「鐵面英雄—小六」我係警局地底拎左粒石頭: 第九話

「終於有人開到呢個盒啦！同我估得冇錯，係我認識的人，仲要係我個仔！你係六仔定係一輝阿？」竟然是我爸爸的影像，我連忙點點頭。

「我係小六呀，爸爸......」自六歲起後就沒見過雙親的我，這時再看到「已死去的爸爸」，百般滋味在心頭，一時感動失去理智向著影像說話。

「哈哈，咁你應該都拎左其中一個石頭能力啦，因為我個盒要有其中一種創世石力量先開以打開。」

「下....爸爸你呢個唔係你留低嘅片段黎？點解你可以同我溝通倒？」我一直以為只是爸爸留下了什麼話，但竟然可以跟我對話，我是萬萬想不到的。

「呢個係「天行之石」能力入面其一種，叫「元神殘留」，可以令我元神留係一個位置，被人發現之後有五分鐘左右出現時間，不過只可以講野，接觸唔到人，人地攻擊我元神對我本體都冇用。好啦，唔浪費時間。我有野想同你講，六仔。我估計你應該係拎左「地心之石」，係咪？因為我肯定「地心之石」仲係香港，而「天行之石」係我死左之後應該唔知會飛左去邊，未必係香港，所以你拎到「地心之石」嘅機會會大好多。」我連忙點點頭，等爸爸繼續說。





「其實我死因並唔簡單，不過我唔係死係香港，相信你地都唔會知我同你媽媽點解會死，我個陣只係叫左個識左好耐嘅好兄弟黎同你姑媽報死訊，想佢幫手照顧你地三兄弟，可惜係我出事前一日，你細佬十一已經唔見左，我個陣都冇機會再番黎，所以只可以叫我好兄弟幫埋手搵佢，但睇黎你地都係未搵到佢啦。」

爸爸再去看被我翻過的他的草稿。

「你應該睇到我個故仔，個個亦都係真事黎，呢個草稿我冇打算作為小說出版，我只係想作為我遺物而留低，可以比自己識嘅人睇到，已保證創世石有機會落入自己人手中，家陣都咁岩係自己個仔度，我亦都覺得好好。我本身以為會係一輝拎到嫁。」

「點解係佢？」我並沒有妒忌，只是應該要問才問。

「因為一輝細個志願係做警察呀，而且佢學武天份都好高，我覺得佢應該做到，所以係你4歲個年我用半年時間整左一條秘道由下水道通往警署，點知係你拎到，我亦都冇所謂。好了，時間仲剩低唔多，我入正題，殺我的是一個組織，全部戴住面具，見唔到樣，但體格同身手比正常人勁好多好多，而且佢地都知呢個世界上有呢兩種創世石嘅存在，不斷追住我，想問創世石下落，但我點都唔講，跟住佢地拎左你呀媽做人質，而且我亦為了保住係香港...你地兄弟安全，我先選擇左一個同佢地同歸於盡嘅做法。」我著實的驚呆了，因為原來所有東西也是由我爸爸先發現的。





「爸爸，我......」我把得到「地心之石」的力量後遇到的事跟爸爸簡單說了一遍。

「唔......果然！要黎，始終都要黎，個陣佢地個組織老大我都剩係見過一次，所以我只係消除到佢地大部份主力部隊，咁E家呢個情況，之後就交比你啦。如果你真係懷疑十一佢入左個個「鬼臉組織」，你可以去呢個地方度搵我個位好兄弟，佢應該仲係個度做大佬，佢會幫到你手，相信佢啦。」爸爸用手指在空氣中寫著，手指劃過的地方有發光的文字掛在半空(粉嶺鬼切道31號)，我默默地記住了。

「好啦，時間無多，你有咩想知？應該可以問多我最後一個問題。」爸爸一時之間說出這樣的話，我也不知道能問什麼，我還想跟他再聊聊天，跟他說說我經歷過的事......可惜......沒有機會了......

「我地個名係點改出黎嫁？」這個問題的答案沒有什麼用處，但這是跟爸爸最後一句話，我也不想再問關於這些「事件」的問題，我想好好的跟他聊一句。

「冇點呀。哈哈。我第一個仔咪有個一字，但得一個一字又好奇怪，咪求奇話加個輝字，你呀媽個陣都笑左出黎。而且五呢個數目字係我同你呀媽嘅幸運號碼，第二個仔咪加五囉，咪變左你小六呢個名，再加五變埋十一，哈哈，諗起都好求奇。」我也會心微笑了，原來我們的名字沒別的意思。





爸爸的影像開始由下以上地散成光塵，慢慢消失。

「你要加油阿，當你有呢種力量，要記住，你已經唔再係普通人黎嫁啦！」爸爸這是消息前最後一句話，之後就整個消失了。

「我會的。」我伸出手去抓著摸不到的光塵，握成拳頭。

(鬼臉組織！如果你們真的捉了我弟弟我一定不放過你們！)我默默地對自己許下諾言。