簡介

在一次朋友聚會中, 我們玩起Ouija。。。



楔子 

大多數人在一生中都不會遭遇到靈異事件,但有一部分人可能曾經遭遇過幾次,而有極小數人經常遇到‧術數師認為這類人經常遇到靈異事件的原因一般是由於他們的八字弱,容易受靈界影響‧ 


九點鐘,吃完晚飯,洗過碗筷,我對媽說: 
「媽,我去阿信屋企玩,今晚可能好夜先返‧」 
「你自己睇住時間‧」 
阿信是我的兒時玩伴,他跟我住在同一幢大廈,由小學開始我就常到他家玩‧即使現在我們都已經是大學生,我們還是會偶爾互相到對方的家玩‧今天阿信的家裹没有人,所以他約我和兩個中學同學肥強和瘦俊到他家敍舊‧ 
我到阿信家的時候,其他人已經到齊了‧ 


「石志堅,做咩咁夜先嚟?」 
「sor,要做功課搞到遲左食飯‧你地都唔知我幾慘,一開sem就大把功課‧」 
「等左你好耐啦,快D開番罐啤酒啦,今晚我地不醉無歸!」 
接下來我們聊天的內容沒有甚麼好說,基本上就是中學同學會聊的話題‧比如今年ocamp中女生的質素如何,哪些教授人很好,哪些教授教得很差,其他中學同學的情況等等‧ 
談了三個小時,啤酒都喝完,聊天的話題都沒有了‧ 
肥強說:「阿信,做咩買咁少啤酒,咁快就飲完‧」 
「買左一打架啦,點知你地飲得咁快‧」 
「好悶啊,」瘦俊提議「依家先十二點,不如搵D野嚟玩吓‧」 
「阿信,開部PS4玩吓‧」 
「唔好啦掛,你班友仔次次打親機都爆粗爆到拆天咁嘈,我驚嘈親隔離屋‧」 


我突然記起阿信有很多桌上遊戲‧ 
「阿信,你唔係有好多board game 嘅咩? 求其攞一隻出嚟玩啦‧」 
「咁玩”生命之旅”,夠哂經典‧」 
然而,這個提議受到肥強和瘦俊反對‧ 
「哩隻game我已經玩過幾百次,我唔想再係隻game度輪迴落去‧」 
「我嘅生命之旅仲要玩多幾十年,不如玩D新鮮D嘅game」 
這時,阿信突然挺起胸膛,自信滿滿地說: 
「我有一隻game,你地一定未玩過‧」 
然後,他走到他的房間裹,出來時手中拿著一盒桌上遊戲‧ 
「你地有冇聽過咩係Ouija ?」
已有 0 人追稿