12夜: 士多啤梨味得力素

「i am　Drunk。。。」凌晨時份的一段ｗａｈｔａｐｐ，令阿樂的心高高地吊了起來。
 「咩事？？ｗ　ｒ　ｕ　？」他一邊盯着手機內在線上三字，生怕得不到Kary的回復。
 「Quick，上次ｃｗｂ嗰間，買糖畀我」幸好ｋａｒｙ立即回應了地點，買糖是當然的，阿樂知道對方容易血糖低，於是順手於抽屜中拿走一盒得力素。當然，照樣的士多啤梨味。
 「我而家即刻嚟，唔好再飲！」阿樂草草收拾出發，他知道Kary今天有點感冒。
 「ｗｒｕ？Quick」那邊廂的Kary繼續以whatapp發出召喚。
 「你身邊有無朋友睇住你呀？」過海的士很難找，地鐵中的阿樂只好一直握緊電話，一邊趕赴現場，一邊慰問。
 「ｏｎｌｙ　ｍｅ，佢走咗」電話中傳來阿樂最不想見到，卻有點安慰的一句。
 在千辛萬苦下，阿樂走進了那間上樓酒吧的大堂，兩對男女正談笑風生，與滿頭大汗的阿樂頓成對比。
 「唔該我想搵我朋友，佢話佢醉咗」此刻，kary的whatapp名字下空白一片，當然亦沒有聽電話。全場找了一周後，阿樂並沒有發現Kary，只好找侍應問問。對方聞言亦幫忙四處要望，然後指一指暗角的一對男女「嗰度呀！」
 Kary醉了是真的，因為她正把頭枕在一個男人的大腳上。男人亦輕摸着Kary的頭髮


 「你哋……識架？」阿樂想先搞清楚對方身份
 「係呀，friend嚟架」對方回應的同時，亦擺出一副無辜的表情
 「你明嘅啦」同時把手很自然地放開，阿樂走過去扶起Kary。
 「嗯...jason…」
 Kary醉了是真的，男人只是朋友也許是真的，阿樂卻是假的。
 那晚，現場玩飛標的人都看到一個人，震抖地從袋中拿出一盒士多啤梨味得力素。