夢想穿越Ｇｏｏｄ Ｌｕｃｋ: 第十一章 命運的安排
第十一章 命運的安排
「阿古斯？？？原來你未死....今日真係太好啦..哈哈哈..」騎馬男說
他認識我？？難道是自己人？？實在太好了！！我正想開口之制
「今日我就要係度將你碎屍萬段！！哈哈哈哈」騎馬男說
天啊！！難道此人是我以前的仇人嗎？我現在對阿古斯的過去一無所知，我到底什麼地方得罪了他
「同我捉住佢地！！！」騎馬男說
「你地咪行過黎！！」凱文叫到
這時凱文正想拔劍作出攻擊，怎料被騎馬男一刀擊落了他的劍
「叫左你唔好反抗！！同左捉住呢個男同個女嘅！！」騎馬男說
接著十多個人走了過來把凱文和梅洛迪也捉了起來
「可惡...要唔係受左傷...」凱文說
我心想，就萛沒有受傷，也不可能打敗這麼多人吧
「放開我！！！你地想點？？？」梅洛迪叫到
「男嘅帶佢返去慢慢拆磨...女嘅就交俾我！！今晚我要慢慢享受！哈哈哈」騎馬男說
「咁剩返呢個點樣處置啊羅傑主子！！」一名賊人說
「佢？？就我而家就要慢慢拆磨佢！！」羅傑說到
這個叫羅傑的人身高約１米８５左右，體型健壯，比我高半個頭，難道我要和他打？
「聽講你之前係死囚鬥技場果度俾個巨人嚇到瀨晒尿啵，有無啲咁嘅事！！」羅傑說到
他怎麼會知道我在鬥技場的事情？難道他當時也在場？？
「哈哈，當年攪到我咁，森林果場火無將你燒死，你又再係個鬥技場入邊死裡逃生，你果然真係好大命！！你睇！！我而家已經做左山賊獵人嘅大佬！！計埋山寨啲兄弟起碼有成百人跟緊我！！哈哈」羅傑說到
當年森林的大火？難道當年他已經想燒死我？為什麼他會這麼恨我...我殺了他全家嗎？？
這刻的我不知道應該要說什麼回應他，畢竟我對他跟本一無所知，看來他對我恨之入骨是必然的事，要想活下來...看來只有試試這個方法
「好...啦....你而家係咪要殺我？？」我扮作鎮定說到
「哈哈哈！！殺你就當然架啦！！我諗緊點樣殺！！」羅傑說到
「你地咁鬼多人打我一個，你贏左都唔光彩啦，有膽同我一對一！！」我說
「一對一？？？你同我講條件？？你憑咩！！」羅傑說到
「你今日做得佢地主子，好打就一定架啦！！如果連我呢個打架都會被嚇到瀨尿嘅人都要出動到幾十人殺我嘅話，你覺得你呢個主子有面咩？」我說
羅傑想了一想說到「哈哈哈！！你又講得啱！！我今日就要你瀨多次尿！！！哈哈哈」
「主子你真係要同佢打？？」羅傑身旁的人說到
「丹尼爾，你少擔心，我一定贏佢！！如果真係俾佢咁好彩打贏我，到時你地再殺佢都未遲...嘿嘿..」羅傑自信說到
「..................」 丹尼爾說
「今日，我就同你赤手空拳打！！哈哈」羅傑自信說到
我常常看那些電視劇跟電影，通常大奸角說要和主角單對單時，大命的主角又會取勝，輸的永遠是自大的奸角。今天...我也會這樣子嗎？？
我拿出了袋中在鬥技場中拾到的幸運金幣自言自語說「希望...你再保佑我多一次！！！」
「去死啦！！！」
我正面地吃了羅傑一拳，整個人倒在地上。他出拳真的很快，可能對於我這個跟本不會打架的人來說已經很快，我跟本避不了，看來...就萛一對一...我也會死在這裡了..
「停手啊！！！」梅洛迪大叫
「咦？你呢個女人好似幾緊張佢咁，今日我就係你面前打死佢！！」羅傑說
倒在地上的我不停被羅傑痛摳，一點還擊之力也沒有，我現在做的...就只有手握那幸運金幣嗎？？
「仲話起兵推返王國，你睇下你幾無用！！咦？你隻手握住啲乜？」羅傑說
羅傑猛力地翻開我的手掌，看到那幸運金幣
「呢件野乜黎架！！你就係拎住呢件垃圾！」說擺就把那金幣扔到他後方地上
看來真的完結了...金幣也離我而去了...
「去死啦！！！」羅傑大叫
「阿古斯！！！」梅洛迪
我被羅傑的拳重重打個正著....
...............................................
..............................
............
.......
「少年....果然...我地真係係度會相遇！！」
誰人在說話？？難道我死了嗎？？這裡是天堂還是地獄？？
我摸著頭..慢慢地睜開眼睛...發現眼前漆黑一片，不是...還有一點點光..不知道是哪兒進來..這裡是哪裡？？
這個地似曾相識，好似來過...又好像有點不同...對了..這裡是....
牢房！！！！
我被關進了牢房！！！難道...那個羅傑沒有殺死我？？？
「少年....你醒來啦...我等左你好耐....」一把老年男聲從我附近傳出
「邊個...邊個係度講野？？？」我驚慌問到
「唔洗怕...我係一個係度等你嘅人...」男聲說到
我仔細一聽，聲音原來是從我隔壁的牢房傳出來，那裡究竟關著什麼人，為什麼他會在等我
「即係邊個啊？？？等乜鬼野啊等？？？我唔識你架啵！！」我說到
「呢刻你唔識...但好快你會識....」男聲說
怎麼這麼似某些人在酒吧溝女的語句，正當女生問男生是誰人時，男的就會答出高深的答案『而家你唔識，今晚你就會識』。難道那老頭想溝我？？
「等我自我介紹先，我叫阿伯拉罕，人人都叫我做大占星術士...」男聲
「你就係....大....大占星術士？？？」我震驚說到
「來自另一個世界嘅少年...你好...」阿伯拉罕說
為什麼....他會知道我是來自另一世界？？？
「你...你究竟係咩人...點解...會知咁多野....？？」我震驚問到
「當年阿古斯兵敗...知道自己氣數已盡...就搵左我去幫佢交換靈魂...係另一個世界去交換一個真正嘅救世主靈魂去替代佢」阿伯拉罕說
天啊！！！什麼靈魂交換！！難道我來這個世界，一早已經安排好了的嗎？？