[夢境與現實的交替]復仇性玩偶: 第六章，作弄

[吳浩庭，你尼個無賴，正一瘟神尼嘎，前世真係唔知屌撚過你屎忽窿，定係殺左你全家，先會好似欠左你咁，咁都俾我遇到你......]聽到尼度，我已經無勇氣再聽落去

無錯，果時既我非常脆弱，根本就聽唔落粗口，無諗過，啊庭既出現，竟然會令啊薇發咁大火，我識啊薇兩個星期，從來未見過佢發咁大火⋯⋯

[做咩姐，唔好咁嬲喇，妳以前唔係咁嘎，我既vivi豬，以前妳對我好好嘎，變左喇你，來啦來啦，等我來錫翻妳喇，我既vivi豬⋯⋯]

聽到啊庭既回答，簡直骨都痺埋，我真係頂唔住，佢尼種無賴又變態既語氣，連我都想用XX鬧佢⋯⋯

[我講過幾多次啊，吳浩庭，唔好再叫我vivi豬啊，只有我男朋友先可以咁樣叫我，我寧願你叫翻我全名啊⋯⋯]尼個時候啊薇更加火，仲好似好想哭咁款⋯⋯





[如果我因為你中學生涯識唔到男朋友，我就係四樓跳落去，等你以後都見我唔到]我以為眼前尼個人點都會有啲廉恥點知啊薇既眼淚都流出來，佢仲未停

[唔，好衰嘎妳，真係喊比我睇喔，你滷味啊！所以我決定呢，今日放學，要送你翻屋企啊，你滷味！嘻嘻嘻嘻⋯⋯]佢仲鬼咁得意，用手指去挑啊薇個下巴對住佢講

雖然我唔夠佢高，但我實在忍無可忍喇，一野推開佢，佢失重心撲街

[你個死賤精，人賤有天收啊，我唔會比你蝦啊薇嘎] 唔知佢當堂比我嚇窒左，定點，佢望我既眼神好似變得好奇怪，望到我紅到面曬

佢起翻身





[行開啊，你個死無賴，死瘟神⋯⋯]

佢無行埋尼，急急腳咁翻左班房

跟住，我再睇翻啊薇

[啊薇，你無事啊嘛，求先果個真係衰人，賤精尼嘎，仲同妳改花名，個名又粗俗，又難聽，你滷味咁粗口⋯⋯]我話口未完，啊薇塊面已經紅曬，仲帶住淚痕既佢，顯得非常可愛⋯⋯

[其實，我個名，真係叫李露薇啊！]





[嚇]我個樣成個問號咁，當堂遲疑左

心諗，你滷味都可以係名

[你唔好諗埋一邊啊，我個名係木子李，露水個露，茵薇個薇，我爺爺話，春風化露晨茵薇喔，所以，唔係……]

我簡直不敢相信
轉頭一諗，李露薇，你滷味，諗下諗下，忍唔住笑出來，唔怪得之唔比人知全名啦⋯⋯

[嘻嘻嘻嘻⋯⋯]

[哦，衰人，妳笑我，睇我翻去唔炮製妳⋯⋯唔好走啊妳，成田公主]之後，啊薇破涕為笑，仲追住我翻班房，自此之後，我地就成為左好朋友

我無再叫過啊薇中文名，叫佢vivian





如果係尼一日，我就睇出佢地噶關係，或者，今日就唔會⋯⋯