12夜: 及西褲

「嗯，其實我同女朋友哩兩年嘅感情好穩定……」

有個不定期舉行的Man Talk聚會，供一眾麻甩仔酒後吐心事，這晚便論到麻甩仔justin分享心事


justin以現任女友的感情作開場白，自然引起其他人興趣，他又灌進了一口才繼續說到

「不過直至最近公司嚟咗個新女同事，搞到我好煩。」說罷又灌進了一口。

眾麻甩仔聞言卻立即起哄「喂，嗱！咩都唔好講住，有無相睇下先？」



justin於是慢條斯里地於褲袋中拿出電話，於whatapp中開了對方的照片。

「都ok喇」眾人圍觀一眼便坐回原位，照片中是一個樣子正常，卻是身材很好的少女。


「我條女本身好悶，我份工又悶，所以我就好記得女神返工第一日，著咗件小背心同埋一條及西褲。」
不知何時開始，對方甚至已經成為justin女神。

「及西褲……」眾人會意，中間亦跳出兩聲衰格的笑聲



「係佢主動用whatapp搵我，好快我哋就一齊放lunch、一齊放工，有時仲會喺深夜傾電話。而更快地，

我發現，如果對方太耐無搵自己，個心就會好似有件事咁，我覺得係因為我開始掛佳佢……之後就好似做咗兵」

「你掛住人哋條及西褲啫！」眾人又是一陣哄笑。

「條褲當然就掛住喇，不過另一分面，係佢講咗好多自己嘅嘢畀我聽，例如佢男朋友以前對佢唔好呀之類……」

「好多人以為男人只要有得搞嘢就OK，其實最大嘅伏係會不知不覺中沉船呀！」眾人之中，有人不禁感慨地說。



「冇錯，真正嘅兵！係明知得唔到娘娘嘅肉體，仍然會無條件地付出嗰啲，唔係因為鐘意娘娘好開心，
而係想自己冇咁掛住，冇咁辛苦，娘娘愈係叫你上天下海，舒緩嘅作用就更佳！」另一麻甩仔認真地表
示！


「其實我幾時開始變成咁……」justin把手中的啤酒握緊。


「你哩種叫心靈出軋，其實喺男人嘅角度，仲大獲過純肉體嘅出軋！」剛才那麻甩仔繼續表示，眾人亦
齊聲點頭，話題重回討論情感關係，亦終於像樣，討論下去或許真的能幫justin不少。

然後大家是一陣子的沉默和反省




「其實條女已經可食用，而且睇落冇手尾，食咗先喇！唔係第日你一定後悔！」一個肥仔麻甩突然跳出
一句，眾人於是又再及西褲開始說起。



據說，歐洲曾有個研究，顯示男性平均每7秒就會想起性愛一次……似乎注定要一輩子西下去