狼人遊戲 第二十章 排骨 

火山「嘿....小柔!我中意咗你好耐架啦....可唔可以做我女朋友啊?」 

小柔「................................」 

排骨「小柔!我比佢地任何一個都有錢!不如做我女朋友啦!你睇隻靚靚戒指」 

小柔「..............................」 





傻強「小柔!我咩都唔叻!但我攪爛GAG勁過任何一個人!做我女朋友俾我日日逗氹你開心啦!」 

小柔「.......................................」 

我「................................................」 

小柔「...........................................」 

我「小柔.....我.......我....咩都無....又唔靚仔....又唔識講笑話....又無錢.....」 





小柔「...........................................」 

我「但....我對你.....真係對你真心.....俾次機會得麻??」 

小柔「嗯..........」 

火山,排骨,傻強:「點解會咁架!」

在海灘上....我拖著小柔的手..... 





天佑「小柔....你究竟....你喜歡我啲乜野啊...佢地個個條件都咁好....」 

小柔想了一想..回答到「無錯...佢地個個都有佢地嘅優點.....」 

天佑「.................................」 

小柔露出甜美的微笑「但....我就係喜歡你夠真!!」 

天佑「小柔...............我........我.............」 

小柔「傻瓜.........」 

突然....眼前變得漆黑...伸手不見五指...... 

我大叫道「小柔!!你係邊啊!!!小柔!!!」 





.............................................................

「當上這個白痴的使命....辛苦嗎?」謎之女聲 

「你究竟係邊個?」 

「我叫艾朵拉....」謎之女聲 

「艾朵拉?我唔識你?」 

「我姐姐許下呢個詛咒已經有過百年嘅歷史...你係咁多年黎最有仁心嘅參賽者....」謎之女聲 

「你姐姐?詛咒?你講乜啊?究竟個遊戲要點先停到!」 





「只有仁心....先可以令呢個遊戲終結.....」謎之女聲 

「即係點啊?你賣緊余仁生廣告呀?」 

「辛苦你啦.....程天佑.....」謎之女聲 

「喂!喂!」 

..................................................................................... 

................................................... 

........................ 

......





「天佑!你醒下啦!」 

「...................................................」 

「天佑!你醒啦?」 

「小.......柔.....呢.....度......係.....」我問道 

「天佑...你無事就太好啦!」只見小柔雙眼紅腫...緊緊捉實我的手... 

「傻.....傻妹......究竟...發生咗咩事...?」我問道 

「你同Coie炒咗車....就入咗黎啦....」小柔 





是喔.....我和Coie撞了車...... 

「係喎!我...我撞咗車....Coie佢點啊?排骨佢又點啊?」我急忙問道 

小柔「你....冷靜啲先啦.....你撞咗車之後....就送咗入黎醫院....Coie佢就受咗輕傷...偷偷地無入醫院走咗出黎....」 

............................................................ 

............................. 

...........

8月22日 遊戲第六日20:35 香港 

「天佑!天佑!你無事啊麻?你唔好死啊!我地都要靠你架...你唔好死啊...」 

濛矓中....我聽到了Coie的聲音...但此時的我滿天星斗...很難對她作出回應...但撐出一口氣.... 

「Coie....你....你....你快啲....走先....佢地....需要...你....指証....排骨.....你...一定要快啲走先....快啲走....」天佑 

「天佑!白車好快黎.....你一定要撐住啊.....」Coie 

「我....一定....會.......」說擺我便昏過去了... 

往後的事,都是小柔跟我說起的....

8月22日 遊戲第六日20:55 香港 九記中學 

「天佑點解仲未到嘅....」小柔 

「係囉...Coie都未到...佢好似上個回合都無到....」傻強 

這個時候...有一個身影從遠處跑來.... 

「天佑!你終於到啦?」小柔 

「嗄嗄嗄.....唔好意思....小柔姐....我唔係天佑」排骨 

「咁....天佑....去咗邊......打佢電話又打唔通…」小柔急得快要哭了 

「點都好啦....就快九點啦....又係要睇今個回合死邊個....今個回合指令...係年紀最細果個有投票權.....」傻強 

正當九時正,所有人的電話都收到了短信...看來又是死忙的一刻.... 

『狼人已經指定殺戮的目標,今個回合的死者是..9號玩家..栗子..死者可有2分鐘的時間說遺言」

「點...點解會係我.....」栗子已經驚嚇得面無表情 

「好簡單啫,狼人一定係殺你,因為,你就係今個回合年紀最細果個!」說出此話的人正是巫婆 

「下....?佢係年紀最細?」子俊 

「我係占星術師,你地嘅出生日期我都好清楚,呢度最細嘅人就係栗子!」巫婆 

「咁殺咗佢...對狼人有咩好處??」傻強 

「好簡單啫...因為....佢死咗....第二年紀細嘅人就會取代佢....」巫婆 

「咁佢......係....邊個..?」子俊 

「咪就係...我地唱歌小天后.....翠兒小姐!」巫婆 

「我....嘅死....就係想換嚟.....翠兒....可以...投票?」栗子 

「下.....我....?」翠兒 

「你....一定就係狼人....做咩要殺我!我唔想死啊....」栗子 

激動的栗子衝前去握著翠兒的脖子,翠兒痛苦得透不過氣來...

「大家快啲捉開佢先!」子俊叫道 

「唔.....唔....關....我...事....架.....我...真係....咩.....都....唔知.....」翠兒 

一行人把栗子跟翠兒分開...激動的栗子情緒看來慢慢平伏...跪在地上... 

「肥龍....當年...係我對你唔住....今日....我嚟陪你喇.....」滿面淚水的栗子說到 

就在這時候...栗子全身抽搐...死法就像火山他們的死法也一樣...面無血色...慢慢地沒有心跳和呼吸了.... 

「睇嚟....已經明朗化啦,今次最大得益者....就係我地嘅唱歌小天后!」巫婆 

「真係....唔關我事...我真係咩都唔知....」翠兒 

「無錯!佢真係咩都唔知!」突然遠處傳來一把女聲 

眾人回頭一看.....說話的正是Coie 

排骨「...............................」 

「所有嘢!都唔關佢事!你地唔好中咗狼人嘅奸計!又係一招借刀殺人,佢地想你地誤會翠兒係狼人!」Coie

「Coie!你呢兩日去咗邊?」傻強 

「我....去咗邊....?我就係俾你地一位同學...捉咗去佢嘅別墅到....佢拎埋我手機...預言你地嘅身份....而且仲....對我.......」說到這裡...Coie已經激動得眼有淚光 

「預言.....?你係....預言家?」傻強 

「係.....呢樣我遲啲再同你地講.....」Coie 

「咁佢....係邊個啊?」子俊 

「佢咪係最咸濕又賤格嘅排骨!」激動的Coie用手指著在遠處排骨 

「你.....你....咪亂講....大家...唔好信佢....」排骨 

「今日...如果唔係天佑入嚟救我.....我都唔可以脫險...唔知要俾呢個賤人折磨到幾時!」Coie邊說邊哭 

「天佑?佢而家點啊?點解唔見佢嘅?」小柔 

「我地飛車出嚟...嚟到附近....炒咗車....佢已經...應該送緊去醫院....」Coie 

「下...........天佑...................」小柔也驚嚇得快哭起來...

「你唔好係度亂咁講嘢啦!你都無証無據啦!死八婆!」排骨 

「証據.....我當然有証據...可以証明你係狼人....」Coie 

「............................」排骨 

Coie「你地殺錯人啦今次.......因為年紀最細果個跟本唔係栗子...又唔係翠兒.....而係.....我!」 

巫婆「下?無可能....我明明係紀念冊查過你地嘅生日日期......」 

Coie「算啦巫婆....收返你啲妖言先啦.....當年...我屋企家景唔係咁好...我父母為咗想我快啲夠歲數出嚟做嘢....特登將我嘅年齡報大咗.....所以....我先係你地呢班人之中年紀最細果位!」 

巫婆「.............................」 

Coie「亦即係話....今次嘅投票權....只有我!先可以決定邊個係要處決嘅人!排骨你呢個人渣....我諗....你都應該知道係邊個啦....」 

「你.....你唔好亂嚟啊!」此時排骨已經嚇得屁滾尿流 

「受死啦!」Coie

正當Coie準備拿起手機投票之際…排骨突然從他的身上取出一把小刀…捉起身旁的小君...用小刀脅持著她...

「你唔好亂嚟啊排骨!」傻強激動地說 

「你殺咗小君....你自己咪又係要死,放開小君啊!!」思浩 

「橫死掂死....我都要攬住你地一齊死!哈哈哈哈」排骨脅用刀持著小君說 

「死八婆!投我票啦!快啲投啦!係我強姦你!仲好爽添!死老處!以為自己生得靚好巴閉啊!咪又係俾咗我....殺我啦!剛剛你咪好型嘅...殺我啦笨!哈哈哈哈」排骨 

「人渣......................」Coie 

「我而家同你講,我要你投子俊!快啲投啦!如果唔係...佢愛人小君就會死係佢面前!我叫你投啊!投啊!」排骨

就在此時...子俊從排骨的身後一手捉著排骨的脖子....另一隻手捉著排骨拎刀的右手... 

慌張的排骨一腳把小君踢到在地上! 

「死Hi Hi....放開我!」排骨 

兩人一起滾在地上博鬥...Coie看準時機...便按了一下手機 

「啊!」 

「............................................」排骨 

大叫一聲之後....突然滿地也是鮮血...... 

「子俊!」小君 

各人手機都震了一下...收到的短信是..「今次投票已結束...投票結果為16號玩家,排骨...其身份為....『狼人』 但由於玩家排骨嚴重傷害其他玩家...故而受到『五馬分屍之刑』玩家不能發表遺言,立刻處刑」 

投票已結束...但換來的....是滿地鮮血...倒卧在地上的......子俊......