她要把所有的詛咒...放到這個遊戲上...將來只要有人貪婪...玩起這遊戲..人性的醜態就會出現.為利益而家殘殺別人,包括朋友,親人,愛人!!! 

熊熊的烈火燒起.....皮爾斯慢慢地從火海中消失....... 

這個村莊....過了一個月後.....整個村大部份的人都得到了怪病死了..都是同意燒死皮爾斯的人.... 

難道.....這就是詛咒??? 

至於....那幅牌....不知是什麼途徑....也轉到世界各地...可能只要有人貪婪...那幅牌就會出現....

陳東「咳咳咳...個故事就係咁.....你睇下諗唔諗到頭緒啦...」 

冼sir「嘩....好難諗啵....係啵....咪住...你之前講....有個人叫阿華...佢係邊個??」 

陳東「佢叫施偉華....都係呢個遊戲嘅生還者...我唔知佢係邊...不過有一樣野...可能可以幫到你....」 

冼sir「咩野???」 

陳東「如果....我無估錯....今次你地香港呢次遊戲幕後黑手...就係佢....」 

冼sir「下??點解??」 

陳東「係你地遊戲入邊....混入左佢嘅人.....而呢個人.....應該....係佢個仔....」 

冼sir「咁佢個仔叫咩名??」 

陳東「我唔清楚....我知嘅就係咁多.....要講我都講囇....」 

冼sir「唔得....要快啲通知天佑....」 

冼sir立刻拿起了剛買的二手電話,打給香港的天佑

我「冼sir你查成點啊??」 

冼sir「呢個遊戲一切詛咒來源都係你地玩果副啤牌到,你地快啲燒左佢!!」 

我「果副牌自從宿營之後一直唔見左...我估應該仲留左係個營到..不過上次我同阿風返去乜都搵唔到....」 

冼sir「咁啊...係...我仲查到...你地成班人入邊有個大奸角,佢就係操縱呢個遊戲嘅幕後黑手」 

我「咁佢係邊個???」 

冼sir「佢唔知叫咩名....我知佢老豆叫施偉華!!」 

我「施偉華???」 

冼sir「係啊....你快啲.......................啊!!!」 

我「冼sir!!發生咩事啊....冼sir??」

滴滴滴.....一男子拿著一支滿怖鮮血的鐵棍.... 

陳東「阿......阿.....華.....你.....點解....係度.....」 

男子「阿東...你都就死啦....點解仲要阻住囇啊....做咩講咁多野俾呢條差佬知啊...我跟左佢好耐架啦....估唔到...你真係出賣我...」 

陳東「收手啦....阿華........」 

男子「收手??你自己唔好彩有cancer啫...我唔係架...我無你咁識諗...如果無呢個遊戲...我仲係雙腳殘廢嘅垃圾黎架喳!!無呢個遊戲,我點可以企得返起身啊!!」 

陳東「...........................」 

男子「阿東....呢度有啲藥....乖乖地...食囇佢...離開呢個世界啦....」 

陳東「我唔要...我唔要...啊...啊.......啊.....」 

就在這個時候....訓在地滿怖鮮血的冼sir慢慢淨開眼睛...看見一名男子正在強逼陳東吃藥....而更驚訝的是....冼sir竟然見到.... 

「手......上.......蜈......蚣......紋.......身.......」冼sir 

男子「係啊...型唔型啊??」 

說罷..再向冼sir的頭部重擊多次.......