簡介

愛情散文,剖析男女關係。



(一) 點解有啲女人總係遇到壞男人?

相信大家都有聽過唔少女人話自己成日遇到壞男人,亦都有唔少女人話世界上所有好男人都死曬。咁呢個就梗係唔會,世界上總會有好男人。而有唔少女人都會遇到好男人,有一段美滿婚姻。咁點解有啲女人總係遇唔到?唔通真係樣嘅問題?就我識得嘅朋友中,以我觀察所得,可以總結為三個原因。

原因一:嚴重高估自己嘅追求價值

第一個原因,就係最重要嘅原因,呢啲女人根本無自知之明。戀愛市場就好似生態系統,男人係捕獵者,女人係獵物。男人決定去唔去追一個女人,首先梗係要睇佢值唔值得追。以100分為滿分,有啲男人覺得70分就值得,有啲要求有80分。不過,唔同嘅男人始終都會有底線,亦即係合格分數。男人質素越高,對女人嘅合格分數要求亦越高,一般至少要60分。

呢啲成日喺Facebook吐苦水嘅女人,大部份各方面條件都好普通。首先佢哋學歷唔會高,唔單止無讀過大學,連中學都讀得好差。性格方面亦唔見得好,成日話拍十幾次拖,最後都係分手收場。已經有十幾個男人俾機會同佢一齊,竟然無一個願意堅持留低。有其中一個女人話知道自己任性兼執着,但係始終唔肯去改變。佢哋興趣專長亦無乜,最擅長就係扮靚、自拍、改圖。最大嘅優點係後生,20歲左右,部份都算有啲姿色,係得咁多。但係佢哋成日話「明明自己條件唔差」,咁就真係標準定得太低。佢哋以男人嘅標準來講,肯定係50分以下。真係是但喺識得嘅女人中揀個,都會好過佢哋。



原因二:經常發放吸引壞男人嘅訊息

呢啲女人以為男人揀女人唯一嘅標準就係外表。所以只會喺外表落功夫,至於內涵⋯⋯係咩來㗎?結果佢哋只會吸引到用下半身諗嘢嘅狗公。佢哋重要成日話好悶無人陪,好想有人約,好想拍拖。男人收到嘅訊息係呢啲女人好容易埋身,唔使用太多時間。而佢哋話自己拍過好多次拖,亦即係暗示有過好多性伴侶。女人初夜唔會輕易交出,但係開齋之後,就唔太當一回事。亦即係俾到男人好容易就可以上床嘅訊息。每次拍拖都分手,暗示就算上床之後趙完鬆,亦會容易甩手,無手尾跟。呢個就係每次佢哋都遇到壞男人嘅原因。

原因三:從不發放吸引好男人嘅訊息

女人同汽車差唔多,處女、新車好值錢。處女被破等同新車落地,價值急跌。性伴侶人數等同行車里數,越多貶值越快。女人要吸引好男人,就要表現得獨立自主,唔太需要愛情。呢種女人,男人會認為追求難度高,亦即係拍拖次數唔會太多。引申嘅意思就係性伴侶亦唔會多,可能重有機會係處女。而且呢種唔會太過硬銷外表嘅女人,暗示會有唔錯嘅內涵。唔會太過渴求戀愛,亦即係表示就算喺埋一齊都唔會太過黐身。獨立自主嘅女人,生活亦會比較豐富,多姿多彩。同呢種女人拍拖,肯定會有情趣好多,唔會只係識得床技。呢種女人拍拖次數少,即係佢哋寧缺莫濫,對男人要求會比較高,追到手就表示自己亦係質素高嘅男人,所以成功感亦會比較大。呢啲訊息先至可以吸引到好男人。
 
已有 0 人追稿